All Posts
咩心情咪睇咩書囉…
不想去上班 | 懶人的日子
－ 金英珠
懶吖嘛，睇插畫師嘅書
就唔駛睇咁多字囉
輕輕鬆鬆睇吓笑吓咪幾好
反正今日唔應該返工
應該懶懶閒㗎嘛…
响一片書海（其實係書架）之中找尋到幸福…
仕事も恋もがけっぷち！
２９歳ＯＬが永遠に続く幸せを手に入れたシンプルな習慣
青山華子
中文譯本就大大隻字寫住《好幸福！》
（好精簡 but f-king right）
本書係先講要幸福就要接受自己嘅不完美
從而放低執著，唔做無謂嘅比較
活在當下隨遇而安做自己鍾意做嘅事
係㗎！好簡單嘅三幅被嚟㗎～
但係就係最易被遺忘囉！
尤其當生活唔如意嗰陣
會一直陰沉嘅心境
一路响度問點解呢樣點解嗰樣
冇錯嘅有啲人會從而反思
令自己更有得著有進步
可惜係更多嘅時候走唔出嚟
會否定自己覺得難受
本書就提返你其實唔需要响個陰霾度轉
仲會提供到啲方法
幸福其實唔係好虛幻嘅事
可以好容易就捉得到
身為人類，我每分每秒都响度呼吸緊
然而將化呼吸為瘦身
就係呢本書所謂嘅進階呼吸啩…
（進階呢兩個字係我自己作嘅）
「腹筋運動ではお腹は凹みません 呼吸と姿勢だけでみるみる凹む最強メソッド」
－ 森拓郎
所謂嘅森氏四大呼吸法
分為呢四樣啦（唔通分為八樣咩廢話）
「身體站直：呼吸的第一步從站直開始！站得好，人自然就瘦。」
企好身體就平衡
基本上啲瘦身書都係講呢樣
「腹式呼吸 ：腹部呼、吸得對，才能打造肚凹的第一步。」
簡單嚟講即係丹田式呼吸
細細個就唱開歌所以晨早就練好
又可能因為咁
我個肚一向都唔算好大
between，一路好多地方都話唱歌會令人燃燒脂肪㗎啦。
「胸式呼吸 ：有效控制吸吸時左右肋骨的位置，除去惱人的胃凸。」
即係平時胸肺呼吸
只係比平時嘅更有意識去呼吸
咁有咩分別？
要瘦？早抖啦你！
「きょうの睡眠ダイエット: 4週間でヤセ体質に変わる」
－ 友野 なお
個中文譯名係《我，靠睡覺瘦了10kg》
但係好明顯我係因為睇到我靠所以先拎嚟睇 XD
由小小嘅生活習慣
令人變得易入睡同早上易啲醒唔賴床
然後又講吓從飲食到簡易嘅運動以至浸浴放鬆
去提高睡眠品質
啱嘅，作息定時相比瞓唔夠
新陳代謝率都會唔同
當然又係鬼唔知阿媽係女人咁
學同做都唔難㗎
如果真係肯的起心肝唔玩咁夜早啲訓
咁好好地瞓覺點都係好嘅
可以減埋肥咪bouns囉，係咪？
响好耐好耐之前講過用骨盤枕攤5分鐘就將骨盤移返正
好可惜吹氣嘢始終都會有漏氣漏到吹唔返起嘅一日
無咗個枕咁點算好？
舊骨咪冇得再歸位好陰功㗎喎
天無絕人之路嘅…
「腰まくらダイエット」
－ 吉田 始史
佢話你知用屋企一定有嘅大毛巾
摺摺吓去到合適嘅高度就OK
更重要嘅係：
之前個吹氣枕要攤5分鐘
呢個直頭話1分鐘就得
哈哈哈，慳咗4分鐘真係好L著數
咁當然除咗攤都仲有啲進階版要郁嗰啲
之但係我行動力長期處於負數狀態
梗係郁都無郁過啦 XDDD
用咗最大努力去摺毛巾加瞓低
已經係為人類減肥進程行咗一大步㗎喇
keep住個骨盤响正確位置咪得囉
咪對自己咁嚴苛啦
雖然啲所謂郁郁吓運動其實只係郁兩郁扭兩扭（唔係唔搣聲呀？）
比起郁都唔郁，郁少少應該易瘦啲… 啩… …
「ひねって伸ばす 仙骨ウォーキングでバービー体型になる！」
－ かなつ久美、デューク更家
主要係講身體嘅中間之中
好中中中間個舊仔叫仙骨嘅骨
只要將佢豎直
就輕易令身體平衡
從而令舉手投足都係處於優美嘅狀態
咁同瘦身有咩關係？
唔平衡咪身體出啲脂肪去彌補不足嘅位置
無咩嘅，肥得唔均勻
成個look唔靚之嘛
好啦，輕易扭兩扭就將仙骨豎直
跟著做一啲都唔難呀
hip位會比較明顯
基本嘢OK就開始嚟料
咪話將個身當毛巾咁扭嘅
啲動作就係封面嗰啲喇
將成個人响度扭囉
全身都郁緊，不過又唔會攰
玩吓係冇問題嘅
沒有多餘錢同空間買旅遊書。
所以一般都係上網𥄫D人寫乜
或者去圖書館借嚟睇
好難得响我想去南九州嘅時候
竟然Discover Japan响尖咀免費派幾日呢本嘢
D相又靚又有齊地址
最重要係一定夠update
即係咁，D九州書係咪都講晒成個九州
而且中文嗰D都偏向北邊
買本幾百頁厚嘅書只係睇十幾廿頁真係好唔抵㗎嘛係咪先？
日本人推介嘅日本嘢喎
都應該OK啩～
懶人 x 懶天氣
自有一套懶人哲學
真的是哲學喔！
同事問我在讀甚麼書
我就答「尼采」啊
對方看著就認為哲學好像很難
不過其實這套完全是懶人包
所以都譯得很簡單
哲學嘛，就是那種「阿媽係女人」的樣子啦（哈）
日本人解說寫書
再由臺灣人翻譯成中文
結果就是易讀易明
好吧，我就是懶上加懶的讀
反正閱讀這檔事容易入腦也好
得益的都是自己無壞吧～
寫實的生活因為一些火花而帶來無可想像的衝擊同後果
讀湊かなえ的書每每令我有種要一口氣讀完的感覺
《告白》
忍不住一讀再讀的作品
兩名中學生殺了班主任的女兒
因為少年保護法所以法律上不能懲治
老師就用自己的方法報復
故事圍繞六個人的自白（告白）
推理出故事的因由同對之後的影響
當然，結局的精彩令整本書更是完美
電影版主角是松たか子
能演繹出那神髓
不過我更想主角是由天海祐希飾演呢（嘻）
《少女》
兩位從小就是好朋友的高中生
因為目擊朋友自殺而炫耀的轉校生
繼而想透過同樣方式證實自己的存在
過程中，就是她們的成長經歷
這本人物比較混亂
所以形成其實他們每個人之間其實都有關連
有了伏筆，使在結局「因果循環」中
能人有種大快人心的感覺
年輕的高中生角度為主軸
故事也明顯地寫的爽快
《贖罪》
這是一本不能一口氣讀完的小說
不是情節過於不緊湊
只是它有九百多頁很難一次看完
（在lunchtime時看(舊)同事們都說我是否在看《聖經》）
故事講述全世界海上出現異常性災難事件
海洋生物會攻擊船隻甚至入侵陸地
由一班海洋生物學家、海洋物理學家
以至天文學家一同試圖尋找原因
篇幅很長，故事把東西說明得很仔細
書中一些資料與研究都是真實的
所以令人會有點分不清
是不是認真的把這世界污染得太嚴重
使終有一天大自然的生物會以破壞方式
「回報」人類對其的傷害
看完以後，請好好想一下
自己是怎樣對待其他生物體系
不然它們要反擊的時候，就慘了 T-T
這本書有令人有種一口氣讀完的魅力
故事背景是二次大戰
講述一個日本的空軍軍人
一直想留住命回家
但最後卻成為必死的神風特攻隊戰士
啊～ 對我來說是種有點催淚的小說
（雖然我的第一欲哭點是在「大福」那幕）
可最令我心傷的
是書中那種官僚將領
只為自己眼前的利益
完全置下屬、人民甚至國家不為一物
這種自私，其實不只是虛構的小說
那是人所共知的歷史
也同樣是當今社會的局面
而所謂當今，不論是日本的公司社會體系
以致現在的香港也是一樣
背景不一樣可這種討厭的官員上司比比皆是
不但止心傷；也帶憤怒就是
卻為自己無能為力而悲哀
又，我是閱畢小說才看電影的
絕對明白不能比較
不過還是要說：
岡田准一是型！真的好型！
可惜要他飾演的是宮部久蔵
雖然吃肉類是件很殘忍的事
不過別忘記蔬菜（植物）本身都是有生命的
やさいのかみさま（蔬菜之神）
文：カノウ ユミコ
所以對於吃下的任何東西
也需要存有感恩的心
不要浪費，要感受每樣食材的味道
每種食物背後也是一個故事
任何菜餚也有其歷史
好好的用心吃吧～
這本書除了有作者的小品外
每篇都有素食食譜
沒有圖只有字，沒有標明分量
不侷限於每道成品的樣貌
因為菜餚其實不可能有標準
怎樣的烹調就會出現怎樣的滋味
能認真聆聽食材的聲音
就能夠煮出屬於自己一套食的藝術
煮好吃好，身體同心情也會好起來喔！
