All Posts
細個响學校小食部都會間唔時買吓呢個牌子嘅薯圈
綠色包裝煙肉味嘅！
Jack n’ Jill Roller Coaster Potato Rings Cheddar Cheese Flavor
喔！菲律賓版有芝士味
見到架過山車著晒火咁以為係辣芝士
no la只係普通cheddar cheese味
幼薄圈圈硬脆度十足
薯仔味香氣尚在
同細時食嘅味同質地幾乎一樣
唔通在係有都幾香同幾足嘅芝士味
夠晒香但又唔會爆鹹洗腎
啊啊啊！好味喎呢包～
嗯… Jack n’ Jill綠色嗰隻都仲有得賣嘅 Made in Thailand嘅
新一年就以懶靚嘅pride potato犒賞吓自己！
湖池屋 プライドポテト 燻燻チーズ
係日本靚薯仔
再用老舖湖池屋料理手法
燻製cheese同燻製黑椒嘅組合味道
嗯… 芝士味一般般突出啫
不過薯仔味都幾香就真
okay啦，係唔會再買嘅貨色囉～
然而包嘢55g係咩概念
就係打開薯片包裝見到裡面有四分三都係空氣（哈！）
嘩嘩嘩！好耐都無食過令我好驚喜嘅芝士零食喇！！！
Tohato ドラえもん ぷくポテ チーズ味
對叮噹無太大喜愛
不過見到平平地買埋盒嚟try try
（套《宇宙小戦争》落咗畫十世啦！）
點知，佢係勁！好！食！
超薄脆嘅「空氣」，係真係空氣
裡面係空心嘅，所以個超脆薄餅皮顯得更脆
然後仲不失芝士味真係好好食啊啊啊啊啊（握拳）
一定一定一定會回購！！！
跟盒有張貼紙仔，呢張唔錯～
而家响超市見到粟一燒呢
係完全零興去買！
湖池屋 とろけるクアトロチーズ
哈哈！佢同粟一燒個樣都係冇分別
加上都係以粟米為主
咁其實都係嗰樣嘢
唔知有咩咁「新食感」㗎其實
硬脆硬脆又有啲鬆咁樣
不過呢個濃郁芝士味嘛
講真如果唔係咩特別crossover limited edition版
calbee係絕！對！唔會做到咁香真芝士粉味
呢隻有四種cheese
（Gouda, Camembert, Mozzarella & Cheddar）
望個成份表仲係真cheese powder
唔係合成幾隻冧巴嘅化學調味粉
話時話，包嘢都幾好食
仲好飽肚㖭…（哈）
粒粒酥皮批呢家嘢真係好難抗拒嘅…
ロッテ パイの実 ＜チーズケーキ＞ Kiri® クリームチーズを使用
比之前食過嘅藍莓cheesecake味再純啲嘅芝士味
就係嗰隻kiri嘅cream cheese味
哎吔吔！甜甜地咁又唔講唔覺食晒㖭…
-———————————————-
延伸閱讀：kiri！kiri！！kiri！！！
井村屋 やわもちアイス kiri クリームチーズ
ロッテ kiri 濃厚クリームチーズアイス
SEVEN & i クリームチーズ マカロンアイス
等食包期間先飲返杯嘢濕吓喉嚨
茶芝味 - 芝士現泡茶 四季春綠茶（走甜）
隻芝士唔會好重奶粉味都幾好
雖然係咁依然好creamy
茶呢就係茶包沖泡嘅
可能係凍飲所以味道唔係好濃茶香只得少少
都okay嘅茶同芝士冇咩衝突感囉
飲完芝士都唔會飽肚
掃街喇掃街喇～
又係間唔時就想買嚟食嘅粟米筒（哈）
House（ハウス）んがりコーン コク濃チーズ味
今次係話濃郁芝士味
（分別係48% cheddar同一樣48%嘅Gouda）
又真係幾鹹香喎！
芝士同粟米又係幾時都咁夾嘅組合 係呢隻零食一人自隊嗰陣去到大半就飽飽地
留返下次食又唔夠
食埋佢又會太飽
吖！點算好？
食完車輪餅想飲啲嘢濕吓口
點知杯嘢飲仲甜過件甜品，哈！
E.Tea 茶星人 - 黃芝金菠蘿（升級）
嗱！已經係黃芝，即係鹹蛋黃芝士奶蓋
係嘅，孭住阿B周街飲嘢係有啲狼狽
所以支筒係一嘢隊盡落杯底
變成只係飲緊個金菠蘿沙冰先
升級版係多啲菠蘿果肉
咁又真係每啖都索到唔少菠蘿肉
飲唔慣甜嘢就當然覺得甜
仲要杯嘢鬼死咁大杯
而夠晒凍就係最好彩畢竟同阿B身貼身好Q熱
啊！飲到最後終於去到個芝士奶蓋
鹹鹹地又幾香喎中和番唔少甜味
杯嘢都算係咁
但係行走糖水呢家嘢
平日都係少飲為妙
無計啦，而家仲係我食乜阿B就食乜
加上攝取糖分太多對皮膚唔好嘛…
冇咩嘅，芝士同粟米不嬲都係friend嚟㗎啦～
Pringles Nacho Cheese Tortilla Chips
Nacho cheese同粟米片嘅組合
滿滿墨西哥風情話
比一般Pringles薯片再硬身啲
都幾飽肚吓，唔可以一次過剷晒～
鬆脆芝士零食幾時都咁吸引…
Pianta 軽いさくさく チーズ 濃厚チーズ味
貌似桃哈多但係鹹嘢嚟
（即係meiji 卡路叔叔咁樣啦哈哈）
脆口輕飄飄食陣風咁 而個芝士味又算幾濃都幾好食喎
又唔講唔覺隊晒成包㖭，哎吔！
之前食過同系列嘅cheese stick覺得好好味
晌便利店又見到佢嘅蹤影無理由唔試吓嘅…
森永製菓 濃厚チーズケーキ仕立て チーズスティック
上次係三種cheese味
呢隻就係cheese cake味
繼續係雪凍咗都仲脆嘅餅底 薄薄一浸嘅脆皮芝士白朱古力
裡面係雪凍咗（廢話！）嘅cream cheese雪糕
cheesecake個味就算咁凍都依然濃郁
比一般普通cheesecake過癮
幾好味呢，呵呵！
睇佢波浪形咁嘅樣
會唔會似點心麵咁嘅質地呢？
FritoLay リッチギザ 濃厚チーズ味
唔係啊！唔係麵嚟㗎！ 佢係粟米base嘅
即係FritoLay老是常出現嘅Doritos咁嘅味
而比Doritos更硬；一樣都係咁脆
厚厚粟米片裡面都充分調味
除咗粟米味就係濃郁嘅芝士味
因為係由Cheddar, Gouda, Emmental同Camembert四種芝士撈埋
所以爆香芝士風味嘅零食
唔講唔覺又成杯食晒㖭…
