2020 年 7 月 8 日

[神奈川衝撞旅] Day2:うなぎ 八舟

一般嚟講,去横浜講去「街道」
應該先會諗起「横浜中華街」
但點解我係會無啦啦嚟咗横浜橋商店街而唔係中華街呢?

當然係為咗食嘢啦!(呵呵呵)
仲要係紀州備長炭燒嘅鰻魚!鰻魚!鰻魚!呢呢呢~
…廚師夫婦同間鋪以至條商店街都好vintage吖!

しぐれ煮
汁煮切碎咗嘅鰻魚
濃濃味細細粒送酒送飯都一流
不過啱先飲飽食醉就空口食咗先

うなぎ 蒲焼き
炭燒鰻魚就係炭燒鰻魚
魚身厚厚芳香美味嘅炭香令鰻油唔太漏
汁係冇咁甜嗰種味
哎吔真係食唔到飯呢…

白焼き
炭燒鹽燒白鱔
食出厚肉魚身最原始嘅味道
鰻魚真係一種非常美味嘅食材啊!

肝焼き
見到燒鰻魚膶又點會唔嗌返串?
(就算已經好很飽)
新鮮膶連腸一啲苦味都冇
膶軟腍腸爽口蒲焼汁夠鹹香
如果唔係今朝唔係已經飲咗9杯啤酒就一定會飲番杯囉…

好滿足,又起行搭個地下鉄再繼續玩玩先!

-----------------------------------------------

延伸閱讀:
Day1:三浦半島 → 川崎
Day2:川崎 → 横浜
Day3:鎌倉 → 川崎