2018 年 4 月 16 日

城巿閘誌 | HK Urban Canvas(旺角、油麻地篇)

落閘放狗係保安
落閘放畫係藝術

今次行到去旺角油麻地繼續聽人講故
出發!@紅磚屋
一級歷史建築嚟㗎

呢間賣秤嘅冇畫閘嘅
不過呢種舊式店舖(連阿婆)
都係好有歷史㗎

到油麻地果欄
導賞員由電視劇開始講
但係我冇睇過套劇
加上一直暴曬中
所以完全唔想聽佢講,遊魂中…

過埋馬路就去到有畫閘嘅舖
偉訊廣告工程
開咗舖,要即時睇可以用app睇
做鎅字膠廣告牌嘅
呢度附近有好多呢啲膠招牌㗎

勤記不銹鋼工程
真正式微嘅打鋅鐵行業
香港嘅師傅得返一兩個咋…

同利玻璃
好少有道閘上面寫咗好多字
因為要留低「拉砂」即係切割玻璃手法
手要定兼且快、狠、準

高輝電器工程
油麻地呢度以前係海邊
有好多船,因此都會有唔少嘅齒輪
呢間就係維修同賣齒輪嘅

五金舖:協和隆工程公司
黑白色好型格呢~

再嚟到少見啲嘅上海理髮店
少見在連個名係有分男女賓㗎
上海新雅蒙娜麗莎男女理髮公司
新亞係男賓;蒙娜麗莎就係女賓嘅
據講裡面啲理髮凳好貴
當年嚟講已經夠買層豪宅

呢道閘就係今次event嘅封面相

個tour最後嚟到公友祥麻雀象牙
吖!都係開咗舖
又係買少見少得返唔多嘅手工舖
手雕麻雀呀,而家啲麻雀都係電腦雕喇

繼續係呢句… 呢篇會keep住update
直到有一日影晒呢批閘嘅
(我要親身去睇嘛…)

-———————————————-

延伸閱讀:
城巿閘誌 展覽 | HK Urban Canvas Exhibition
城巿閘誌 | HK Urban Canvas(灣仔、上環、西營盤篇)
城巿閘誌 | HK Urban Canvas(深水埗篇)