All Posts
响呢個世代仲會走去買一個環保袋好似有啲奇怪…
Nanobag 5.0 - Ultralight Bags (Swirls)
不過真係無計啊！
呢個袋堅係值得乖乖課金
摺起嚟只係7x5x3mm 細細個
而且唔使好似其他袋咁好好地摺好四四方方
係就咁求其塞入去就搞掂超方便
個袋拎出嚟可以裝到19L
30kg都裝到，但係袋嘅本身只有22g超輕
0.05mm尼龍以Ripstop(防破裂)做所以任裝擺唔嬲
打開個袋成33x38cm 上到膊嘅手抽位就有34cm
swirls花紋實物比上網睇圖靚
本身好想買3.0嘅moon樣式
可惜遲咗就係遲咗
搵勻全世界都搵唔翻喇（哭哭）
示範吓先：一個細個阿B腳仔嘅收納袋
打開嚟裝住佢走都仲綽綽有餘
孭帶位有雙重布料，拎得更輕鬆（呵呵～
跑步都係搵番個專用bra好啲
COTTON:ON - Strappy Sports Crop 其實我呢種求其跑又真係冇需要買好貴嗰啲
加上消委會話呢款同貴幾倍嗰種評分都一樣係4.5/5
為求試吓係咪跑步夠保護
特登响凌晨四點半唔使孭埋阿B嘅情況下跑
個bra包得幾好又唔會令心口chok chok得好勁
返到屋企剝衫都無移位，唔錯喎！
不過最後返到去沖好晒涼後
阿B都係因為我唔响身邊喊醒咗
搞到五點幾成村人醒晒㖭… sor囉～
但係試完下次着住孭B跑都okay啦
啊！原來凌晨四點幾五點條街都幾多人跑步
好彩我唔係好癲嗰個
然而呢啲時間都係瞓覺爽啲（哈）
衣櫃裡面係無瑜伽褲同leggings
因為根本唔會着…
但係新一年，買咗孖閃電褲畀自己 XDDD
個包裝泡泡袋又幾靚喎衰鬼
KXL Taiwan 經典款閃電褲
新入手就是經典嘢就最啱
防偽標籤，證明自己冇買錯大陸仿冒嘅上海珂宣尼keexuennl
（雖然呢條褲都係大陸造嘅）
開袋後已聞到佢隻「植物香氛精萃」個味
滑滑嘅彈性褲一條
free size嘅
體重45-85kg（e？我有時唔夠㗎喎…）
身高150-175cm都適合着
無縫編織，延展性好好
有分區壓力，長時間著住都好舒服
咁有彈性當然係膠褲一條
90% Nylon同10% LYCRA®
着落涼涼地唔箍亦唔會因為我腳短而鬆垮垮
而褲嘅裡面含咩美膚膠囊助劑
响円形劇場考慮咗一輪先買佢
コスパ - 目玉おやじ フルカラーパスケース
其實都想揀綾波レイ
不過最後都係因為爸爸個主色係黑色嘛
兩款都拎起500次掙扎咗好很耐
雖然只有小朋友先要做選擇
畢竟pass case呢家嘢真係一個就夠（節儉係美德）
永遠都係妹仔大過主人婆
個pass係有個窿冇條繩
好在之前有條用嚟繞响部相機嘅Bottega Veneta仲响度
繼續延長條繩嘅生命，唔錯唔錯
乾燥嘅天氣加上長期唔夠瞓成個身都好靜電（痛）
FLOWERING - 静電気ブレスレット
made in Japan好品質
有咗佢就希望可以減低靜電啦
都OK嘅應該，啲貓貓拎嚟扎頭髮都可靚呀～
好掛住送呢條嘢畀我嗰位同事啊！
你快啲返嚟啦… TT
不過話時話daiso呢條100円嘅都係MIJ
用咗三四年都只係對橡筋鬆咗啲咋
但係用落都仲好OK，留返响屋企用囉…
嘿嘿嘿，上機嘅防曬係做得非常足！
SPF 50+防曬霜
綿口罩、太陽眼鏡再加防曬物料嘅帽
仲將頂帽戴落半個頭問你死未？！
今次呢頂唔係上幾個月入手嘅ニーズ帽子
而係新買嘅同牌子嘅遮熱クールキャスケット ブラック（撒花）
包包頭款好睇好多～
訂咗然後向便利店 (@台灣)收貨好方便
同樣係布料係UVカット率99％ 紫外線保護係数 UPF50＋
SHADAN布料一嘢就摺得埋塞入袋完全冇問題
coolmax技術，有-4.8℃遮熱功能
太完美喇！
黑色 x 紅渣古…
有今朝唔早五分鐘落樓衝去買嘅理由咩？
係呀！又係雜誌附錄品
錶底刻有紅渣古頭
好彩隻錶都係正常行冇三倍速嘅
不過隻錶係男裝嘥屎
戴到最入嘅圈都到半隻前臂（汗）
揈揈吓咁要諗諗辦法解決…
理L係咪紅太陽照邊疆吖
總之防曬呢家嘢就係做到一滴不漏！
之前買過呢個牌子嘅嘢
着咗幾年都依然完好
（絕對唔會買錯）
除咗覆蓋率高連帽又包埋手背
質地本身都係防UV物料
咪以為黑色一件過會又焗好熱咁
個身位帽位係有窿窿會透氣
再加上布料係有涼感加工又點會熱呢
布料薄剪裁俐落夠貼身
咪就係會顯瘦囉呵呵
而且輕巧夠薄塞入袋都好方便
最重要係MIT品質
着得安心真係好緊要
-———————————————-
延伸閱讀：
[brassiere] e·heart sexy v-line beauty bra
作為一枚資深嘅「保養おたく」
我係非常之注重防曬呢part！
覆蓋率超～高～嘅黑帽！！！
後面一大塊長布遮埋頸背同側面
前面仲係15cm點都曬唔到落面
隻布料係UVカット率99％ 紫外線保護係数 UPF50＋
完全做到遮擋防三重保護
以為黑色又全遮會焗住頭生熱痱？
NO！布料係SHADAN出品
coolmax技術，有-3℃遮熱功能
（買咗先知日本仲有隻-8℃囉…）
唔好睇佢咁大頂咁
布料極薄仲可以摺得埋
塞入袋都OK唔會掗拃
掉得入洗衣機洗唔驚污糟
吖～個包裝盒嘅model戴得好優雅
我戴就成個村姑 x 行山亞嬋咁（淚目）
本身想買包包頭型嗰頂
但係唔見有得賣唯有買呢個頂住先啦哈哈哈～
冇咩嘅… 分享吓去韓國daiso入手嘅好物啫～
3M Nexcare 순면마스크(블랙)
（黑色純棉口罩啊啊啊）
3M嘅出品一般都有品質保證
100%純棉，罩位好薄兩層都唔覺厚
舒服貼面吸汗又透氣
條繩唔會好箍，戴足一日都OK
最緊要係佢唔係MIC而係made in Korea
咁貼身嘅嘢真係安全先最重要
₩2000，日日用完拎去洗重複使用好鬼抵！
係可惜在只見韓國daiso有售
唯有飛多幾轉資金外流咁啦～
佢係一把非常之好嘅長遮！！！
セブンプレミアム ライフスタイル
SEVEN&i Premium Lifestyle出品
日本七仔好物，美妙嘅黑色唔似港版紅綠橙白7到爆
修長嘅身形，手柄粒制遮骨遮身遮布都係滿滿設計咁
唔只係得個樣㗎，遮風擋雨樣樣都做到
所以佢有拎咗Good Design Award 2016 BEST 100
然而風雨不改陪咗兩年嘅佢（正確嚟講係一對）捐軀了
硬硬淨嘅佢唔係爛咗，係要嚟擋更加重要嘅嘢！！！
至少要擋到幾多得幾多，加油啊你哋～
你哋唔係best 100，係我嘅THE BEST！（敬禮）
