2018 年 3 月 8 日

[cheers!] Hacker Pshorr @Beerliner

放咗工,有咩比飲少少德國啤更順氣?

梗係飲一~ 大~ 杯~ 啤~ 啦啦啦
成Lit(er)上咁先最爽㗎嘛!
德國嘅draft beer Hacker Pshorr
(左) 一杯係Weissbier
輕柔淡麥味,散發陣陣香甜果香
(右) 另一杯係Kellerbier
濃郁果香同麥香,甜美歡悅嘅味道
帶住美妙嘅琥珀色

兩杯都好正喎老細
(不過硬係要我揀就會揀Kellerbier,嘻)

嗱~ 去德國餐廳呢有啲嘢就唔食唔得嘅
好似呢隻脆皮鹹豬手 (Pork Knuckle)咁
送啤酒都算係好德國風嘅配搭
睇佢個面黑黑地樣衰衰咁
以為會係燶咗呀唔好食
但係食落又唔覺燶呀苦呀咁
硬硬脆嘅皮焗得啱啱好
啲豬手肉又唔會醃到好鹹
而個薯蓉味香質地滑
唔錯吖~

而另一樣食德國嘢又唔少得嘅
就係食洋腸喇 (Beerliner Sausage)
哇!拎埋個招牌做餸名喎
唔好食就拆佢個招牌啦
豬肉味香濃冇羶味
鹹鹹地配啤酒就最好

啊,後面嗰杯係Helles
過濾得好清好清嘅啤酒
都唔錯嘅如果冇飲過上面嗰兩杯嘅話…

呢隻炸meatballs上面咗淋啲芝士
出面酥脆肉丸彈彈牙
加埋啲芝士個味道更香濃
佐酒小食不二之選呢!

Sauerkraut有夠酸仲好爽,唔錯唔錯

有豬手有腸仔有肉丸
仲有都係啖啖肉嘅Meatloaf Potato Cake
成塊火腿扒啊幾咁豪氣
當然係鹹香嘅肉
除咗飲酒解鹹仲要唔好錯過下面舊薯餅
超香薯味,煎得又夠脆口(正!)

呃!好耐冇試過一餐裡面食咗咁多肉
然而食德國菜唔食肉同飲啤酒學咩人食德國菜啫係咪?