2015 年 11 月 9 日

[cake] FamilyMart - sweet+ 焼き菓子

要食到拎過獎嘅蛋糕仔們要去邊間蛋糕鋪排餐飽?
去FamilyMart咪得囉,反正24小時都開
鍾意幾點排幾點買幾點食都得~~~(我直頭買返香港食啦)

(左上)フィナンシェ financier
(左下)フロランタン florentins
(右)プレミアムバウム premium baum
三款到拎咗2015年嘅monde selection金獎(之前食過拎呢個獎嘅零食
件フィナンシェ仲拎埋最高金賞
好,就食佢先!
淡淡杏仁味配上焦香牛油味
蛋糕鬆軟帶微微濕潤,喂係好食喎

フロランタン呢
牛油曲奇餅底 + 面層焦糖杏仁片 = 香・甜・脆
個焦糖仲要好鬼焦,焦到微微苦
令甜味多咗份大人味道嘅層次
買得一塊我只可以承認係買少咗(扁嘴)

嗱我自己呢就不嬲都好鍾意食年輪蛋糕
呢件プレミアムバウム我當然不會放過!
而且佢仲用埋發酵牛油加上北海道cream
日本乳製品就是香滑濃郁重奶香
蛋糕溼潤香軟,香甜嘅牛油味一直留响個口度唔走

話時話,每件都只是百鬆D円
以呢個價錢就食到蛋糕鋪甚至酒店級樣子同味道嘅精品小蛋糕
(簡直同愛華頓* 有得揮啦係咪?)
* 黃興桂:「 愛華頓呢隊波蔗渣嘅價錢,但係踢出燒鵝嘅味道。」 

-———————————————-

延伸閱讀:GO! GO! NaGoYa~(8D7N)