2020 年 3 月 30 日

[食の四国ツアー] Day1:海賊浜焼き 豊丸水産 高松ライオン通店

晏晝上機嘅好處係唔駛咁早起身
不過搭完機去到酒店就已經係晚飯時間
計埋時差好快過咗一日喇…

原本諗住去手打ちうどん 鶴丸食咖喱烏冬
點知做research唔夠全面撞正公休日
是但啦求其响瓦町見到咩吸引就食咩啦

海賊浜焼き 豊丸水産 高松ライオン通店
呢種屋台風感覺夠晒放鬆隨意

鶯宿梅スペシャル お湯割 | ハイボール
坐低梗係先嗌嘢飲
有熱梅酒同highball
飲啖嘢先慢慢睇menu

浜焼き 縞ほっけ 半身
嚟得食濱燒嘅地方當然會嗌啦
條𩸽魚都幾大碌要慢慢燒

等食期間先搵嘢送酒
あん肝,新鮮唔會腥嘅軟滑鮟鱇魚肝
(話說响慶州食過超腥嘅鮟鱇魚之後留有極大嘅心理陰影)

刺身5点盛り
去到海產舖唔食刺身又係會對唔住自己嘅…
タイラギ貝(帶子)、(赤鯮/黃牙鯛)勁新鮮好滿足

一路食一路睇住佢燒熟陣香味飄飄吓

齋燒魚有啲寡
叫返盤乜都有嘅肉焼き盛合せ
牛、鶏、ソーセージ (sausage) 加少少野菜咁

燒肉盤係另用鐵pan唔係直接網燒嘅

等燒熟期間又食吓呢度嘅名物鐵罐蒸蠔
広島県産 牡蠣のガンガン蒸し
超新鮮嘅食材簡單調理就已經好好味
蠔肉又香又嫩滑,用少少醋吊味就已經完美

大魚大肉咁哈哈

條魚得半條但係佢都鬼死咁大
食完一碌仲有一碌
啖啖肉咁燒乾水分都依然唔嚡身
講真,呢度啲魚好過肉好多

有海鮮食有酒飲,呢餐都真係夠晒好歡樂
作為一個旅程嘅第一餐係一個好開始呢~

-----------------------------------------------

延伸閱讀:食の四国ツアー (8D7N)
Day1:香川(高松)
Day2:香川(高松、丸亀、琴平)
Day3:香川(高松)↔ 徳島(鳴門、徳島)
Day4:香川(高松)→ 愛媛(松山)
Day5:愛媛(松山、宇和島)
Day6:愛媛(松山)→ 高知(高知)
Day7:高知(高知、中村、須崎)
Day8:高知(高知)→ 高松(高松空港)