All Posts

telestrations

[board game] Telestration 傳情畫意

畫公仔 x 估已經夠爆笑 比Pictionary更爆笑仲有呢副！ Telestration 傳情畫意 就係畫公仔 x 估 x 以訛傳訛（哈哈哈） 要夠多人先好玩 一個畫下一個估寫低啲字然後再一個畫blablabla 通常就係得出嚟嘅謎底 x 謎面 = 好搞笑 玩呢副嘢最正嘅係：呢個遊戲唔存在贏輸 純玩夠開心咁先係一班人玩遊戲嘅最高境界啊！ 真心好玩，晌tough days中保持笑容真係好重要～

2022 年 9 月 24 日
machikoro

[board game] Machi Koro | 街コロ

冇得去街就成條街買起佢（哈～） 不過唔係monopoly咁就咁買地起樓 係由基建到工場都舖頭然後搵收入咁 有啲時候要靠骰仔碰運氣 大概30分鐘玩到一局，唔會悶 （加上啲graphic好靚～）

2020 年 8 月 9 日
rorys

[dice game] Rory's Story Cubes

唔出街咪响屋企玩囉… 純粹玩創意，擲骰仔有咩就可以噏乜 作故仔呢家嘢身為香港人都聽慣咗啦哈哈 加上可以天馬行空咁又冇話贏輸唔會傷感情啊！ 冇得出街郁吓個身咪郁吓個腦囉～

2020 年 2 月 16 日
timelineinventions

[card game] Timeline Inventions

一直以嚟總認知到風暴前夕會相對平靜 而家嘅局勢，要真正打風先最和平（唉） 咁咪可以坐低玩吓囉～ 好易玩嘅card game 冇咩技巧，越有知識就越易贏 就係要估每樣嘢嘅時間順序 先抽一張放中間然後大家出牌一路估&擺個手上嘅card啲時序，完。 本身有唔同theme：由Inventions（呢副）、Science & Discoveries、Historical Events、General Interest、Music & Cinema去到Star Wars I-3 and 4-6以致British History都有 好多invention係改變到人類嘅生活 令到世界進步係一件美好嘅事 只係希望有啲唔好嘅發明唔好用拎出來用 從歷史中不斷學習同時創新 可以繼續安穩開快樂咁生活就好（遠望）

2019 年 7 月 31 日
getbit

[card game] Get Bit! 鯊口餘生

夏天咁鬼熱出去游吓水 唔去泳池飲氯氣不如去海灘 不過要小心唔好打攪啲鯊魚呀！ 唔係嘅話佢就咬咬咬㗎喇～ 玩家出數字牌 炒咗冧巴就唔游得 然後有得游嘅就跟次序游上去 游得最慢排最後嗰位 就要俾鯊魚咬甩手手腳腳 （再掉返去最前） 直至游泳隊其中一員俾鯊魚食晒 屍骨無存咁就gameover 排最前嘅就贏喇（耶） 哈哈哈，都幾好玩喎！ 個game裡面啲鯊魚係衰就衰啲一路食人 但係都唔代表現實中要以牙還牙咁食魚翅喎！

2018 年 5 月 28 日
oxfamgames

樂施會 - 謎玩社區遊戲創作室簡介會

作為唔識正確地運用腦袋嘅我 係冇玩過咩密室解謎嗰啲game 何況係設計一個遊戲 不禁懷疑自己其實參加緊啲乜（笑喊） 但係玩完個相對簡單 而又能夠take message嘅game 再聽埋個後續講解嘅實境遊戲 同呢個創作室計劃簡介 又好似唔係想像中咁難咋喎 （呢個女人係非常容易落搭嘅） 呢種社區遊戲創作 based on樂施會講嘅社區議題 配合boardgame x 密室逃脫 x 野外定向玩法 務求有得玩之餘學到嘢睇到嘢 要堅去參加成個創造歷程 就要上多幾次堂 同埋飛去臺灣實地試玩幾日！ 個價好抵又唔駛請好多假 （平日嘅話，成個計劃只需請一日假咁少）

2018 年 5 月 25 日
runanimalsrun

[board game] 厭世動物園《動物大逃殺》

清明，悼念仙遊咗嘅先人之外 不妨以遊玩方式去正視動物絕種問題… 用色好灰，玩完都覺得好灰 厭世姬筆下隻隻都係眼神死喊晒口嘅動物 而呢批仲係臺灣瀕危類嘅物種 棋盤呀棋呀骰仔呀mission card呀 同個墳墓…（w/哀號） 玩法係揀好動物 每round完成mission 就係生物嘅基本：巢穴呀食物呀水呀嗰啲 然後完一round，隻嘢仲未餓死渴死 就開始人類嘅城市發展 即係如果要起石屎嘢 成個area都會冇晒生存嘅基本嘢 隻動物咁都仲生存到 就繼續移動玩嘢食搵水飲 當然，對手（其他動物）都係同你一樣唔想死 都要搶水搶糧之下 就可能會阻到你搵食 一係你就餓死；一係就俾其他動物殺死 再唔係就係俾城市發展下橫死掂死 越玩會越嬲同會好絕望嘅game 咁點解玩得咁唔開心都要玩？ 做人就話只係咁樣會唔開心啫

2018 年 4 月 5 日
villannex

[card game] ヴィラネックス villannex ～合併競議会～

嗱～ 唔係嘢嘢開會都係痛苦同嘥時間嘅… 好似呢盒合併競議会咁 要諗自己出咩最有利 又要諗吓人哋會唔會出啲嘢跣你 再諗吓點樣用人哋啲嘢去增加自己利益 唔複雜嘅不過都要用少少腦 一round唔耐㗎，大概5～15分鐘 玩完又忍唔住再玩 （啲公仔仲要咁得意） 至少肯肯定冇平日開埋啲廢話會咁悶先吖～～～

2018 年 3 月 29 日
lasvegasboulevard

[board game] Las Vegas Boulevard

响Las Vegas唔係聚賭仲有咩好做？ 最多8個人一齊玩嘅遊戲 （4-6人最適合） 好似賭枱咁落注 然後靠運氣咁擲骰仔 咁最後當然係得到最多錢係贏家 本身對賭博冇感嘅我 唔覺得好好玩咋 只係投入啲賭仔心理咁囉 （贏錢會笑輸身家會大叫嗰啲） 款遊戲完全唔識合我玩 所以評語上面件tee已經講咗，就咁。

2018 年 2 月 24 日
girigiricurry

[card game] ギリギリカレー (GiriGiri Curry)

天氣凍凍哋就會想食吓咖喱 （黃明志：「讓我們一起吃咖哩咧…」） 食咖喱前不如玩玩呢個咖喱game暖身 好搞笑㗎又易上手喎！ 可以睇一個落幾多料嘅煲 另一款係睇佢喺咩材料嘅咖喱 然後就抽牌擺牌落啲煲度 但求唔爆煲之餘個taste夠多味 認為哎吔吔會爆煲點算好？ 可以搶咗人哋啲煲㗎嘛哈哈哈哈 勁快嘻嘻哈哈就一局 玩完會唔夠喉繼續玩多N鋪 極級推薦嘅game 見到唔入手都要試吓玩呀 學solar話齋：「包你一定歡喜」～ -———————————————- 延伸閱讀：回憶咖喱

2018 年 1 月 4 日
splendor

[board game] splendor

有人聚集又係玩game時喇～ 响寶物滿滿嘅日子 玩呢副"Splendor”（璀璨寶石）就最好不過 個遊戲容易上手 儲寶石儲到夠分就贏喇 不過都係嗰句易學難精啦 至少我呢庭數口極差嘅嚟講一定係 但當中又有小小運氣成分嘅 同埋要睇埋對手呀同唔同人合作等等 所以不至於數口差就唔啱玩咁 好玩又唔會太花時間 呢個game真係好嘢嚟㗎！（推）

2017 年 12 月 26 日
chromino

[board game] chromino

今天是「好色」日～（哈） 玩這種簡單的遊戲就最好 只要兩邊同色就可以拼在一起 （就像情侶一樣，對吧） 當然也有被封死的時候 手上的不能拼就抽 抽了又可以即放（我很愛這條例） 而手上有最後一粒就要開牌 用來給對手看到怎樣不准你贏啦哈哈 最後，出完手上的牌就贏了（拍手） 不需要激動得翻桌的遊戲 又是一個美好的下午（微笑）

2015 年 6 月 27 日