2019 年 12 月 5 日

[pancake] 蜜庵本膳

港式日食唔係求其貨,其實都幾難得…

仲要「太陽花」中有『香港加油』
呢啲咁囂張嘅店點可以狠狠地懲罰佢(!)

米粉班戟 | 和王牛漢堡咖喱
味香肉滑嘅熊本產100%和王牛肉 x 日式超微辣甜咖喱
配甜滋滋菠蘿乾同菠蘿醬
米粉pancake唔會極重蛋味唔會漏
微微鬆軟度唔講唔覺就好快清碟
粒粒車厘茄都好新鮮,伴碟嘅蕃薯片超脆
所有嘢加埋令成碟嘢完成度極高,好好味嘅心機菜~

海膽和風卡邦尼烏冬
海膽新鮮味濃;烏冬韌度足火候啱啱好
厚切日本煙肉鹹香夠提味
個醬係和風版就冇本身西式咁膩
剷一碟又係無難度(哈)

甘酒美人軟雪糕
濃郁嘅甘酒味 & 滑滑軟身雪糕
滑溜程度簡直認唔出佢係冇蛋冇奶純素呢(心)

米粉班戟 | 蕃薯甘栗
呢款pancake鹹甜一樣嘅
日本米粉日本粟米粉日本蛋加法國發酵牛油咁啦
煮甘栗都係平時煮甘栗嘅味啦
(啡色)栗子蓉勁!香!
浮雲般嘅紫薯cream估唔到個薯味好鬼出
啲煮番薯香軟帶出本身嘅甜
啡色好似亂畫嘅係海鹽焦糖醬
微苦且甜嘅味道好有層次
食完會好飽,但係唔會覺得佢好甜
最衰格係個塊細細餅上面加個HK連埋個心,想點先?

裝修明亮陳設簡潔環境(連洗手間)都乾乾淨淨
真係唔激推俾人懲罰到佢哋數錢數到手指關節炎都唔得啊頂!!!