All Posts
雖然唔係住响九龍城
不過因為土瓜灣十三街呢邊太有特色
就嚟試吓將佢嘅景致放入個小小燈箱度
呢個係九龍城主題步行徑嘅其中一個活動啊！
好！工具準備好晒就開始喇~
首先係將構圖畫落五張薄咭紙度
一啲都唔易，因為十三街有好多嘢都好突出
條街啦景啦建築物啦
仲要諗吓係咪畫到同cut到喎…
即係咁，畫好就cut出嚟呀挑通呀咁
彎位考手力位置準確唔好整斷等等啦
然後就黐好啲牛油紙上框
跟住鋸好齊輯輯嘅竹籤黐去做腳
同埋做埋上下兩邊
黐好晒四邊
立起嚟就係咁
同埋咁
職員會幫手用熱熔膠黐好盞燈响底
搞掂咗黐埋個頂就完成㗎喇（yeah~）
成品梗係要用黑底先睇得清楚
先嚟「十三街轉角位」
cut死我嘅「煤氣鼓」
（起個稿太求其之後怕整錯位會爛好彩最後冇事）
構圖後覺得唔太靚嘅「街景連車房」
well，啲車唔講應該唔會睇得出
話說荷蘭日响香港已經搞到第四屆…
有唔同工作坊俾人參加吓
例如木屐鎖匙扣工作坊
係俾小朋友玩有顏色嗰啲啦
所以就試吓平日同我完全冇交集嘅…
♪ 插起那荷蘭花吖呀～～～
材料就有呢啲
個根球超似紅蔥頭囉呵呵
然後經導師教路
張啲草皮包住個花成球
（導師讚我舊嘢包得好圓呀！）
再綁起佢就完成㗎喇
呢盆係Blue Pearl
風信子，都係荷蘭花啦
响荷蘭運過嚟㗎
雖然講開荷蘭花會先諗起tulip
但係而家已經唔係佢嘅花期
因此用都係荷蘭包包花風信子
鬱金香嘅話就大大朵好靚不過唔會好香
而風信子細就細朵啲，但係個花味就勁香
同場仲有教整荷蘭小鬆餅Poffertjes
牛奶都係用返Dutch Lady㗎 XD
食飽飽走去燒珠
係「珠」呀！唔係「豬」呀！
嗱～ 呢粒係我親手燒嘅（yeah～）
（唔完美但都係我生整嘅點都會覺得好我鍾意就得啦！）
呢度本身係有得賣衫呀袋呀飾物等等排灣族手藝品
而我整嘅珠呢，可以响呢邊直接買
同埋睇示範咁啦
不過特登嚟自己試玩，就要走去工場嗰邊喇
我呢種毫無耐性嘅手殘類
當然會揀D簡單又切合自己嘅嚟玩
燒燒點點好快就攪掂
所以就走去3B度影個「燒珠making of」… …
右上顏色粗條就係玻璃珠主體
右下幼條都係玻璃，用嚟點點造型
中間係溶玻璃，好高溫嘅火
圖中已經係點兩隻色加條尾喇
條尾呢，係要嚟拉花
（3B加老師四隻手全用）
我嗰粒(左邊)無拉花呀，等緊攤凍
凍咗就穿繩揀珠仔裝飾吓就OK
攪掂喇！我粒珠係酒神之珠
個寓意真係好啱我（笑）
無錢扮奢華，哈哈哈
hermès網之前限定版的紙bracelet
串流下載後打印出來
剪剪貼貼就完成
（中間的圈圈是可動的喔！）
同堅版一樣size
整十個八個可以襯衫也不錯
不過當然要小心使用啦
畢竟這是紙是紙是紙…
天氣有冷了嗎？
頸背不要冷親啊
頭髮短短的，戴頸巾就可以
這種只需要織全低針
啥技巧都不用
用了兩舊冷的效果
不會非常短，太長也不好看
冷的本身顏色都已經是每條漸變
簡單織出來已是這個效果
最重要還是在一天之內懶懶地織也能完成
（其實快的話一兩個小時都搞掂）
暖暖的，不錯吧～
