All Posts

KOKUBO BotLLet ボトレット携帯用おしり洗浄具

啦啦啦硬係有人要搶呢樣搶嗰樣 一啲都唔優雅囉…(攤手) 連廁紙都話要搶真係黐Q線 要抹屁屁之嘛用水槍咪得囉 加個水樽就用得㗎喇 家居旅行用都好方便喔! 用嚟懷念日本個廁板都好吖 最緊要係:响100円店買㗎係咪好抵呢? between,根本冇缺貨就嚟做死班搬運工 搶乜L嘢呀盲毛?!

兌換星期五

今個周年誌慶撞正星期五 咁就冇出街食飯慶祝(其實從來冇慶祝過…) 星期五罷買!唔出街食嘢!!就係唔消費!!! (星期日都係!!) 唯有兌吓戶口裡面啲錢 然後撳吓撳吓每個禮拜撳啲咁啦 HIMHIM啊,生日快樂啊 响呢間公司做咗9年喇叉雞飯 今年繼續聽欅坂46 除咗《不協和音》、《サイレントマジョリティー》仲有《黒い羊》 歌詞寫得好好唱就一般啦舞跳得好睇搭夠晒 撳得外幣,諗吓去邊樹資金外流先~

Diptyque Fragrance Pop-up

响周圍充斥住濃郁味道嘅夏天 去「體驗」吓啲香味先! 啲霓虹光管顯得同個牌子唔太夾咁嘅… 先去創意前廳 呢度係三位founders嘅靈感泉源 首先係嚟自越南嘅打開窗門嘅清新花香 然後係撳制會開門嘅升降機 裡面係以剃鬚膏做靈感嘅香水 行李裡面有住希臘無花果樹影像 香水係帶有前調草香跟著撲鼻係新鮮無花果味 極級fresh又夏天嘅味道 下一個房係創作總監嘅辦公室 牆身嘅畫作,佢哋啲香水樽都係畫晒兩面畫 而每個味道嘅貼紙都係唔同嘅 試聞吓隻“剃鬚膏”味演變嘅過程 插畫室 成地都係畫 有本身三位已故founders嘅畫作 呢張係明信片複製品 係其中一個創意總監嘅朋友寄俾佢 之後就叫埋個fd去創作呢幅之後嘅樽身貼紙 一樽二樽,原材料實驗室 聞吓啲香水嘅原材料味咁啦 睇完,有得任揀post card仲包郵呢

十三街燈神 - 燈箱製作

雖然唔係住响九龍城 不過因為土瓜灣十三街呢邊太有特色 就嚟試吓將佢嘅景致放入個小小燈箱度 呢個係九龍城主題步行徑嘅其中一個活動啊! 好!工具準備好晒就開始喇~ 首先係將構圖畫落五張薄咭紙度 一啲都唔易,因為十三街有好多嘢都好突出 條街啦景啦建築物啦 仲要諗吓係咪畫到同cut到喎… 即係咁,畫好就cut出嚟呀挑通呀咁 彎位考手力位置準確唔好整斷等等啦 然後就黐好啲牛油紙上框 跟住鋸好齊輯輯嘅竹籤黐去做腳 同埋做埋上下兩邊 黐好晒四邊 立起嚟就係咁 同埋咁 職員會幫手用熱熔膠黐好盞燈响底 搞掂咗黐埋個頂就完成㗎喇(yeah~) 成品梗係要用黑底先睇得清楚 先嚟「十三街轉角位」 cut死我嘅「煤氣鼓」 (起個稿太求其之後怕整錯位會爛好彩最後冇事) 構圖後覺得唔太靚嘅「街景連車房」 well,啲車唔講應該唔會睇得出

#ddHK 設計#香港地 - #ddSnap #dd城市搜影

個trip嘅副標題係:以鏡頭搜尋灣仔魅力影像 「設計#香港地」係一個為期三年嘅program(2018-2020年) 係一個創意 x 設計嘅地區旅遊計劃 上年主題係「連城 : 給香港的情書」 今年就係「Pop ! 靈感在轉角」 呢次影相tour係由Jeremy lead住 (佢係「2017年國家地理會德豐青年攝影大賽」嘅得獎攝影師喔) 由菲林明道花園出發 即係中環中心下面 而家擺咗啲 #遊多dd 同 #坐多dd 嘅凳同裝置任坐任玩 咁樣睇好似散嗖嗖咁 如果俯瞰呢,就會隱約見到 #ddHK 嘅字樣

換機呀...

原先部電話仲差少少先到一歲生日快樂 點知佢敵唔過白堊紀嘅岩石(淚) 冇計啦冇得唔買過部 上年年尾先換電腦 告別用咗十年八年仲有cd rom嘅mac book pro 好喇!最重要嘅換晒喇… 你哋要長命啲呀呀呀! 留返俾我買美容機同機票啦please~~~

3M文具禮品包

話說我係個認真工作嘅人 而睇報紙雜誌網站係工作之一 有日搜索式睇雜誌嗰陣 見到本嘢最後一頁有個細細忽寫住 「思高®牌膠紙周圍轆送大禮」喎 又咁啱响知道呢樣嘢之前兩個星期已經影過 睇個資訊欄話差唔多截止 咪試send吓得唔得反正冇損失… 喔!收到得獎mail 拎到呢份文具禮品包 唔係啲咩貴價嘢只係覺得都幾幸運咁啫…

節約派簡易下午茶甜品 - 透明麵包布甸

呢個食譜係for啲同我一樣窮到出骨髓嘅社畜們嘅(共勉之) 方包 適量(切粒粒備用) 牛油 適量(都係切粒粒啦) 牛奶 適量(冇得切粒喇呢樣) 雞蛋 適量(連蛋殼可加強吸收鈣質) 糖 適量(唔想食甜嘅就落鹽啦) *今次我手頭上全部有0克0塊0毫升,啱啱好! 全部倒晒落個耐熱杯攪勻 放入微波爐叮到OK為止 食得!趁熱食! 認真返工中嘅苦中一點甜啊…(淚)

欅坂46 - 不協和音

話說今日又到呢個blog嘅週年誌慶 依然係冇抽獎冇嘢送冇嘢睇亦都冇人睇 有時懶得寫就由得佢哈哈… 不過冇咩所謂,已經係足夠自high咪OK囉 其實由半年前就已經係想將呢度轉型 好可惜懶癌發作唔好話將啲文搬屋 就連字都變成唔想打 搵一日冇咁懶嘅話(?) 可能就會有新嘅嘢出現 網址唔改,所以應該冇咩會變 自己期待吓自己會有真係改嘅一日啦 (因為冇人會有呢個期待) 而同一日,係我繼續响呢間混帳公司做嘅第八年 同初初入職嗰陣嘅好上司唔同 如果要講調咗部門嘅情況下 貼切地形容同上司嘅關係就只有呢首歌… 嗱,本身首歌嘅旋律幾好聽 啲妹妹跳得好型兼好睇 最最最重要都係啲歌詞啦 ↑↑↑ 懶得搵翻譯,有台版字幕

Starbucks Mooncake Gift Set

係嘅,又係收好多果籃同月餅嘅時節 今年一如以往又有林林總總味道嘅月餅同生果食呀食 而呢個Starbucks嘅禮盒有埋個月亮燈籠玩 一嘢就做咗門口個燈罩… 因為就咁擺老老實實咁做燈籠其實唔靚囉 已經開咗燈但係一啲氣氛都冇呀 唔… 冇咩我返入屋繼續剷月餅先喇(嗝)

樂施會 - 謎玩社區遊戲創作室簡介會

作為唔識正確地運用腦袋嘅我 係冇玩過咩密室解謎嗰啲game 何況係設計一個遊戲 不禁懷疑自己其實參加緊啲乜(笑喊) 但係玩完個相對簡單 而又能夠take message嘅game 再聽埋個後續講解嘅實境遊戲 同呢個創作室計劃簡介 又好似唔係想像中咁難咋喎 (呢個女人係非常容易落搭嘅) 呢種社區遊戲創作 based on樂施會講嘅社區議題 配合boardgame x 密室逃脫 x 野外定向玩法 務求有得玩之餘學到嘢睇到嘢 要堅去參加成個創造歷程 就要上多幾次堂 同埋飛去臺灣實地試玩幾日! 個價好抵又唔駛請好多假 (平日嘅話,成個計劃只需請一日假咁少)

咁啱兜過一個書法學會嘅展覽…

自細唔鍾意寫毛筆字 因為覺得啲墨搞到周圍好污糟 收拾起嚟非常麻煩 但係,由最黑嘅液體 造成令人有安心平靜嘅字 就咁睇,都係件賞心樂事吖~