All Posts

[生活調味] 瀬戸内レモン農園 レモスコ

本身對辣嘢又無咩特別鍾愛… 瀬戸内レモン農園 レモスコ 不過見到瀬戸内産嘅広島lemon 又話有上蒲刈島嘅海人の藻塩 仲有來自九州産青唐辛子同酢咁又唔加化學嘢咪試吓囉 Mmm… 係幾香檸味嘅 但係對辣椒汁都係冇咩喜好(哈哈)

[生活調味] 牡蠣屋のふりかけ

去宮島嗰日撞正牡蠣屋公休… 牡蠣屋のふりかけ 就走去姊妹店牡蠣祝買呢罌嘢拎走食 佢係有蠔响裡面嘅飯料 其實平日都好少加嘢落飯度食 不過佢無平時果啲咁化工場物料咁都OK嘅 都有蠔味幾香吖~ 叫做試過吓牡蠣屋嘅嘢咁囉(哈)

[生活原味] 廣島魁 山豊 広島菜漬

広島菜漬正名為安藝菜 係廣島嘅一種傳統菜系漬物 廣島魁 山豊 広島菜漬 之前响啲餐廳度食嘅都係切碎咗嘅 食落又唔似其他啲醃菜咁鹹 响超市見到呢包係成碌菜咁樣樣 唔似切剩碎濕濕咁感覺良好 然後食落又同餐廳食嘅差唔幾 一樣唔太鹹又爽口 可以延長少少廣島風味呢~

[生活原味] Super Fruit - 勞物高山猫山皇

嚟自馬來西亞嘅「寶石」呢~ 响Super Fruit訂,畀咗個King Size我 (間嘢仲有好多揀手貨~) 要自己開不過好易開㗎啦! 拎返屋企嗰陣係搭公共交通工具 其實綁好個袋㗎喇但係都有陣陣味飄出嚟啦 XDDD 勁靚深黃嘅色澤呢~ 味道濃郁又香甜中仲帶微微苦味 果然係極品啊! 開榴槤開極都仲有,好開心(嘻嘻) 唯一不滿係張包裝紙囉… ==

[生活調味] ギノー 伊予のみそ

懷舊味道嘅伊予味噌 ギノー 伊予のみそ 唔同平日得返豆蓉咁嘅麵豉 呢隻係見到一條條一粒粒响度 因為係用大麥粒釀造 比一般嘅冇咁鹹(8.5% vs 12.4%) 麹(こうじ)量亦比較多 麹:大豆 ~ 20:1 vs 1:2 用途都係好多點整都好食(心) ----------------------------------------------- 延伸閱讀:食の四国ツアー (8D7N) Day1:香川(高松) Day2:香川(高松、丸亀、琴平) Day3:香川(高松)↔ 徳島(鳴門、徳島) Day4:香川(高松)→ 愛媛(松山)

[生活調味] Bonne Maman - Marron Cream

冇食早餐嘅習慣 基本上唔鍾意食麵包 對jam呢啲甜椰椰嘅嘢 就更加冇咩情意結 咁點解… 點解要買罌jam返嚟呀? 唔知呀可能因為秋天就要食栗子啩… (雖然鬼死咁熱一啲秋意都冇) 相比起jam或者樽嘢自稱嘅cream 個質地似啫喱多啲 唔係平時整甜品嗰啲牙膏裝栗子蓉咁軟滑 不過用嚟搽麵包呀多士咁都OK嘅 甜咗啲囉,但係呢啲防腐嘢係甜㗎啦 都算有啲栗子香味嘅(唔係好濃郁) 輕微解吓舖栗子癮咁囉…

[生活原味] 大根!大根!大根!!!

唔覺唔覺就買好多大根補一補我嗰兩碌大根 XDD (♫ Mister蘿蔔蘿蔔) 冬季限定 べったら漬 話說,我好鍾意甘酒 而呢碌係べったら漬即係「大根の麹漬」 唔買係會後悔 加上寫埋係限定貨仔 無買應該會跳橋跳軌跳飛機 只係擔心呢碌嘢要放入雪櫃驚運送途中變壞 好彩,無事平平安安拎返屋企 開嚟食之後發現我嘅決定係絕對無錯 清新又甜甜哋嘅麹 醃落去條蘿蔔度變得外少少腍;裡面脆口依然 麹嘅甜 x 蘿蔔嘅甜襯起好食到暈低(扶一扶我唔該) 上沖産業 ほんもの手づくり 宮崎嘅手作仔蘿蔔 呢隻就鹹鹹地嘅 成條都係爽身都唔錯嘅 すっぱい宮崎発酵だいこん

[生活原味] 桜島産ひじき

有海嘅地方就有海帶呀昆布呀紫菜呀嗰啲海藻㗎啦 桜島嘅ひじき(鹿尾菜) 細細條細細條咁 天然日曬乾乾燥咁一包仔帶返屋企 浸唔浸都得勁易煮開 唔做前菜類可以放湯甚至掉落飯一齊煲 爽滑濃郁嘅海藻味 味道好營養價值又高 呵呵真係好~(拇指) -———————————————- 延伸閱讀:Happy Days!鹿児島宮崎! (10D9N)

[生活調味] わちどんがやさい村 - たうがらし

個顏色好靚,紅卜卜咁 聞起嚟個味都好攻鼻 仲有少少醃眼 不過食落唔辣嘅 本身唔點食得辣都覺得唔辣 日本嘢真係唔會好辣㗎呢 (但係個樣都好睇得!) -———————————————- 延伸閱讀:Happy Days!鹿児島宮崎! (10D9N)

[生活原味] 七輪手焼き 鶏の炭火焼

將宮崎嘅炭火烤地雞抽真空拎返屋企~ 咁就梗係冇即食咁好味㗎喇 不過炭火味都係有嘅 雞味依然濃郁,肉質雖然無咁韌啦 鹹味足,從酒一流!!! 都算係輕微地解吓「鄉愁」啦(咦?) -———————————————- 延伸閱讀:Happy Days!鹿児島宮崎! (10D9N)

[生活調味] 屋久島產 春ウコン入り 黒砂糖

既然冇得去屋久島 咁都買吓特產當去咗啦 XD 日本南面就會有嘅黒糖 呢隻係屋久島產嘅 再加埋都係嗰度產春ウコン(春薑黃) 好似會香啲咁 不過講真吖,食落其實係同沖縄嘅無咩大分別~(哈哈) -———————————————- 延伸閱讀:Happy Days!鹿児島宮崎! (10D9N)

[生活調味] 日生蜂園 蜂蜜玫瑰花釀

苗栗縣嘅蜂蜜,再配埋乾燥玫瑰嘅花釀 真係完全無辦法說服自己唔買囉! 玫瑰花浸响濃郁嘅油桐花蜜度 慢慢浸到成樽蜜糖都充滿玫瑰花香 唔止係香味,而食落都係好鬼花 味道濃郁又甜味,最重要都係: 好花,爆玫瑰嗰隻呀老細! 好好味呀~~~(撒花) -———————————————- 延伸閱讀:臺東瘋食遊(8D7N)