2019 年 4 月 13 日

[小島怡情] 印洲塘海岸公園、黃竹角咀

香港地方細細,但都有唔少位置係列為世界地質公園
仲要係响近在咫尺搭程火車上個船就去到呢!

hea式街渡遊船河…
由馬料水開船
右手邊係馬鞍山

過一陣大埔嘅八仙嶺已經响左邊

仲有條好~~~ 長~~~ 嘅**大尾篤水壩**
即係攔住個 **船灣淡水湖**嘅堤壩

過埋船灣淡水湖副壩

就進入赤門海峽部分

黃竹角咀
係香港暫時搵到現藏最古老低層
源於盆地紀嘅沉積岩
(Devonian period:距離而家3.5億至4.05億年前)
灰白 x 鏽紅色嘅沉積岩主要係由砂岩、含礫砂岩同礫岩組成
垂直裂開好靚 (?)咁露出

鬼手
遠睇當然唔覺得大隻其實佢都有兩米高嘅岩柱
經過長期風化同侵蝕後,頂部蝕吓蝕吓形成手指
底部就俾海水一直沖涮而整到手腕咁樣

轉入黃竹角海

先途經紅石門海岸
岸邊啲岩石因為鐵質豐富而呈現火紅色㗎

然後就穿過成程船最窄嘅位置 - 紅石門

就入到嚟印洲塘海岸公園範圍
而家嘅印洲塘地貌係1億8000萬年前
中侏羅世猛咁爆火山出嚟嘅產物
啲火山爆呀爆咁GG咗本身响度主要由砂岩同粉砂岩組成嘅沉積岩
熔岩撈埋啲火山灰移民到地面仲硬埋賴死唔走
凝固成為大概2000米嘅火山岩層
火山唔work之後慢慢消竭
再嚟嘅係長約2000萬年嘅侵蝕風化期
由高嶺流呀流水將啲沙石沖涮吓咁
結果就係見到嘅約500米嘅沉積岩層喇(yeah講完)

有零舍stand out嘅執毛州

印塘六寶:話有六個地方嘅型態貌似中國古代物品喎…
都係三分形象七分想像你話似咪似囉嗰種

其中嘅「」就係指印洲塘嘅海面波平如鏡
就話係好似紙咁平滑, see?

玉璽」即係話似印台嘅島仔
其實佢叫印州,中間有條裂隙咁樣

吉澳黄幌山呢樹有三樣:
尖頂叫「羅傘」:121米呈錐形嘅山
最左邊啲淺色沙咀位係「御筆
話睇落似毛筆喎
筆架」位於下面嘅島仔
(圖中間左少少山腳啡色嗰度)
話個樣似筆架所以島仔都叫筆架洲咁喎
其實仲有响筆架洲左邊嘅黑黑哋石排「墨硯
但係船同岸距離太遠睇唔到都想像唔到啦

清新嘅海岸遠望就係中国沙頭角海鹽田港嗰邊
風景即刻差咗個勁多

都係post返幅靚啲嘅洗洗眼

落船喇!