All Posts
近期愛死嘅一套動畫（大大心）
SPY×FAMILY
間諜男為求執行任務要組織家庭
誤打誤撞揀咗個識讀心術嘅妹妹仔
再加多個隱藏住殺手身份嘅女人做老婆
三個人互相隱瞞真實身份扮演假家人嘅生活
認真嘅「爸爸」、天然呆嘅「媽媽」、超可愛嘅「囡囡」
大爆笑喇呢套
敲碗坐等10月嘅第二季！！！
今次阿諸葛亮終於唔駛打打殺殺喇…
（我隻B聽到呢首OP會手舞足蹈哈哈）
パリピ孔明（派對咖孔明）
劇情描述中國三國時代
蜀漢丞相諸葛亮（字孔明）响五丈原之戰中病死
醒返後發現自己後生返仲轉生到halloween緊嘅現代日本澀谷
佢响夜店同創作歌手月見英子相遇
聽到佢嘅歌聲好感動後
為咗幫英子實現夢想而以軍師身分活躍於現代嘅故事
劇情都有話唔知點解佢會識聽識講日文 XDDD
利用古代佢用過嘅戰術
再用响和平時代唔血腥但同打仗冇大分別嘅現今社會（樂壇？）
節奏算明快所以好睇啊！ 不過冇打算睇返由四葉夕ト原作、小川亮作畫嘅漫畫
反而期待下一輯呢～
有睇開動畫，見上劇場版咪入場睇囉…
劇場版「鬼滅の刃」無限列車編
動畫同劇場版都係跟漫畫個劇情
但係畫風嚟講動畫係無得輸嘅
故事簡單節奏明快
所以造就成男男女女大大細細都啱睇易入口咁
講返劇場版，因為情節一貫地快
見唔到究竟柱嘅實力有幾勁
只係覺得個火車便當係好好食
又冇乜交代到啲細嘅同柱之間嘅深厚情誼結
講真，大家識咗一程車都冇嘅時間
就算瓜柴都真係唔駛喊得揪心嘛
套嘢係唔錯嘅，係由電視螢幕變咗電影螢幕
不過都真係好似睇緊電視咁
（動畫版我响電腦睇嘅）
咁話到啲人睇到喊晒咁呀
可能係因為要課金入場睇所以喊咗啩…
沙畫，比舞台表演更一期一會
因為佢係種一瞬即逝嘅作品
要留住佢，就要靠當時嘅相 or 片
之前見識過嘅即場創作
而今次呢套就結合stop motion
配埋色彩音樂聲效後
整成一套沙畫動畫
除咗睇呢個作品嘅放映會之外
仲有佢哋嘅創作分享
同幕後製作花絮
另外，展覽板敘述故事簡介
介紹吓沙畫呢樣嘢 & 展示今次套片嘅手稿
製作單位
（導演海潮 | 編劇莊梅岩 | 監製張月明 | 創作總監有耳非文）
懶得連小說漫畫都拿不起
看動畫吧～
Weiß kreuz為德語，意指「白色十字架」
四位主角早上在花店打工
而笑面盈盈的他們
晚上就會出動去殺人
要死的都是犯了令人髮指罪行
又或者是運用權勢和金錢逃脫法網的惡人
加上講述四位的身世
為何加入等等情節
雖然剷除壞人得橋段是非常老土
但喜歡看奪取他人生命的我
（《monster》、《death note》同《黒鷺死体宅配便》等題材也很喜歡）
就對殺人過程很著迷
動畫人物樣子畫得細膩
殺又殺得凌厲漂亮
靚仔 x 殺人，簡直是無敵組合耶～
（要排喜好的話會首選圖中劍尖最下面的OMI，因為夠可愛）
（而yohji最型的殺人法就最吸引… 呵呵）
