All Posts
新一年就以懶靚嘅pride potato犒賞吓自己！
湖池屋 プライドポテト 燻燻チーズ
係日本靚薯仔
再用老舖湖池屋料理手法
燻製cheese同燻製黑椒嘅組合味道
嗯… 芝士味一般般突出啫
不過薯仔味都幾香就真
okay啦，係唔會再買嘅貨色囉～
然而包嘢55g係咩概念
就係打開薯片包裝見到裡面有四分三都係空氣（哈！）
又要懶又要行嘅路線…
搭個車去梨木樹行上去就到
補充營養！
城門水塘
一級歷史建築：城門水塘主壩
都話懶㗎啦，行到一半就鼠返落大圍寶福（嘻嘻）
雖然之前食過佢嘅芝士味好很難食…
但係見其他味好似正正常常咁
加上$11兩盒咁鬼抵就忍唔住手買（嘿嘿）
누드초코 | choco filled/ nude chocolate
nude餅乾嘅牛奶朱古力餡
比起上次隻芝士餡好好多
半脆身餅乾條加朱古力食落好正常
크런키 그래놀라 | CRUNKY granola
餅乾條外面包白朱古力撈燕麥粒
估唔到嘅少甜，麥x麥咁都幾香
피넛 | peanut
花生粒牛奶朱古力外層
連埋中間嘅餅乾條
就似無咁罪惡感重嘅金莎～
「何不把悲哀感覺假設是來自你虛構？」
去四國係要買今治毛巾㗎啦！
日本 > 四國 > 松山 > 今治
富士山夠代表日本中嘅日本喇啩～
（等今晚發個「一富士二鷹三茄子」嘅夢先）
認住個標誌tag
毛巾嘅厚度輕薄
纖維極細所以吸水性強
摸落滑滑，易擰耐用又快乾
真係好好用呢！
入西貢見人有啲人多又熱熱地…
Duke of York
就去一般日光日白唔係親子地方坐低飲返杯！
tap啤都係大路嗰啲啦～
Blackthorn Cider
香氣淡淡、唔係好勁泡泡幾順滑
甜甜地帶果味
都消消地暑，唔錯唔錯！
終於唔係隻隻深井燒鵝都係紅藍店！
深井光榮燒臘 - 叉鵝飯
光榮啲叉燒一路都大大舊好有水準
原來係一直係自家燒製
今次响嗰啲咁招牌嘅叉燒上
再加去深井啲人就會諗起嘅燒鵝
有啲肥唔會太肥 燒得啱啱好皮脆亦無燒燶
同隔離街嗰啲都係差唔多味
不過就食得心安理得好多～～～
搵你妳您去食芋泥！芋泥！！芋泥！！！
開餐～（興奮興奮）
滷水焢肉便當
好正常味道嘅台式嘢
雖然舊焢肉唔係大大件油脂滿滿咁
然而個味係okay嘅
配菜都係有誠意畀兩款
魯肉飯啲肉碎份量就少咗啲
都啱啱夠送飯啦
隻溏心鹵水蛋都好讚，就咁！
黃金蛋黃 芋泥紫薯吐司
好邪惡，所以好好食
芋泥同紫薯泥滑滑又香甜
加埋咸蛋黃更提香
鐵板煎多士夠焦香酥軟
完成度高… 正！
手作紫芋牛奶
作為一個芋泥控
呢杯嘢真係飲得非常滿足
芋泥 x 紫薯泥 x full milk
嘩嘩嘩！好耐都無食過令我好驚喜嘅芝士零食喇！！！
Tohato ドラえもん ぷくポテ チーズ味
對叮噹無太大喜愛
不過見到平平地買埋盒嚟try try
（套《宇宙小戦争》落咗畫十世啦！）
點知，佢係勁！好！食！
超薄脆嘅「空氣」，係真係空氣
裡面係空心嘅，所以個超脆薄餅皮顯得更脆
然後仲不失芝士味真係好好食啊啊啊啊啊（握拳）
一定一定一定會回購！！！
跟盒有張貼紙仔，呢張唔錯～
因為見到好平就忍唔住咪呢盒cookie mix去整餅
又見只係加隻蛋就搞掂
忍唔到手撈啲cocoa powder啊抹茶粉去整色整水
玩呀玩，焗之前個樣都幾靚！
玩得耐得滯唔記得雪吓先焗
所以焗起裂咗
雖然呢隻cookie見個盒示範嘅都係裂裂地
但係如果雪一雪返應～該～都會靚多少少
不過是一次就夠
一來無咩真牛油香味
二來太甜喇！
都係做返自己整嘅味道啱自己多啲
是但啦！Merry X’mas～～～
以唔算點飲台式嘢飲嘅我
花斑已經係買得較多嘅一間
其中一個原因係去搵舊同事嗰陣會一齊買
而第一次飲就因為去友利食飯
憑單去買指定嘅只係需要$12（嘿嘿嘿）
花斑茶社 - 鳳梨冰茶
啲鳳梨夠晒香甜
仲食到淡淡鳳梨肉真係好驚喜
茶底味道飄香，好好味
印象太好所以之後都有試其他茶！
佢哋啲茶係100%來自台灣
要買返屋企慢慢泡都可以
加上啲罐咁正，真係送禮自用都啱啱好～
特登嚟買呢度嘅臘腸膶腸
咁都嚟到梗係要食埋個好聖誕嘅威靈頓牛啦！！！
等食前不停睇牆上啲畫，太靚喇實在～
叉燒炒蛋飯
小不點嘅，碟嘢嚟到「嘩～」咗聲
因為份量好多，啲料多到好似唔使錢咁
味道都冇求其幾好食！
一人威靈頓牛柳配蜜汁
喂呀！以呢個價錢食到佢真心抵！
加上火候啱啱好
中間層菇碎唔會水汪汪又出味
酥皮夠香肉夠腍又香肉味
配個蜜汁甜甜地幾fushion但唔奇怪
真心正，無得輸～！！！
又同小不點出沒搵食
今次間餐廳係幅牆好啱打卡
不過我哋兩條友都只係專注食物（哈）
華麗大蝦配黑毛豬滷肉乾拌麵
啲蝦s咁擺法又真係幾「華麗」嘅
蝦爽口，新鮮嘢唔錯唔錯
濃味肉燥拌麵，個樣唔華麗味道就幾好
（係細碗咗啲咁囉…）
炸排骨拉絲蛋餅
熱辣辣standard嘢standard味道
排骨外脆內juicy夠香酥鹹味
蛋餅餅皮夠酥，雖然蛋味唔突出
但又芝士鹹香搭夠
芝士唔算好拉絲味道唔錯就okay啦～
自家製雙色QQ地瓜球
哈哈哈啲地瓜球好唔「波」呀！
味道都香甜而且韌性足
食落比睇落好好多（笑）
黑糖酒釀拿鐵配懸浮棉花糖
唔去幅牆度打卡
但係就嗌杯真係超啱影相嘅嘢飲
暖笠笠咁隻貓貓真係好chill
飲開無糖啡，然而呢杯都唔算非常甜嘅
最甜係佢啫！
可愛嘅貓貓棉花糖（嘻嘻）
