2020 年 8 月 27 日

[広島!食紀行] Day 1:季節料理 なかしま

剩係食碗麵同餃子就滿足?
NO啦!係食癲前要限・制・飲・食!

因為晚餐係去感受 (食)おもてなし
季節料理 なかしま
Michelin Guide広島唯一一間拎三星嘅食府
唔止歪國人覺得好
就連國民食評網食べログ
佢都係拎広島第一名
真係要好好見識見識吓

坐低等食前都係會嗌返杯先嘅~

椀物 土瓶蒸し(出汁)
係矜貴嘅松茸蒸出嚟嘅湯
就咁入已經好香而加一兩滴青檸仔個味就更出
連最後一滴菇腥味都冇埋

唔欺場嘅松茸鰻魚
大大舊好新鮮食得好過癮

向付 刺身 1
最後面係;左邊係,兩樣都係來自山口県
右邊係海膽魷魚卷,島根県嘅いか嘅包住うに
鮮味响個口度爆出嚟呢!

同師傅傾傾吓刺身裡面嘅わさび好好味
佢就响廚房拎出嚟畀我見識吓…

好!很!大!嘅!一!碌!
師傅話呢種山葵香而唔搶味
咁就更食得出刺身嘅鮮味

向付 刺身 2 - しめ鯖
即係醋醃鯖魚

順帶一提隻靚靚豉油碟,係江戶切子
件件都係手工製品

唔會好酸衾咗鮮魚味
鯖魚嘅油脂味仲保存到亦無任何鮮味,正!

強肴 アワビ
鮑魚膶湯蒸鮑魚

好很大隻鮑魚每隻切三碌
上碟兩舊each
腍身又夠香,好好咬呢~

鉢肴 - ノドグロ(喉黒)
正名アカムツ(赤鯥) 嘅九州矜貴魚種
魚皮燒得香魚肉極彈牙太美味喇~

右下嘅係煮蘿蔔仔
加埋麵豉咁食好過癮

被米芝蓮三星懷石料理職人耽誤咗嘅畫家
張咭仔係佢畫嘅

お椀 蛤
極極極鮮味嘅大蜆清湯!!!

漆器過百年嘅歷史

食完要好好地欣賞吓

極大隻蜆所以係極大隻蜆殼
足足有手掌咁大隻該煨~

隻漆器過百年都未夠經典
呢個陶器再歷練啲:二百年

隻古董碗外面係鶴裡面係龜
有祝福長壽嘅意思
好明顯隻碗長壽過我好多 XDD

蓋物 中島蓮根饅頭
呢味菜就係2013年嗰陣印响米芝蓮本書上面
同平日客家蓮藕餅完全唔同(廢話)
其實一般嚟講呢啲撈埋一堆再加芡汁嘅嘢我就真係mamaday
但係呢件堅好食啊所以都食晒

…連芡汁到一滴不漏
佢個樣好芡其實唔杰撻撻嘅好OK呀

焼物 宮崎牛
超嫩滑嘅牛肉簡單燒過個面就得
香軟無渣好食啊!

忍唔住睇到啲食器兩眼

食食吓件牛見到呢塊用葉包住嘅唔知乜好感興趣
原來係梅子啫喱,酸酸甜甜咁勁驚喜呢!

食事 ご飯
塊魚皮閃令令咁好吸引

飯又魚啦菇啦菜啦
唔會飽飽滯滯咁真好

食事 香の物(漬物)
唔會醃到冇咗蔬菜本身嘅味

食事 止め椀(味噌汁)

菓子(甘味)
求肥包住麝香葡萄
完美~

一筋の光
話說間舖係响好靜嘅地方裡面一個唔起眼嘅角落度
係優雅嘅不過差啲以為係民居唔敢入去,哈哈哈

-----------------------------------------------

延伸閱讀:
Day1:尾道らーめん 三公 | 季節料理 なかしま
Day2:e's time cafe & ANDERSEN | 酔心本店 | 幸せパンケーキ | 徳ちゃん
Day3:Yesterday | 田頭茶舗 | みっちゃん総本店
Day4:倉式珈琲店 | THE OUTLETS HIROSHIMA | 天ぷら・宝
Day5:43 | 縮景園 | 広島城、広島護國神社、お城の茶屋 | Aeon Mall | 波平キッチン
Day6:あなごめし うえの | 岩村菓子舗 → 厳島 → 米米食堂 | 重富酒店 | 大嵐
Day7:かき船 かなわ | Boss Shake | Mirori Cafe | 焼肉 牛腸鉄平食堂
Day8:BAGEL&BAGEL | そば処 菜の里