2021 年 6 月 14 日

[港] 小廚・美食 - 綠豆瑤柱咸蛋黃咸肉糭、鴛鴦燒賣

相比起流沙黃金乜嗰種鹹蛋黃
都係鍾意個鹹蛋黃正正經經咁擺晌月餅同糉裡面

鴛鴦燒賣 | 綠豆瑤柱咸蛋黃咸肉糭
响隻糉要加熱前
先食咗佢啲名物燒賣先
鴛鴦係指原味魚肉燒賣拼藥膳燒賣
魚肉燒賣有淡淡魚香加上彈彈牙都唔錯
不過硬係爭咁啲嘢咁
而家藥膳燒賣就顯得非常好食
相對原味無咁彈牙然而個味道超香
食完好似好補咁哈哈哈
响我食完啲燒賣仲等緊隻糉嘅時候終於發現差咁啲乜
係辣油!我完全唔記得咗叫加辣油!!!
竟然犯咗個咁嚴重嘅錯誤(不能原諒)
但係唔知係咪咁就更突顯藥膳燒賣個味真係好出
下次,我一定會加返辣油啊啊啊~

因為冇得蒸,就烚啦!
又好彩本身隻糉扎得好實
就算咁烚都唔會好濕咁
一篤開就見到舊肥豬肉哈哈哈(滿意)

每朝新鮮整加上好足料又大隻所以唔會唔好食
除咗勁香嘅肥豬肉
仲有軟糯嘅去邊綠豆
整粒瑤柱同靚到爆嘅爆沙鹹蛋黃
係嘅,隻糉我一個人自私食食完係要懺悔
(食糉仲係砂糖派唔係豉油派)
之後飲咗一巨杯decaf嘅detox薄荷綠茶
啊!又咁講… 食完又唔覺得好漏好滯咋喎
啪完糉飲埋啖茶行去拜山就啱啱好

端午節,屈原真係L得好~(呵呵)

呃~ 之後終於買返個加咗辣油嘅
個辣油果然係名物!
裡面有好香嘅辣味加上一啲都唔孤寒炒香嘅滿滿蝦米
配返原味彈彈牙魚肉燒賣真係好好味(超推!)