2021 年 1 月 28 日

燒賣皇后 冬菇豬肉燒賣

本身心情一般,走落樓諗住買燒賣皇后試吓
點知閂半閘話整緊無咁快
唯有過隔離買腸粉啦~

石磨豬膶腸粉加雞蛋
上次食唔到,今次終於食到
仲係好好味嗰隻

「唔該想要豬膶腸粉加燒賣」
「燒賣未返貨呀,不如加餸?」
(吖~ 今日冇燒賣日呀?)
「咁加雞蛋啦,我畀個盒你…」
「我响你啲腸粉度加咗料」
「唔?」
「加咗我嘅心意」
「XDDD」
「仲加多少少豬膶」
「哇你唔單止靚仔,仲好有心肝」(心)

結論就係:心情麻麻就落鳳鳴買腸粉啦!

點知返到去收到全宇宙最索條腿仲要長過我個人嘅同事個message
話買咗燒賣皇后返嚟開心些牙
係原味日日手工包嘅冬菇豬肉燒賣
雖然佢哋嘅燒賣係黃色嘅
但係當然唔可以唔畀佢哋隻辣椒染紅
哈哈,個味係鮮嘅
不過我本身係唔鍾意食豬肉燒賣
(開新舖咪想試吓囉嗰種)
好啦呀同事都話麻麻啦其實
然而一致認為佢個辣油好好味
完全係想再9衝落去買嘅!

…原來今日都過得幾好吖~