All Posts
年初一呀，梗係留响屋企邊度都唔去啦～
全盒當然都會係成屋都係嘅大口仔！
上年 (20’年)港版出品
紅噹噹喜慶到暈呢
圍邊都係一家四口
大家都齊齊整整健健康康喔！
自從個大口仔浴室磅壞咗十世後
就買咗個企上去有得測埋體脂水份骨重BMI嗰啲磅
但發現其實嗰隻磅都幾受濕度嘅影響
係咁意參考反正都唔能作準嘛…
咁見個磅無電又唔想買餅電
咪買返個就咁磅重就OK嘅大口仔嘅陽春電子磅囉
上年 (20’年)港版出品
藍色底強化玻璃面個樣都幾靚
都係有KG同磅兩種選擇啦
反正上磅睇個數字都唔會太高興
不過至少用起上嚟都會開心返啲吖～
（磅數唔代表一切嘅…）
唔認自己係個仆街都唔得，sor9ly…
明知樽嘢係MIC C牌貨都係敵唔過個大口仔樽
之前有見過膠樽仔貼大口仔貼紙嗰種
同埋四方偏身print住大口仔殼嗰隻
都係因為見到MIC就頭也不回咁放低咗
但係呢隻真係忍唔到
（加多個藉口：超市做緊特價 TT）
平時極少買立體版因為佢pat頭髮好難做得靚
呢個戴咗皇冠就解決咗個問題
唯有可以做嘅嘢係得一時間搣Q咗張招紙
冇眼屎乾淨盲
又到聖誕，又到聖誕～
除咗又要响籠底摷返聖誕波波123出嚟掛…
仲會擺埋聖誕咭啊啊啊啊啊！
呢張係日版08’嚟呀～
好特別嘅得一有四
因為有得摺摺摺做幾個pattern哦（勁靚）
摺到最後一版有message位都唔寫嘢嘛…
無計啦！送禮嘅知道我唔鍾意畀人畫花我啲大口仔
所以好貼心咁寫晒祝福語响張咭嘅instruction紙背面（呵呵）
聖誕快樂，祝你在亂流下平安～～～
通常買返嚟嘅嘢都會拆晒嚟用
不過呢支96’出品嘅牙刷嘛
係靚嘅，入電芯用㗎囉
但係我一直用緊Oral B無理由轉啫
哎吔吔，帶飯响自己張辦公枱食
開餐前要抹抹乾淨啊！
又係daiso嘅好嘢，made in Japan酒精抹檯濕紙巾
係嘅用呢樣嘢係唔環保㗎喇
不過响會含細菌嘅毛巾同加重地球負擔之間
sorry囉暫時條命仔都仲係矜貴啲
加上個袋係有好耐冇見新嘢嘅日版19’ 大口仔
呵呵呵呵呵！
細細盒，一盒memo一盒貼紙好抵玩
係18’ 嘅日！版！呀～
仲有日版出真心安慰
裡面有45張貼紙仔
同40張memo紙
啲memo咁鬼靚
俾人撕咗嘅話會好心痛㗎（淚）
…but撕一貼百，用返辦公室黃memo再貼過啦啦啦～
情人節玩收花呢家嘢就真係咪搞我
不過見到張七仔印花幾靚keep吓都得嘅…
當然因為呢個鬱金香造型嘅大口仔兜已經入手（撒花）
係完全唔襯大口仔嘅深橙色底啊！
不過見到佢個樣都已經夠開心
繼續笑口常開啦哈哈~
…些些HIMHIM（嘻）
又到拆禮物嘅時間喇～～～
今年有最最最新 (17’)嘅大口仔呀！
雖然係港版不過個theme真係好好
去旅行… 浸溫泉…
真係超襯大口仔嘅藍色底
三個櫃桶仔
放到棉花棒棉花呀散裝小物嗰啲啦
只有未開始用嘅時候先見到嘅頂 XD
一邊係釣魚食嘢影相
另一邊有shopping浸溫泉
完全係我嘅河車
等我今年仲唔太開心冇今年嘅聖誕波波
是但啦，呢個仲實用（多謝HIMHIM）
-———————————————-
延伸閱讀：
大口仔聖誕波波 2015
大口仔聖誕波波 2014
大口仔聖誕波波 2011
好似大口仔咁
同一堆鍾意嘅人(?)聚埋一齊過冬就好開心喇～
今年 (17’)港版啦
黃色底好有活力呢
打開盒有張閃咭
下面銀色袋嘅餅仔係MIC嘅
直接丟棄唔心痛（嘿）
閃咭背面係是日心情同開心指數
得三粒心咋喎
係啦係啦我都覺得我仲未夠休息同放鬆囉…
拎開包餅，個盒底仲有張貼紙呢
好靚囉呢盒嘢！
有冇人會感受到我有幾激動呢？
等咗好多好多年都冇見過日版大口仔嘅嘢
竟然突然間今年 (17’)有一兩件流出！！！
另一件係有毛嘅公仔
所以係唔會入手嘅…
雖然呢個吊飾對我嚟講真係冇用
但係日版大口仔日版大口仔喎
唔擁有會對自己唔住囉（呵）
佢個樣仲要咁鬼開心
買返嚟擺都幾happy吖～
呢啲玻璃樽好呀
放到好多好多雜物㗎！
97‘年嘅出品
哇哇哇！同霉雞一樣咁就廿年（唉）
玻璃有度好就係無咁易走色
擺幾耐都得，yeah～
