All Posts
周圍行行吓…
又去返ゲゲゲの妖怪楽園先
去佢裡面間妖怪茶屋
要咗杯味道OK啦梗係為咗賣相一流嘅妖怪ラテ
揀咗凍朱古力同熱咖啡
有得揀上面嘅撒朱古力粉角色
兩父子GET！
嗌呢啲嘢飲仲有漫畫節錄杯墊可以帶走呵呵
爸爸响呢度買嘢
我就出去妖怪饅頭度買，好食㗎！
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
Day2：米子 ↔ 境港
Day3.1：米子 → 由良
Day3.2：由良 → 倉吉 → 三朝温泉
响元気亭。食飽飽海鮮丼
又係時候再再再行吓
再三確認鬼太郎妖怪倉庫係folded嘅
因為開咗嘅話係咁樣
裡面有啲嘢睇吓，不過冇咗喇而家…
千代むすび酒造（株） 大正橋売店
擒晚去嘅係本店，行過街口又有一間
有爸爸拎住支酒好得意呀
裡面有好多舊式玩具賣
冇大枝酒賣就索性用角色剪影貼紙遮住
打去唔知可唔可以召喚得到鬼太郎呢？
但係冇妖怪佢係咪會話我報假案？？？
半間舖裡面冇嘢賣感覺好詭異
又經過畀妖怪休息嘅地方：砂かけ屋
今日嘅水木しげる記念館坐鎮嘅係砂かけ婆
佢知我唔係日本人，就一直冇郁過
就連我坐咗佢隔離慢慢玩同影相都冇郁過
然後，有三個嘻嘻哈哈嘅日本妹子見到咁樣
就以為撒砂婆婆係公仔
我行開之後佢哋走過去影相
婆婆突然間嚇Q佢哋
佢哋三個嘅尖叫聲嗌到拆穿天際哈哈哈
笑到我差啲往生喇哈哈哈哈哈
-----------------------------------------------
响懷念船麵嘅日子 就要去隊返碗開心吓！
阿叔拼盤
聖巴東無骨酸辣鳳爪 | 香茅魚露雞翼 | 紅咖喱雞 | 椰汁西米糕
要熱嘅就啱啱炸起熱辣辣
成盤嘢啲味道好夠
有齊鹹嘅甜嘅好滿足
冬蔭功湯麵（金邊粉）
配料有蝦青口蟹柳同勁索汁嘅豆卜
酸味足帶微辣仲好鮮味
連埋啲爽滑金邊粉好好食呢～
粉紅船麵（金邊粉）
泰式嘅南乳係粉紅過小粉紅嘅近螢光色
but呢隻南乳就偏奶啡
但係唔影響味道嘅
配料係魚蛋魚片頭豆卜同炸雲吞皮
簡單而美味，唔錯唔錯
豬肉船麵（米粉）
有豬肉片同彈彈牙豬肉丸
CP值高嘅日式快餐！
加藤牛肉飯
食呢碗可以完全忘記吉野家既牛丼
又唔使去排すき家（雖然無响香港食過）
味道啱啱好，唔錯唔錯！
灸燒鰻魚飯
有鰻魚飯又真係唔會唔試嘅
切咗一碌碌咁好似黃鱔飯 XDD
個味道都係平時甜甜醬香味嘅鰻魚
乾身少少不過不失咁啦
和風咖喱唐揚(日式炸雞)飯
個咖喱醬墊底，啲炸雞皮就唔會腍哂
日式甜咖喱帶微辣，穩陣貨色
炸雞熱辣辣裡面超juicy～
酥炸旋風薯棒 | 蝦薯絲
跟餐加購，又熱又脆好好味！
轉配嘅嘢飲，哎吔吔呢度啲嘢好食而且好抵食
難怪咁得人鍾意啦！
Happy Easter～
Cadbury Creme Egg
真正流行經典50年
細細隻，不過份量已經好夠
好耐冇食過甜爺爺嘅牛奶朱古力
都仲未夠，裡面仲係糖霜cream
咬得核突咗啲
其實裡面有黃有白係好似普通雞蛋咁樣
不過當然係勁勁勁勁甜
40g 一隻，已經177卡路里
6.1g脂肪同26.5g糖，好黐線
唔係啲咁嘅節日都真係唔好搵啲咁嘅嘢嚟試…
揀旅行又冇諗過去峇里
不過食峇里（印尼）嘢又真係好OK嘅
係峇里餐廳嘅後代
所以都留有以前啲歷史
印尼樽裝花茶 | 鮮青檸梳打
好vintage微微甜味到嘅樽仔花茶
青檸新鮮梳打夠氣，爽！
嘴刁小食拼盤
蝦丸 | 魚餅 | 素春卷 | 蝦片
成兜嘢熱辣辣好好食
蝦丸同魚餅超～ 彈～ 牙～
春卷炸到脆脆咁
蝦片更加炸得香口又鬆脆，正呀！
美妙嘅下午茶
唔係一啲都唔肚餓嘅話真係好想食巴東牛肉
填充題：__肉__食。
X：弱肉強食。
O：焼肉定食。
lunch set，先嚟個芝麻醬雜菜沙律
新鮮菜無咩唔好食嘅
滑滑嘅蟹肉茶碗蒸
ㅋㅋㅋ！肉來了～
雜錦烤肉定食
豚肉 | 雞肉 | 牛舌 | 牛肩肉
日本和牛定食
急不及待要去燒喇！
好在牛嘅話快啲熟啫
流口水中…
燒肉當然配燒汁同白飯
（食得！）
新鮮嘅肉就當然係無！得！輸！
綠茶蕨餅
跟餐嘅甜品，綠茶味幾香不過蕨餅始終係蕨餅
藝術館裝修後
個餐廳終於有返啲藝術氣息
唔同以前茶記咁喇終於
咁先有返啲藝術感嘛
有銅像啦
油畫啦
唔豬都仲有兔兔
靚！好！多！
咁先唔會嘥咗個咁靚嘅景㗎嘛！
gwei•lo - Hoppy Wheat & Citrus Crusher
飲個招紙都有啲設計感嘅鬼佬啤
以NEIPA酵母嘅麥啤Hoppy Wheat
爽口又香甜嘅熱帶果味，refreshing！
而Citrus Crusher就有複合橘子們香味
後續ale味微微苦唔錯唔錯～
維港景又真係幾靚嘅
一哭二鬧三上吊我就真係做唔出
一吃二喝三瞓覺先係我強項啦
「とりあえず、生で」（總之先嚟杯生啤）
又係基本盤Suntory ザ・プレミアム・モルツ喇！
（根本就係諗都冇諗過…）
料理長の選択 濃厚豚骨魚介醬油拉麵
呢間舖只係專注做呢款豚骨魚介醬油湯底
濃郁嘅豬骨味中又有減膩嘅魚味
微微起膠咁好美味
而叉燒有兩款
一款係入口即溶嘅火炙豬腩肉
另一款係軟腍嘅慢煮豬肩肉
麵條幼身稍硬好掛湯，唔錯唔錯！
well，當然唔少得隻溏心蛋啦呵呵呵～
啲筍其實麵裡面有
不過實在太太太好食，要追加喔！（飽飽again）
嚟到中環碼頭梗係要chill吓…
「とりあえず、生で」（總之先嚟杯生啤）
都係基本盤Suntory ザ・プレミアム・モルツ啦
呢度最chill當然因為個地點
明明廿分鐘就有一班船
（繁忙時間六分鐘一班㖭）
但係啲人就硬係要衝衝衝入閘咁
都幾好睇㗎
最正係啲人好匆忙咁
不過又會望住你好悠閒咁食嘢飲啤酒 XDDD
cheers～
土手燒
濃味噌煮牛肉
味道香濃又入味
送酒一流！
燒鰻魚
蒲燒鰻魚醬汁甜燒得脆脆咁好好味呢！
鹽燒牛舌（限定）
厚肉多汁嘅牛脷
餐牌到見到無理由唔食嘛…
日本雞皮 | 雞肉丸
食碗燉蛋啫，唔使拎藤條擸木棍嘅！
澳州牛奶公司 - 蛋白燉鮮奶、杏汁燉雞蛋
當你以為去澳牛係諗緊食咩光速ABC餐
其實我由細係一直以為呢度係飲鮮奶食甜品嘅地方
但次次都要諗究竟「响牛奶公司梗係要食奶制品」
定係「不過燉蛋又真係又滑又香杏仁味喎」咁
選擇呢家嘢，細路先至要㗎啫
我當然會係「我全部都要」啦哈哈哈！
然而呢兩碗嘢熱食又好凍食都好啦
從來都唔會有一次令我失望
嫩嫩滑又香奶味；又濃郁杏汁 x 蛋味
而且唔會爆甜真係幾時都咁好食
加上咁多年都係光速上枱
左邊嗌完右邊就擺低
同埋佢哋嘅極速計數呢家嘢堅係特色
話時話好似咁多年都無畀啲哥哥仔話過
係細個有時要諗嗰陣佢哋好好咁話「好你諗到再叫我」咋
通常就算有條隊仔都去得好快嘅
响等嘅時間基本上都已經揀好
啊！大個咗啲先有食常餐快餐嗰啲囉
茶記嘢我不嬲麻麻
好好食嘅越南小店！
凍咸檸梳打 | 凍檸檬梳打
飲返杯順氣凍飲先
越式生牛肉湯河粉
哎吔吔，雖然比預期中的牛肉浸得熟咗好很多
不過味道依然好好
湯底味夠香加埋魚露啱啱好
牛肉肉嫩滑河粉都係滑滑的嘅
洋蔥同香葉都好新鮮，提味一流！
（係嘅… 如果啲牛肉再生啲就更完美）
香茅豬扒 撈檬
嘻嘻嘻，相比叫店名嘅湯河
我個人更鍾意撈檬啊！
香茅豬扒味道勁香而且夠晒熱辣辣簡直係最佳食用狀態
檬粉爽滑浸滿魚露簡直將美味再推進
呢兜嘢真心正，私心推薦～
炸蝦餅
唔夠喉，諗住就咁粉麵追加
但太細份又好似唔夠盡興
原裝size係無嗌錯嘅（握拳）
外面又脆身熱辣辣咁裡面更熱而且彈彈彈牙
