2018 年 3 月 2 日

戊戌年元宵綵燈會

元宵嘛,咪去睇吓花燈囉…

燈唔多㗎只係得一條池嘅範圍

主題係《魚躍香江樂滿城》

所以係一池飛起嘅魚

魚呀魚

同埋魚

啊,魚到悶喇!

唔係話佢哋唔靚
但係真係唔太吸引囉其實
位又窄周圍仲咁多高樹
都係擺公園草地比較適合囉~

咁佢另外都仲有crossover嘢嘅

名為《香港非物質文化遺產 – 傳統紮作技藝展示》
係將「紮技」同「舞獅」結合嘅舞獅花燈

三隻唔同派別嘅南獅

平日都係日頭見舞獅
夜晚睇舞火龍
而家日落賞燈獅都幾新穎

同場除咗舞台嗰啲唱歌跳舞表演
仲有本地傳統手工藝示範攤位
呢個係白鐵工藝

工欲善其事

即場示範

而家乜Q都話活化
白鐵界都有㗎
好似呢啲輕飄飄嘅紙飛機首飾咁
幾~ 得~ 意~

下個攤檔係繡花鞋

一針一線唔好話繡連睇都覺得眼花
(我係針黹指數零的呢)

然後係小巴水牌
白板上面嘅紅藍色字

以前就係寫上去嘅
不過而家都係用電腦雕字喇

最後係買少見少嘅紮作大頭佛
報紙報紙報紙然後再上色

有大有細嘅

當然會戴嚟玩吓
但係點解變得咁恐怖㗎?

明明我咁鬼嬌俏嘛~

元宵唔少得嘅猜燈謎
冇玩喎,我要去食飯喇bye!