2021 年 2 月 19 日

Last Day

對上一次留長頭髮係10年前多少少
入嚟呢間公司無幾耐就一直以短頭髮示人
而家,頭髮又長返晒…

呢本紀念冊已經買咗好多年
平日有心愛嘅同事走就會畀佢哋填
今次,一次過打爆晒
好多謝大家都有乖乖親手寫嘅每一個字

諗咗送咩散水餅好
最後都係每樣親手包
咭仔逐張寫希望大家收到我嘅心意啦~

擒日嘅team lunch
多謝一直令我任性嘅上司
「阿姐,好人一生平安啊~」

最後一個lunch
一定係同最最最愛嘅同事食
有真係好好好愛錫全宇宙最索嗰個
傻傻咁而見到佢就會有快樂嘅自帶購物頻道嗰位
同比女人更清楚養和生仔有薑水嗰隻熊貓
啊啊啊啊啊!最親愛嘅秘書冇得嚟食 TT
我哋要再見呀~~~

然後再有明明好忙都突然有同經理嘅coffee break
原來好好傾㗎佢!

相比我嗰少少嘢
連同新春呢啲堅係小巫見大巫
上上下下嘅都咁好

嗰件全世界最nice嘅男同事
又有介乎法國與旺角的詩意最最最溫柔嘅男同事
(準備定206條肋骨畀男友打斷)
周圍都係情報嘅女同事們
唔同department合作過認識過
平日pantry撞口撞面嘅
每朝都見到嘅靚靚receptionist
當我係女咁嘅pantry姐姐
超好傾但係竟然係第一次同佢lunch嘅遊歷型經理
好客氣嘅OA哥哥弟弟
做嘢好惡但係平日見到又好talk得又好笑容嘅董事們
非常幫得手嘅IT
見住啲單身到拍拖結婚生仔嘅隔離team秘書
幫我做埋獵頭公司嘅HR
唔係咁都冇得响度過到10年…
仲有好多好多好多
今日個goodbye mail其實都唔知有冇send得晒咁多人
不過最正個mail我仲要打錯自己個電話
果然要做嘢就係會做錯嘢哈哈哈 XDDD
(thank you finance姐姐,果然數字呢家嘢妳敏感過我好多)

好喇,唔矯情唔會眼淚
係時候進入新嘅一頁
大家都要平安健康快樂啊!
(疫症期間唔xoxo唔除罩唔影相握手唔抱抱)