2017 年 8 月 28 日

[食の四国ツアー] Day6:愛媛(松山)→ 高知(高知)

今朝六點鬆啲起身
七點起行去食早餐

今餐個重點唔係响食物度
而係個地點…

伊予松山城
日本12座現存天守之一

有啲位修復緊所以圍咗板
不過都唔影響欣賞個城嘅景觀

… 然後求其搵張長凳
坐低由高處望住個松山城(市鎮)食簡餐

要行晨運咁上山係因為中午又嚟個大遷徙
話說搭JR嘅話就有排兜
去到下個落腳點要成六粒鐘
咁樣好嘥時間啫
因此,仲有另一個移動嘅方法

搭JR巴士,然而用JR pass呢
用嚟搭JR巴士係可以用優惠價¥1,000就OK (原價 ¥3,600)
雖然有諗過搭幾粒鐘咪幾粒鐘一円都唔再俾
但係去旅行真係唔駛拗氣
之後證實咗慳埋嘅時間
真係可以做多好多嘢
加上用JR pass先可以用優惠價搭
都叫發揮到張pass嘅最大作用吖

上車食响冚家Family Mart買嘅おむすび
好好食呀〜〜〜

田那部青果 - 清見タンゴール ちゅうちゅうゼリー
愛媛必買嘅柑jelly
滑嘟嘟果味香甜,超正!

JR bus:松山 → 高知

落車放低行李响酒店(未夠鐘check in啊)
然後四圍行吓先

點知一去就去咗最就近嘅高知城
又係日本12座現存天守之一
冇錯!12座之中我呢次旅程就去咗4個
四国裡面有嘅都去晒
其實唔係特登嚟睇呢啲城嘅
正如之前去宇和島城嗰陣話齋
食嘢同食嘢之間都要搵啲嘢做吓
講返高知城,除咗天守
呢度連追手門、詰門等都仲係江戶時代嘅建築
仲係唯一可以响現存追手門睇到現存天守嘅城郭

今次上到城堡冇空手回喇
嘆返枝高知名物:1X1アイスクリン
(喂個fo去咗邊呀?)

食開咗個胃就要去食多啲嘢
梗係行落ひろめ市場

專登嚟明神丸睇表演同食鰹のタタキ
哇哇哇~ 呢種做法令鰹魚最好食
本身已經好肥美
燒一燒個面,令佢整體冇咁漏
啲魚油油咇咁啲出嚟
焦咗個位再提升魚香嘅層次
裡面嘅刺身位好新鮮腥味全無
正!到!爆!

再行吓行吓兜吓兜吓
誤打誤撞之下
食到グラム (gram) 嘅プレミアムパンケーキ(!)
呢種ふわふわ感覺嘅pancake
完全明白到點解啲人會特登排隊等食
well,我呢碟排都唔使排嘅(得戚)

唔想行街,就去參觀吓高知よさこい情報交流館
啲舞步好得意,齋睇人哋跳嘅片
都有少少睇到唔捨得走

行返出嚟就見到頭搖又尾擺嘅とさけんぴ

位置係景點之一嘅播磨屋橋(はりまや橋)

又响街行吓再返酒店check in唞陣

夜晚就落酒店後面嘅屋台食碗ラーメン @松ちゃん
碗麵好普通但係個餃子皮超~ 脆~
同埋路邊攤個風味好好囉!

食完就好好地瞓
聽日又周圍走喇(哈哈哈)

-----------------------------------------------

延伸閱讀:食の四国ツアー (8D7N)
Day1:香川(高松)
Day2:香川(高松、丸亀、琴平)
Day3:香川(高松)↔ 徳島(鳴門、徳島)
Day4:香川(高松)→ 愛媛(松山)
Day5:愛媛(松山、宇和島)
Day6:愛媛(松山)→ 高知(高知)
Day7:高知(高知、中村、須崎)
Day8:高知(高知)→ 高松(高松空港)