All Posts

Gerber - Lil’ Crunchies Mild Cheddar

細個嗰陣都幾鍾意食紳士牌嘅芝士波 而佢隻芝士條我就麻麻嘅 Gerber - Lil’ Crunchies Mild Cheddar 呢隻聲稱8+ months就啱食嘅芝士條 鬆脆度唔輸比芝士波 唔會好似芝士條嘅忽硬忽鬆咁 個芝士味仲要都幾濃郁 基本上同紳士牌差唔多味 (極懷疑真係啱咁細個嘅小朋友食?) 最大分別係:佢!冇!咁!鹹! 同埋食完啲手指唔會勁橙色 唔錯唔錯,呵呵~

木村のあられ - リッキースモークチーズ

明明長期長時間戴住口罩應該食少咗零食㗎啦 又唔見自己有瘦到嘅? 木村のあられ - リッキースモークチーズ 超~ 脆~ 嘅熊本県産もち米 仲芝士撈埋濃郁完全欲罷不能 加埋新鮮杏仁簡直無可能停到口 個個戴住口罩無得同人開心些牙 但係就輕易地剷除一整包 好啦… 減肥之路永遠都係漫長嘅 無計啦(遠望)

Pow Cook 爆谷 - 冬陰功爆谷 & 麻辣芝士爆谷

鍾意食新鮮爆谷 而預先包裝嚟講臺灣嘅星球工坊都唔錯 冬陰功爆谷 | 麻辣芝士爆谷 不過香港貨都有正嘢呀 @Pow Cook 爆谷 樣衰衰嘅畫作幾搞笑 裡面啲嘢都唔係求求其 兩隻味都係好濃郁嘅味道 (照字面寫住嘅咩就完全係呢個味) 細包就細包啲,費事食過量啊! 因為真係會停唔到口㗎

[食道鉄道北海道] Day1:Kinotoya - 極上牛乳ソフト & 焼きたてチーズタルトブルーベリー

買完pass劃好位 襯响空港仲有時間剩就食啲小食 長期有人排所以我又排吓嘅Kinotoya 先要快快口食又厚又濃仲幾快溶嘅極上牛乳ソフト 再啪嗰空港限定嘅焼きたてチーズタルトブルーベリー 含藍莓醬嘅cheese tart tart樣靚過香港Bake嗰個 味道兩者都係芝味濃郁 牛油皮,呢個因為新鮮啲就再香啲 加埋呢件有藍莓醬,咁就冇原味咁膩 唔錯唔錯~ ----------------------------------------------- 延伸閱讀:食道鉄道北海道(8D7N) Day1:新千歳空港 → 帯広 Day2:帯広 → 釧路 Day3:釧路 → 塘路 → 網走

[神奈川衝撞旅] Day2:SEVEN & i クリームチーズ マカロンアイスLOTTE ロッテ 雪見だいふく 涼み抹茶

返到酒店又係雪糕時間 SEVEN & i PREMIUM CREAM CHEESE MACARON ICE クリームチーズ マカロンアイス 有少少芝士味嘅,不過個macaron太太太甜喇 LOTTE ロッテ 雪見だいふく 涼み抹茶 好彩仲有呢隻內含啫喱嘅綠茶雪糕大福清返吓喉嚨啦 ----------------------------------------------- 延伸閱讀:神奈川衝撞旅(3D3N) Day1:三浦半島 → 川崎 Day2:川崎 → 横浜

[食の四国ツアー] Day1:井村屋 やわもちアイス kiri クリームチーズ

因為晚餐飽得滯 所以個甜品宵夜要夜啲先响便利店先食 井村屋 やわもちアイス kiri クリームチーズ 係好喜歡井村屋嘅やわもち系列 仲見到係kiri芝士,買嚟食啦唔使諗 呢隻拎GOOD DESIGN獎嘅雪糕 因為個もち雪咁耐都仲夠煙韌 雪糕奶味濃郁又軟滑 起沙紅豆蓉唔會過份甜 e?同之前有咩分別呀咁? 當然係中間面頭黃黃地pat芝士cream啦 淡淡甜甜加微微鹹嘅cream cheese味 唔突兀又帶少少香令成兜雪糕嘅層次更豐富 又估唔到芝士 x 紅豆 x 湯丸 x 牛奶雪糕都幾夾㗎喎

味源 とろけるチーズおかき

平時食cheese ball無論啲芝士會有幾美味 都會因為個base係粟米做所以頗黐牙 嗱~ 呢包就完美地解決問題 100%もち米製,脆卜卜輕飄飄又硬身 喪啪都唔會黐牙黏黏吓 芝士味又夠濃郁,好好味 超級讚!

선데이치즈볼 Sunday Cheezzzball

對於隻Ryan係零熱愛 買呢兩包完全係因為裡面啲嘢 兩隻都係芝士波 分別在於藍色係原味紅色係辣味 藍色嘅入口就已經覺得好甜 食多陣先有鹹味 食好多之後終於有芝士味 紅色嗰隻入口先係甜味 隨之以嚟係有辣味 個辣味唔係辣到嗌呀媽嗰種 不過就冚晒咩鹹味咁 芝士味… 完全食唔出嘅 唔計芝士味嘅話 紅色係好食過藍色 至少紅色送酒會唔錯 要計埋初心芝士味 咁就兩包都NG喇~

oho! Nacho Cheese Balls

芝士波同墨西哥粟米片都係鍾意食嘅嘢… 咁何不「瀨尿牛丸」吓呢? 有芝士味有粟米味又有香料味 又係嗰啲唔覺唔覺就塞塞塞入口咁 味道濃郁層次俾齋芝士版豐富啲 都係啦!有少少漿口 不過之後會飲嘢過一過水就OK 吹吓海風睇吓景先~

LOTTE Pepero 빼빼로 Nude Cheese 누드치즈

呢隻唔好食,Don’t BUY! 唔香脆嘅焗餅乾條 裡面有完全唔出味嘅芝士餡 食完都唔知食咗啲咩落肚 係絕對嘥肚容量quota、時間同錢嘅行徑,就咁!

Nestle KitKat Strawberry Tiramisu

呢隻韓版KitKat有同Etude House crossover眼影 對嗰盒platter冇興趣 咪睇吓同期出嘅堅KitKat囉… 一打開包裝就聞到strawberry jam同甜芝士味 陣陣爆甜嘅味道聞得出都食得到 個士多啤梨果jam味好出 跟住係芝士飄飄吓咁 當然唔少得KitKat中間層威化 嗱!我係好強調係strawberry jam而唔係純士多啤梨味 因為真係好很好很好很甜 雖知道食KitKat就預咗甜㗎啦 但係真係甜到嘔嘛食半條都夠患糖尿嗰種 不過甜還甜,隻士多啤梨味唔假唔化學 算係咁啦好過隻芝士味話散就散不帶走一片雲彩… 可惜真係甜到伏喇,冇可能再回購(揮手)

おやつカンパニー × パブロ - Cream in Snack

零食牌子おやつカンパニー同Cheese tart店PABLO嘅“賴尿牛丸” 當然係PABLO嘅芝士撻味 外面係好似早餐粒粒咁包住裡面cream餡咁 聞起嚟係有芝士味嘅 第一啖擺入口都有少少呢種味 不過咬多啖就已經得返甜味 同一路落去好甜嘅味 就係唔好味囉! 就算有幾鍾意PABLO都千!祈!唔好買! 伏到癲!!!(妖)