All Posts
雖然之前食過佢嘅芝士味好很難食…
但係見其他味好似正正常常咁
加上$11兩盒咁鬼抵就忍唔住手買（嘿嘿）
누드초코 | choco filled/ nude chocolate
nude餅乾嘅牛奶朱古力餡
比起上次隻芝士餡好好多
半脆身餅乾條加朱古力食落好正常
크런키 그래놀라 | CRUNKY granola
餅乾條外面包白朱古力撈燕麥粒
估唔到嘅少甜，麥x麥咁都幾香
피넛 | peanut
花生粒牛奶朱古力外層
連埋中間嘅餅乾條
就似無咁罪惡感重嘅金莎～
抱住清醒阿B食tea
今次挑戰嘅係食大大隻炸雞髀！！！
和順記 鹹蛋黃神級雞髀皇
嗱！我呢就由細細個已經好鍾意下午茶食炸髀㗎喇！
雖然未到咩炸髀關注組嘅程度
但係都有自己界線嘅味道皮脆肉嫩度嘅standard
呢隻髀同傳聞中一樣係誇張嘅大
隻碟好大所以唔係好睇得出個比例
佢大個成隻手掌大概同塊面差唔多咁
不過因為同之前响光榮食過大大隻
所以鎮得住冇畀佢嚇到失禮失禮
要食邪惡嘢就要食到極致
炸再加面層係鹹蛋黃問你死未？ 生炸雞髀就係皮超脆
加咗金沙鹹蛋黃coating竟然唔會好鹹
仲有沙沙嘅感覺無只係炸雞皮咁乾身
雞肉juicy流雞油就梗㗎喇
唔係得個大字睇得唔食得嘅
然而齋扯皮嚟食，食食吓啲雞肉會悶㗎嘛
好在佢係有得配汁
我就揀咗可以提食慾嘅黑椒汁
個黑椒味炒得好香因此勁出，非常正！
就算阿B响個一路食一路搞搞震
仲逃出孭帶走去搣牆上啲膠紙又拎counter攝住啲廢紙
食完雞，當然唔可以放過隻蛋
HK9EGG - 原味日式玉子燒
因為見阿B一直係咁望住我食嘢
唯有放棄炸蛋，玉子燒都唔揀明太子黑松露嗰啲味
（廿四孝老母是也）
而店員都好好咁將啲肉鬆放埋一邊
甜甜地鬆鬆軟嘅蛋
六面都燒過好有heart
面頭唧咗沙律醬又滲有微脆紫菜飯料
再有鹹鹹甜甜嘅肉鬆
層次豐富，味道都唔錯
所以阿B都不停追蛋食，哈！
理得佢有雞先定有蛋先，我去食雞先！
等雞嘅時候一路諗諗諗一陣滲邊種好～
Chok套餐 6件雞件
登登登凳！即叫即炸熱辣辣炸雞出場！！！
（最後揀咗避風塘蒜香滲面）
激！大！舊！嘅炸雞
好Q熱，外層爆脆；裡面雞肉嫩滑兼漏油超juicy
6件有啲多㖭，食唔晒拎個蓋冚住一陣再食～
然後，食蛋去…
同佢去食辣魚鍋，阿B食唔到就買少少嘢畀佢…
南瓜薯餅 | 熟帶子壽司
先餵食帶子壽司
哈哈哈冇拎豉油以為自己已經好威威
點知都係唔記得叫店家走わさび
掂到少少嗰啲飯阿B又食唔到喇
咁啲飯都食到but帶子連裙邊
兩粒牙仔嘅人仔咬唔到
裡面啲帶子肉就食到
其它嘅就留畀我幫佢頂啦 XDD
薯餅個皮炸得超～ 脆～
仲熱辣辣我已經忍唔住食咗啖
然後再挖啲南瓜薯蓉畀B
點知佢唔知點解食咗啖就唔食喇
好啦！又畀我自肥ed
南瓜味香加埋薯蓉唔會好甜
吖… 好食吖點解阿B唔要呢？
作為一位蝦條lover，見到有吸引都會想試吓
새우 깡블랙 | 農心 黑松露蝦條
嗯… 由細其實係食開calbee鬆脆質地嘅蝦條
農心嘅蝦條就會硬身好多
原味嘅農心蝦條比呢隻再硬身啲
不過蝦味就濃郁啲
呢隻話有松露味but個味非常唔平均
有啲有有啲冇就算有都係淡淡
蝦味又無乜松露味又唔多
完全唔知自己食緊乜
仲要個價錢貴啲喎，頂！
嘥晒個肚嘅quota（淚）
都係落街買返包日版卡樂B原味recover先得…
又係對於恆常嘢嘅「地域限定」毫無抵抗力…
calbee じゃがりこ 贅沢カニだし味
日本海地区限定嘅蟹味
一袋Jagariko脆薯條配一盒仔沾醬好矜貴
超～ 濃～ 郁～ 嘅蟹湯配埋條條蟹絲
其實一包醬配一袋就too over
隻醬個味香到撈麵都仲得
真係hola好食，貴就貴咗啲啲不過完全值得（正！）
山陰呢啲沿海地區 除咗松葉蟹當然仲有唔少海鮮啦
（日本島其實都無話有邊個縣冇沿海啦哈哈）
中浦本舗 - しじみバター醤油せんべい
又嚟食熱氣嘢跳起yeah
呢包係個包裝欠奉但一睇就知好嘢咁樣
就好似名古屋機場隻蝦片えびせんいろいろ咁
呢隻係しじみ（蜆）based
再加上牛油醬油味道
除咗响就係好鬼香嘅味
仙貝係有少少厚度嗰種因此更好咬
香而不膩好在冇再獨立包裝
如果唔係就堅會拆到手軟
太好味啦實在，只係有一刻感覺好似買得太少（噢～）
新鮮蟹就真係唔帶返香港喇～
宝製菓 - 松葉かに処 焼かにせんべい
不過呢個都充滿超～ 香～ 嘅蟹味
蟹味濃郁加上超香口，完全欲罷不能嘅味道
明明好珍惜咁食
然而之後發現吉豬島貴少少都有得買
唔怕冇得食啦（哈哈）
相比起流沙黃金乜嗰種鹹蛋黃
都係鍾意個鹹蛋黃正正經經咁擺晌月餅同糉裡面
鴛鴦燒賣 | 綠豆瑤柱咸蛋黃咸肉糭
响隻糉要加熱前
先食咗佢啲名物燒賣先
鴛鴦係指原味魚肉燒賣拼藥膳燒賣
魚肉燒賣有淡淡魚香加上彈彈牙都唔錯
不過硬係爭咁啲嘢咁
而家藥膳燒賣就顯得非常好食
相對原味無咁彈牙然而個味道超香
食完好似好補咁哈哈哈
响我食完啲燒賣仲等緊隻糉嘅時候終於發現差咁啲乜
係辣油！我完全唔記得咗叫加辣油！！！
竟然犯咗個咁嚴重嘅錯誤（不能原諒）
但係唔知係咪咁就更突顯藥膳燒賣個味真係好出
下次，我一定會加返辣油啊啊啊～
因為冇得蒸，就烚啦！
又好彩本身隻糉扎得好實
就算咁烚都唔會好濕咁
一篤開就見到舊肥豬肉哈哈哈（滿意）
每朝新鮮整加上好足料又大隻所以唔會唔好食
除咗勁香嘅肥豬肉
仲有軟糯嘅去邊綠豆
將沙嗲牛肉推到極致嘅口味！
珍寶沙嗲牛肉包
先嚟隻嗲牛狗
滿滿嘅沙嗲牛肉呢
平時（其實都好少去茶仔）食嗲牛麵要走湯
呢個直頭係肉滿汁包香軟
不過啦，就咁啪又真係鹹咗少少
OK嘅OK嘅…
要食好嘢就要慢慢等
飲住杯鴦走先…
到喇到喇～
過程繁複嘅嘢係要等等嘅
沙嗲牛肉西多士
面頭係牛油同煉奶而唔係糖漿啊！
裡面唔係花生醬
係沙嗲牛肉喔
同齋鹹嘅熱狗唔同
呢舊嘢畀牛油同煉奶中和咗啲鹹味
所以更更更好食
炸好嘅麵包微微脆口
裡面啲嗲牛勁juicy
整體完成度極高超級邪惡
但係人嘛，有時就係要食埋啲超級唔健康嘅嘢
哈哈哈哈哈～
新年點都要搵啲意頭嘢
身體健康心想事成呢堆基本盤以外
成年人嘅世界裡步步高陞都算幾重要呀
無咩好得過最親愛嘅秘書屋企自家製蘿蔔糕
（學返你個句「朵謝～」先… 多謝埋你老母！）
本身已經好鍾意食呢樣嘢
呢家人煮嘅嘢仲要係無挑剔嗰隻
一向同佢傾開計
都覺得大家食嘅嘢口味好相似
人嘛… 就係鍾意同差唔多嘅人一齊
即係人以群分咁上下啦
尤其同事呢樣嘢每日返工時間都對得長
如果條氣唔順真係好難講埋欄
所以我有而家班同事我都真係好有福氣好好彩同好幸福
唔怪得我咁鍾意返工啦
放假都想返嗰隻，哈哈哈～
