All Posts
面對當下嘅事，除咗每日會磅重同探熱（咪L再同我講量體溫呀頂你）
仲真係要同朕check吓個血壓
Terraillon Tensio
因為血壓係可以反映到唔同身體嘅狀況
呢部機仔細細就算袋落袋都好方便
字面夠大操作都好簡單
仲有memories可以睇返自己嘅變化
好在心臟仲夠強大，頂得住
堅持住咬緊牙關繼續去鬥長命啊（共勉）
諗住買嚟看門口
點真係要有開嚟用嘅一日
大正製薬 Counterpain
係啦日本嘢不過一定係去泰國買嘅 XDDD
搽落暖暖地唔算好大老人用膏藥味咁都OK嘅
for肌肉酸痛係可以
不過今鑊係扭親膝頭哥
好似只係舒緩咗少少未有真正治療效果
唔緊要，我仲有勁啲嘅嘢
再唔得就要睇醫生
病向淺中醫，快手解決唔拖症～
做人嘅嘢，遇到仆街就真係少不免
但係就算唔係仆街，撞到周身瘀傷都好正常啊！
Bumpy Road Salve
呢個時候就要用mama級同事們嘅好康
畀佢個仔用都好有效快速消瘀嘅「仆街膏」
佢冇難聞嘅膏藥味
細細罌放响袋都好方便
唔似喜療妥嘅鐵皮牙膏裝會一打開就唧到周圍係
最緊要都係有效
搽兩搽，瘀傷就消得好快
真心好用，多謝同事們嘅推介呢～（心）
乾燥嘅天氣加上長期唔夠瞓成個身都好靜電（痛）
FLOWERING - 静電気ブレスレット
made in Japan好品質
有咗佢就希望可以減低靜電啦
都OK嘅應該，啲貓貓拎嚟扎頭髮都可靚呀～
好掛住送呢條嘢畀我嗰位同事啊！
你快啲返嚟啦… TT
不過話時話daiso呢條100円嘅都係MIJ
用咗三四年都只係對橡筋鬆咗啲咋
但係用落都仲好OK，留返响屋企用囉…
畀人打爆粒痱滋好痛㗎嘛陰公
（恥笑mode）
Nida Triamcinolone Oral Ulcer Trinolone Dental Paste
粒嘢起嘅時候用佢咪得囉！
gel狀唧晌Q-tip度直接搽落個傷口
唔係好勁就一晚KO
好大粒嘅咪用夠佢兩三日囉
不過係嘅，雖然佢細細一枝帶出街好方便
但係鐵管牙膏裝袋晌袋拎去執勤
有機會因擠壓令到扭開蓋會唧勁多出嚟有啲麻煩
都係物理性畀人打爆佢算啦哈哈哈～
記住！記住！記住！
洗手！洗手！洗手！
話說上年啲人斷章取義咁話用公廁洗手液致毀容後
（其實無研究報告證實過兩樣嘢有關係但當然媒體係無澄清返）
返工嗰陣已經係自備洗手液
只不過平時係用著重洗完手唔會乾嚡嚡嘅
而家嘛… 消毒殺菌先係最重要一環！
怕大陸做唔會用滴露
就買呢隻泰版3M
味道… 都幾「泰國」（明嘅就明）
洗完手又唔算好嚡都唔錯
嗱，洗手呢家嘢起泡捽20秒係基本
裡裡外外指尖指罅唔可以漏
徹底過水好好地抹乾雙手
真正嘅洗手係比人搓手液乾淨好多好多好多！
尤其啲人搶完啲搓手液就好珍貴慳住咁用
點知每次份量又唔夠cover唔晒根本得個嘥字
加上，梘 + 水先係最佳清潔組合
搓手液只係for緊急時用啦～
喉嚨痕痕，搵嘢噴噴先…
โพรโพลิซ เมาท์ สเปรย์
呢隻蜂膠spray好掂呀！又唔臭喎～
簡單嘅Propolis extract, Honey, Menthol, Peppermint oil, Spearmint oil
全部都係傳統天然嘢無藥性用得安心
衰在常見只有呢種15ml玻璃樽裝真係好鬼重
想要幼身10ml膠樽裝啊有冇人搵到呀？
メディケア® クールスロート
而呢隻係森下仁丹出品medicare系列嘅
對我嚟講得個涼字一啲消炎效用都冇
不過6ml裝細細支呢個size真係啱啱好放落袋
點解？點解裡面啲料唔做好啲呢？
係喇我知我喉嚨唔舒服喇
去咗睇中醫把咗脈無返工乖乖沖藥食飲多啲水同休息吓
keep住探熱冇發燒啊唔駛擔心
哎吔吔，帶飯响自己張辦公枱食
開餐前要抹抹乾淨啊！
又係daiso嘅好嘢，made in Japan酒精抹檯濕紙巾
係嘅用呢樣嘢係唔環保㗎喇
不過响會含細菌嘅毛巾同加重地球負擔之間
sorry囉暫時條命仔都仲係矜貴啲
加上個袋係有好耐冇見新嘢嘅日版19' 大口仔
呵呵呵呵呵！
mama級同事們嘅其中一樣好康
無酒精嘅hand sanitizer
仲係小朋友會好願意用嘅泡泡
用完對手仔仲唔會䃶歰歰
加上其實聞落唔覺但係話有嘅橘子味
（另有無味以供選擇）
通常就係通勤後一返到自己位就即刻用
點知搭車嗰陣掂過啲乜喎
至少洗吓手先拎飯盒出嚟啦
每樣嘢少少少少咁做，安心啲好
（啊！同事們網購嗰陣訂嘅，好抵買！）
雖然疫情仲未係「到了 最危險的時候」
不過任何細節都唔可以掉以輕心
嗱～呢排已經唔係戴棉mask保暖mask保濕mask嗰啲
乖乖地戴返醫學用濾細菌口罩
然而有時會剝一剝食吓嘢飲啖水
（飲水係非常非常重要！）
所以戴前 & re-戴前會噴一噴呢枝嘢
唔係咩Q嗰啲咩生物科技乜乜七唔知咩成份
就只係最傳統嘅抗菌成分：酒精
not純酒精而係三種複方成份（精製水都係其一）
噴落唔算超大酒精味，唔錯
仲係made in Japan較放心嘅品質
吖！最正係呢支細細支只係响Seria 同 Can☆Do買，100円（税抜）
一買就唔小心買定幾支喇…
平時會戴住個口罩出街
除咗防曬仲係為咗減低鼻敏感嘅機會
因為响街一拉低個罩nude咗個鼻
就覺得鼻仔開始塞塞哋再耐啲會打乞嗤流鼻水
明明係touch wood冇嚴重鼻敏感㗎嘛…
唯有返到屋企洗吓鼻鼻啦
雖然並無文獻講到洗鼻係可以解決嚴重鼻敏感鼻炎咁
好啦我根本就唔係嚴重嗰隻
（成日被誤會我嘅黑眼圈係因為鼻敏感但其實唔係啦）
不過如果係鼻塞塞有BT嘅話
對於相對污糟嘅鼻黏膜
適度洗鼻都可以避免刺激鼻腔同進一步感染啊
洗鼻當然唔可以就咁用水喉水啦！
自己溝鹽水又要啱比例好麻煩
生理鹽水都OK但係留返多啲貨俾FA用啦
用小林製薬呢隻唔錯
有埋個鼻壺好方便
標榜唔會痛，初初用落係有少少唔慣
然而第一次用已經輕手成功
左邊係original版本連埋右邊個鼻壺一set
中間嗰支係爽快cool版
用嘅時候個心都吶喊「哇～」咗聲，堅涼快舒爽rrrrr
（洗緊鼻用口透氣無得哇出聲）
通完鼻，鼻腔爽晒呼吸暢順返晒
驚蟄，濕度高又熱
仲係蛇蟲鼠蟻開始出沒嘅日子
最討厭係夜晚瞓瞓吓覺
俾蚊咬啦同响耳邊嘈
有咗佢就安心晒
唔會好似平時啲蚊香咁一大陣味
用扇葉吹風，幾秒吹一吹咁
（轉5秒停20秒）
但係比瞓覺嘅呼吸聲更細
唔會嘈住晒搞到瞓唔到
原本睇佢細細部咁
以為只係大概上半身有效
點知佢真係令成個房嘅範圍都用到
即係擺床頭，對腳都係安全嘅！
我嘅版本係最普通嘅150日間
可以吹1200粒鐘（150日每晚開足8粒鐘）
個制响盒頂朝早㩒熄佢就OK
取替え用係連埋電，超方便
堅有用同好用
連惹蚊嘅我都好安心咁瞓覺
個design簡約得嚟又夠chic
真心推薦呢～～～（心）
