All Posts
孭B挑戰食拉麵です。
團日式拉麵 - 海老濃湯拉麵
期間限定再加開濃蝦湯喎 好難嗌呢個嘅～
極！香！蝦！味！
聞得出亦飲得到
蝦頭大大隻有蝦膏
剝咗殼嘅蝦身一大一細都新鮮彈牙
叉燒薄片肥瘦均勻又好腍
同埋燒過吓所以更香
standard無挑剔溏心蛋
嗌咗曲麵，彈牙同掛湯啲
加埋大塊紫菜同蔥絲
成碗麵完成度超高勁好味啊
所有嘢都食晒
如果唔係去到最後阿B完全唔受控制
係會連最後三啖湯都隊埋！！！
煎餃子
硬脆底，內餡夠熱肉碎都香同juicy
唔會太鹹都叫唔錯唔錯嘅～
（拉麵出色好多）
終於唔係隻隻深井燒鵝都係紅藍店！
深井光榮燒臘 - 叉鵝飯
光榮啲叉燒一路都大大舊好有水準
原來係一直係自家燒製
今次响嗰啲咁招牌嘅叉燒上
再加去深井啲人就會諗起嘅燒鵝
有啲肥唔會太肥 燒得啱啱好皮脆亦無燒燶
同隔離街嗰啲都係差唔多味
不過就食得心安理得好多～～～
搵你妳您去食芋泥！芋泥！！芋泥！！！
開餐～（興奮興奮）
滷水焢肉便當
好正常味道嘅台式嘢
雖然舊焢肉唔係大大件油脂滿滿咁
然而個味係okay嘅
配菜都係有誠意畀兩款
魯肉飯啲肉碎份量就少咗啲
都啱啱夠送飯啦
隻溏心鹵水蛋都好讚，就咁！
黃金蛋黃 芋泥紫薯吐司
好邪惡，所以好好食
芋泥同紫薯泥滑滑又香甜
加埋咸蛋黃更提香
鐵板煎多士夠焦香酥軟
完成度高… 正！
手作紫芋牛奶
作為一個芋泥控
呢杯嘢真係飲得非常滿足
芋泥 x 紫薯泥 x full milk
特登嚟買呢度嘅臘腸膶腸
咁都嚟到梗係要食埋個好聖誕嘅威靈頓牛啦！！！
等食前不停睇牆上啲畫，太靚喇實在～
叉燒炒蛋飯
小不點嘅，碟嘢嚟到「嘩～」咗聲
因為份量好多，啲料多到好似唔使錢咁
味道都冇求其幾好食！
一人威靈頓牛柳配蜜汁
喂呀！以呢個價錢食到佢真心抵！
加上火候啱啱好
中間層菇碎唔會水汪汪又出味
酥皮夠香肉夠腍又香肉味
配個蜜汁甜甜地幾fushion但唔奇怪
真心正，無得輸～！！！
又同小不點出沒搵食
今次間餐廳係幅牆好啱打卡
不過我哋兩條友都只係專注食物（哈）
華麗大蝦配黑毛豬滷肉乾拌麵
啲蝦s咁擺法又真係幾「華麗」嘅
蝦爽口，新鮮嘢唔錯唔錯
濃味肉燥拌麵，個樣唔華麗味道就幾好
（係細碗咗啲咁囉…）
炸排骨拉絲蛋餅
熱辣辣standard嘢standard味道
排骨外脆內juicy夠香酥鹹味
蛋餅餅皮夠酥，雖然蛋味唔突出
但又芝士鹹香搭夠
芝士唔算好拉絲味道唔錯就okay啦～
自家製雙色QQ地瓜球
哈哈哈啲地瓜球好唔「波」呀！
味道都香甜而且韌性足
食落比睇落好好多（笑）
黑糖酒釀拿鐵配懸浮棉花糖
唔去幅牆度打卡
但係就嗌杯真係超啱影相嘅嘢飲
暖笠笠咁隻貓貓真係好chill
飲開無糖啡，然而呢杯都唔算非常甜嘅
最甜係佢啫！
可愛嘅貓貓棉花糖（嘻嘻）
有燉湯又有點心
同小不點嚟個開心lunch先…
二人set有兩盅燉湯
熱辣辣上場！
花膠蟲草花栗子燉土雞湯
望個樣同聞個味都知道佢足料
飲落喉嚨潤潤咁，唔錯唔錯
黨參天麻川芎燉魚頭湯
補！味道香藥材味淡淡飄出（正）～
晶瑩蝦餃皇
點心set都有蝦餃，好開心
（蝦餃lover是也）
皮夠韌蝦夠爽味道都幾好
鮑菇蟲草棉花雞
小不點鍾意嘅棉花雞
冬菇換咗做鮑魚菇
個香味同味道就變得無咁濃
雞滑滑棉花魚肚都夠腍，okay啦！
蒸廬拼美點（9件）
嗰9件係燒賣皇x2、蝦餃、抹茶叉燒包、粉果、菜苗餃、馬拉糕、馬蹄糕同薑汁糕
有鹹有甜餡料份量多
甜點唔會好甜而且糕點夠晒煙韌，好食！
抹茶叉燒包 西包配叉燒餡又唔會多咗面頭浸「雪山」
抹茶味其實唔突出
同小不點食嘢有度好
就係雖然佢較鍾意中式嘢
不過佢唔會拒絕接受其他食物
Lunch Menu：懶人包 Signature Lazy breakfast set
燒烤腸 | 脆煙肉 | 薯餅 | 炒蛋 | 茄汁豆 | 粟米粒 | 雜菜沙律 | 厚多士
好基本盤但係樣樣都整得唔錯嘅set
同小不點行咗輪先搵到間嘢（唔熟路）
人哋差唔多落班不過仲畀入就食啦！
唔係噏耷上海餐廳
就連杯鐵觀音都hi-end啲咁
自選拼盤：雞絲粉皮 | 花雕醉雞 | 鎮江肴肉
要爽有爽要滑有滑酒香足
樣樣都係standard嘅味道
不等你小籠包
嗯… 係好食嘅小籠包嚟嘅
不過又講唔上係好令人驚艷咁啦
茶燻皇子鴿
好驚喜嘅味道！
茶香超～ 出～ 不論係聞落同食落
瘦瘦嘅鴿仔細細有茶香又帶肉香
好味喎呢隻嘢！！！
排骨擔擔麵
啲排骨好入味同腍身
用筷子一篤就骨肉分離嗰隻
簡直係抱B挑戰不可能任務
原本係諗住抱抱吓襯阿B瞓咗先嚟燒牛
點知一踏入間舖
個經理就大大聲咁234（唉！）
都叫唔切佢細聲啲就已經嚇醒咗阿B
咁唯有响阿B絕！對！清！醒！下食石燒啦～
午市限定 - 美國牛膈肌盛合
有午餐梗係叫午餐啦！
因為有齊牛雞豬啊！
美國極級黑安格斯牛膈肌
美國無激素走地雞
西班牙極豚肉
澳洲M8黑毛和牛
見set之後有得+$12追加
諗都唔諗要埋～
薄切頂級牛舌
因為嗌set無要到有牛舌
不過都係想食，嗌啦唔猶疑喇！
燒啊燒～～～
啲牛係okay嘅；豬都唔錯幾juicy
牛舌都standard嘅
係唯獨雞，個味又少少酸…
一路燒啲石頭會凍
抱住清醒阿B食late lunch
突然諗起响等Ann Mamma位嗰陣想試吓嘅燉湯店
（不過只係等執檯所以當時無轉場）
坐低先有杯茶飲吓
原本用粉筆字寫响黑板嘅是日menu湯無晒
問轉咗湯o唔okay，我無咩所謂有得飲有得（哈）
海底椰南北杏排骨湯
清潤嘢當然無問題
因為係燉湯唔係煲嘅湯
個味道清得嚟都幾出
飲落唔口渴應該無味精所以都畀幾啖阿B飲
（仲畀佢食少少湯渣瘦肉）
懶得諗就嗌lunch set
有湯有飯有餸點都夠飽
豉汁蒸倉魚
平日煮 & 食開住家飯嘅我都會嗌䱽魚
皆因呢間屋無買呢隻魚啊！
（其實連豆豉都無買）
條魚唔算細火喉就有少少overcooked但尚可接受
係完全可以食晒嘅程度
做人就係要不斷接受挑戰
抱得阿B掃葵廣，當然可以再試其他嘢！
麻辣風雲 - 水煮牛肉客飯（小辣）
抱住佢食熱辣辣紅噹噹有湯汁嘅嘢！！！
另外嘛，係挑戰吓一個唔點食辣嘅我去食辣
BBbaba問我食咩嘅時候我腥呢張相畀佢
佢第一時問「你食呢啲架咩」咁
不過都係覆佢「試吓嘛」
連小不點都問我「你以前唔食呢啲嘢，點解啲口味變晒」
其實都係見之前未試過就試吓啫
唔駛太緊張嘅 XDDD
不過話時話，兜嘢都幾豐富
牛肉係用牛肩肉，牛味香又夠腍
係嘅，連辣味都蓋唔晒啲牛味
一直唔太鍾意食辣除咗條脷會痛之外
（辣同甜酸苦嘅味覺唔同，係痛覺嚟㗎！）
就係辣味好霸道令到啲食材本身嘅味冇晒
呢兜係食到牛味都唔錯
跟住有爽脆蓮藕芽菜同爽滑嘅木耳
腍滑彈彈牙嘅菇
又有吸晒湯汁超辣嘅豆卜
仲有碗底滑滑薯粉
今日亦係抱B，挑戰嘅係葵廣掃街！
一口迷你漢堡 加配流心芝士蝦球連飲品set
上次响美孚去咗食甜嘢所以skip咗佢 呢鑊仲唔畀我食返？！
熱辣辣蝦球裡面有芝士，爆香～
少少地嘅份量就啱晒，畢竟仲要去掃街
南非甜酸醬
雖然個蝦球就咁食已經好好食
但係蘸埋呢個甜酸醬層次就更豐富
本身好似泰式越式蝦餅配甜酸醬已經好好味
呢隻醬就creamy啲，完全唔同啊！
迷你吉列炸蠔芝士漢堡
都幾實淨嘅甜包
裡面夾住新鮮生菜同番茄
有塊鹹香芝士
吉列炸蠔（好食！）配埋千島醬
話就話迷你一口包
不過都要食三幾啖先食得晒嘅
墊墊肚叫做okay嘅
繼續出發掃掃掃喇～～～
