2019 年 5 月 11 日

[日] 京都一の傳

十九幾年冇去過京都
又預咗短期內都去唔到
咪唯有食吓啲京都嘅慰藉吓心靈同內臟囉…

八寸
八樣前菜
個裝盤係一の傳個「一」字
食嘅次序都係同寫一字一樣由左至右

イクライクラ冷やし茶碗蒸し
小小一杯嘅凍嫩滑燉蛋上面有粒粒三文魚籽
滑滑嘅感覺中加埋魚子濃郁味道嘅衝擊
胡麻豆腐
沖繩用花生磨咗再凝固成花生豆腐
胡麻豆腐就係京都嘅版本
用白芝麻整好凝固,食落啖啖芝蔴味
唔係嫩滑亦唔會韌身
加埋佢個枕崎鰹魚湯汁就啱啱好
茄子のおかき揚げ
脆米包住煮到腍腍嘅矮瓜再去炸
超脆嘅外層同又腍又濕嘅主體既好食又足玩味
山桃蜜煮
糖煮babyberry,甜甜之中有微微嘅酸味
哎吔吔又好開胃㖭…
帆立日本茶揚げ
帆立貝上面有啲茶(渣?)
茶唔會澀仲好提鮮,係帆立貝個鮮!

イカのちり酢かけ
柚子醋輕輕浸住紋甲魷魚
魷魚刺身嘅黏黏感得以保留
鳥の胡麻酢掛け
炸雞配青瓜蓉醋
好脆好脆嘅炸雞但係一啲都唔油膩
マグロ醤油漬け寿司
吞拿魚刺身用醬油醃過
夠晒味完全唔駛再加わさび增鮮

炊合 野菜のすり流し
是日野菜係煮矮瓜
清甜軟滑嘅矮瓜加沙沙嘅湯汁
唔會鹹可以成碗啪入口

向附 和牛炙り寿司
個日籍廚師會即場將兩邊生和牛用噴槍燒

(去片~)

燒好個面層就猛咁咇啲油出嚟
香嘅,不過真係成口油嘅哈哈哈~

御椀 蟹餡掛け鰻出汁卷卵
厚厚嘅玉子燒加更厚更香嘅燒鰻魚
再加埋有一絲絲豪氣蟹肉絲嘅non-粉漿芡汁
好好食呢~

呢間京都店有百年歷史(1927年創業)
响京都唔算真係老店
但都唔少人愛上呢間嘢最最最出名嘅西京漬
咁當然响舖頭食就會係識西京焼き
焼き物 蔵みそ漬け 銀鱈
甜甜嘅麵豉醃銀鱈魚
魚肉本身油脂多
醃咗之後魚肉超超超彈牙
而且鮮魚嘅味道再加多一份層次
好食好好食,如果魚皮位多啲就更好喇
(因為少咗嘅魚皮好脆口超好味)

焼き物 蔵みそ漬け 銀ひらす
另一種魚係銀鰤鯧
當然冇銀鱈魚咁厚身咁多油脂
不過就係因為佢咁瘦
就食到更濃味嘅舊麵豉
同好踏實嘅魚肉
銀鱈魚係好好食但係佢都唔差呀各有各好

食事 味噌汁
小小一碗仔麵豉湯
赤麵豉個色深啲啫唔會好鹹嘅

食事 福井県產 コシヒカリ 御飯
用土釜煮同裝,夠保溫

A5等級嘅越光米

黏黏軟糯咁,good~

食事 香の物
吖~ 個梅子漬青瓜好夠酸好好食
其他京漬物都好爽脆唔會好鹹
送唔送飯就咁啪都好味

水物 デザート
是日甜品係黑蜜黃豆粉蕨餅

黑蜜自己落嘅
唔好淋晒响個面喎
否則就食唔到黃豆粉啲乾碎碎喇
又香又甜咁蕨餅腍身帶微微韌
黃豆粉係粗粒raw raw嘅感覺唔錯
黑蜜個甜味好出有同黃豆粉好夾
大家唔會互搶味道啊

水物 京都抹茶

唔係細細杯hea綠茶
係一大隻碗嗰種傳統起泡唔甜京都抹茶
中和晒成餐嘅鹹鹹甜甜味道
作為呢餐完美嘅句號

張和紙餐墊幾靚~

同本店最最最大嘅分別係冇!酒!飲!!!
而最唔“日本”係呢杯凍水,冇冰响裡面!
(雖然間舖啲冷氣開得好勁,怕凍嘅記得帶外套)