2017 年 3 月 7 日

[Happy Days!鹿児島宮崎!] Day 5:遊食豚彩いちにいさん

晚餐,又嚟鹿児島黒豚呀~

今晚食蒸嘅:
蒸ししゃぶコース
鯛の野菜蒸しコース

好好飲嘅梅酢
唔會好酸亦唔會好甜
梅味好出,解渴又開胃

お刺身
鯛魚course嘅鯛魚刺身
肥肥厚肉好好味~~~

先付小鉢、本日の一品
煮豬軟骨呀,腍身又入味
少少肥漏漏感覺都無
最重要係仲有脆口軟骨位呢
淺漬根菜微微鹹好爽口,唔錯唔錯

一口揚げ
哇哇哇!炸得好靚呀
唔係千年油嗰D樣

(咬~)
呢隻係菜定瓜呢?
索索聲爽到爆

~四四方方嘅蒸籠~

個籠熱咗,店員開始放豬肉片
好多菜响底保持多菜少肉好健康

黒豚しゃぶ肉
D肉排好喇,好整齊睇落好癒療

肉好薄呀,話咁快就蒸熟喇
點右下角兜蔥醋
D肥豬肉就無咁漏
豬肉嘅味呀香濃到無得頂
係呀係好肥呀但係就忍唔到一直食一直食
嚟鹿児島,一定一定要食鹿児島黒豚!!!
蒸嘅完全係食原味
豬油仲要滲落下面D菜度
D菜腍返身少少
新鮮菜鮮甜再有豬油香
太太太好食喇實在(感動)

季節のサラダ
真係唔怕唔夠菜
因為仲要兜salad
又海帶又菜,盡情吸晒食落肚D油啦唔該

鯛、季節のお野菜
嘢呢係好新鮮嘅
帶子仲好厚肉
不過鯛魚呢… 都係生嘅好食D
嗱~ 唔係話佢唔香唔好食
不過頭先個刺身真係好好食
而蒸嘅,個豬又香好多喎
咁有得比較嘛,無計啦…

不過話時話,呢pat俾鯛魚點嘅醬好鬼好味
無呢兜蒸嘢都無機會食到啦

一口おこわとおそば
已經好飽,諗住又~ 食唔晒個麵之際…

店員好熱心咁同我哋講解要將麵同飯放去個籠度蒸蒸佢 XDDD

等蒸嘅期間嘆埋碗豚汁
個豬味濃到吖!好味得有D過分囉!
(左邊細細碟漬物鹹鹹爽爽咁,幾好)

好彩有食呢個そば
呢度嘅「生そば」係特別整㗎
爽滑得嚟又香蕎麥味
同個豬湯底好鬼夾
簡直好味到暈,真係好好彩有食到咋
而個飯仔都係香米味黏黏口咁
齋食同加落湯度都好食啊~

デザート
個樣好焦糖蛋pudding
原來係香蕉pudding
蕉味濃郁又唔太甜
飽到上腦都要開動甜品胃剷晒佢

做人食到咁飽足真係好幸福
(加上同好3B一齊,更加美滿~)

-———————————————-

延伸閱讀:Happy Days!鹿児島宮崎! (10D9N)