2015 年 10 月 27 日

[GO! GO! NaGoYa~] Day7:名古屋 馬喰一代

話說去不到李昇食飛驒牛
雖然當晚已經食過燒松阪牛
不過到了名古屋唔食飛驒牛係會有絕對遺憾(淚)

所以在於冬瓜唔打打西瓜 (Er?)
而並非退而求其次的情況下
終於搵到呢間正嘢~
正… 一在都係靚嘢;二在有lunch!!!
有lunch就是份量不會恐怖地誇張
因此價格更相宜(yeah)

Let’s EAT~~~(手震震又out-fo)

先來張萬分氣勢個樣又幾靚仔嘅抽氣扇相
正宗既睇得又抽得,哈!

set lunch有「炭火焼」、「しゃぶしゃぶ」同「すき焼き」
兩條友食唔到三份餐,放棄烚烚吓啦~

唔好以為係lunch set就會虐待你唔可能食得飽
就連前菜都塞得飽肚

前菜5種盛り,精緻的小小一件魚仔一堆菜條
味道清新,好睇又好味

跟住係唔滑但超~~~濃豆味嘅自家製豆冨

緊接有サラダ,大肉面前都要多多菜平衡一下
直接蒸熟,完美的原味

完了吧 如無意外…
sorry,仲有兩粒煮帶子,無渣㗎!

好喇好喇,有如監獄飯房中敲杯
「有肉食未呀???」

焼肉 飛驒牛 w/野菜盛り

すき焼き 飛驒牛 w/野菜盛り(大大量)
焼肉自己燒;すき焼き經理仔燒(嘻)

一磚腐乳牛油起鑊

炒呀炒(個角度好似偷拍咁…)

沾一吓蛋漿就食得,跳起yeah!
油脂分佈密麻均勻入口即化
成個口就充滿著一大陣濃郁牛奶味
就係這種牛奶味,令我呢種唔識食嘅人都分到
前幾日食嘅松阪牛、再前多幾日食嘅普通燒牛
同平日D爛鬼牛嘅分別,呢隻飛驒牛真係好x香呀!
by the way,隻蛋一D都唔腥,靚嘢。

菜煮好喇都,一陣先食

好!到我大顯身手煮餐勁(燒幾片肉咁大把)

:::::暈低咗:::::
[味王mode] 實在太太太好食喇~~~ [/味王mode]
同頭先すき焼き隻飛驒牛唔同部位
呢種肉身厚D,外面微微焦脆(控制火候好囉,明未?)
裡面有油分而且牛奶味肉汁滿滿爆juicy,極品也!
連碗ご飯都好食,D料太好送飯
差D要叫人添飯,不過添咗一定食唔晒做大嘥鬼
夠就好喇做人唔好太貪心

食日本全set一定有嘅味噌汁,赤味噌味道濃

最後最後當然係デザート時間
係わらび?葛?
總之唔係jelly大菜糕啦~

呀~ 好好味呀… 好飽呀… … … …

-———————————————-

延伸閱讀:GO! GO! NaGoYa~(8D7N)