2020 年 4 月 17 日

[食の四国ツアー] Day4:郷土料理 五志喜 - 鯛そうめん

創業380年有多嘅鯛魚素麵老店

鯛そうめん當然係必食㗎啦!

松山ハイボール | みかんビア
兩隻都係「愛媛蜜柑」味
左邊highball右邊啤酒
蜜柑啤酒味道非常清香,好好飲呢~

地ダコの唐揚げ
冇諗過嗌嘅在地八爪魚
好彩有叫,又爽又彈牙外面輕炸夠晒味
加上八爪魚本身味道夠鮮,絕品!

伊予和牛のおろしポン酢仕立て
愛媛以前叫伊予
伊予牛即係呢度嘅牛
半生嘅和牛撈撈食
肉嫩汁酸真係好開胃呢

伊予佐妻
係愛媛縣嘅魚同味噌加埋嘅郷土料理
即係木桶隔離兜類似湯嘅物體
味道都幾香不過以第一次食嘅嘢嚟講就唔太驚艷

兜飯粒粒亮澤發晒光咁,靚到吖…

鯛そうめん (姿身)
要揀就揀食得最好兼最豪嘅成條鯛魚款
五志喜梗係五色素麵
以為啲嘢烚兩烚簡簡單單會好淡味
點知佢唔味濃就更反映出每種食材嘅自然味道
加上麵條爽滑唔會一pat嘢咁
蛋絲都有調味仲切到麵條咁幼
輕輕沾過麵汁已經夠晒味
條鯛新鮮味道同肉質都無可挑剔,太完美喇

原本以為自己食完烏冬食素麵會有啲抗拒
點知呢兜嘢食落真係好好食
完全唔覺得「又係食粉粉麵麵呀」咁嘅感覺(大心)

-----------------------------------------------

延伸閱讀:食の四国ツアー (8D7N)
Day1:香川(高松)
Day2:香川(高松、丸亀、琴平)
Day3:香川(高松)↔ 徳島(鳴門、徳島)
Day4:香川(高松)→ 愛媛(松山)
Day5:愛媛(松山、宇和島)
Day6:愛媛(松山)→ 高知(高知)
Day7:高知(高知、中村、須崎)
Day8:高知(高知)→ 高松(高松空港)