2017 年 3 月 14 日

[Happy Days!鹿児島宮崎!] Day 6:桜島丸、よりみちクルーズ、やぶ金 うどん

向桜島出發~~~

鹿児島港フェリーターミナル
落咗市營電車一直行就會到
抬頭一望就已經係桜島 (個火山)喇

鹿児島港フェリー乗船口
有船都唔會搭住
因為要特登等十一點零五分
唯一一班會兜遠D嗰班船

所以先去櫃位用welcome cute兌換船飛
仲有兩粒「桜島小みかんキャンディー」送呢

兩隻船都一樣係零五分出發
我就搭左邊隻桜島丸
會响錦江湾度兜五十分鐘慢慢睇海睇山睇市街地
再講多次:一日只係得一班
而價格係同右邊埋緊站嗰種全日廿四小時搭得
船程十五分鐘嘅定期航路一模一樣
by the way,阿桜島丸船身有隻紫紅色精靈公仔
佢個名叫做サクラエンジェル ちゃん
第二桜島丸隻綠色サクラフェアリー ちゃん係唔同㗎
(雖然應該無人會留意呢D嘢呱…)

大家都揀定船頭船尾D玻璃位
就算霸唔到最靚位都唔緊要呀
唔怕大風會凍其實可以行去船側慢慢睇
仲唔駛隔塊玻璃更清晰更多角度睇呢

等開船前去揼個紀念印仔先(仲自己帶紙去㗎哈哈)

やぶ金
聽講呢間船內嘅うどん、そば店係桜島ferry嘅名物
反正都要食早餐㗎啦
今朝杯好好味yogurt都消化得八八九九

天ぷらうどん、月見うどん
一般呢就要十五分鐘船程內要食晒
碗嘢仲要好鬼熱
而以我食嘢嘅速度
完成碗麵需要二十分鐘
即係如果搭普通船就要棄麵落船 XD
講返碗烏冬,我食左邊天ぷら嗰碗
個炸物無想像中咁油
菜味幾香,亦唔會好鹹
烏冬都彈彈牙咁
連D大量嘅蔥唔會好辣幾好幾好
要求唔係十分高嘅話其實都算唔錯

食飽烏冬就食吓景食吓風

呢班よりみちクルーズ個航程係:
鹿児島港→ 神瀬→ 大正溶岩原沖 →桜島港

頭也不會嘅普通十五分鐘船已經一隻箭飆到對面岸lu

可以慢慢响船度近距離望吓個桜島

神瀬呢我係完全miss咗
但係就睇到沖小島

風和日麗真好

個錦江湾嘅水色都好靚

好L大風吹到頭都甩仲有少少凍
不過見到咁靚嘅景色喎,值得啦~
(後面條城市係鹿児島市啊)

Ooo… 就埋岸,正式展開桜島遊

(つづく)

-———————————————-

延伸閱讀:Happy Days!鹿児島宮崎! (10D9N)