All Posts
又要懶又要行嘅路線…
搭個車去梨木樹行上去就到
補充營養！
城門水塘
一級歷史建築：城門水塘主壩
都話懶㗎啦，行到一半就鼠返落大圍寶福（嘻嘻）
同tak chill住遊真係件賞心樂事啊！
唔想兜西沙就由九龍搭92入西貢～
hello飛鵝山（揮手揮手）
答呢程車望吓山已經好放鬆
話咁快就到西貢喇！
天氣熱先去Duke of York飲返杯，cheers！
飲完去巷仔間泰國嘢買定蝦片做「手信」
再去周圍行吓睇船仔（熱！）
肚仔餓兜兜吓睇食咩好
然後响Blacksmith Coffee Shop嘆返吓
行吓睇埋以前成日見嘅賣海鮮艇仔就離開市中心
上車向黃石碼頭出發
又係望吓山望吓海唔講唔覺就到
等船中，個景又正又靚
等呀等，隻船遲咗但終於到
上船喇！
開船
雖然西貢呢邊係東邊睇唔到日落
不過依然可以睇住黃昏景致
塔門到達
當做嘢做到趴响度氣都冇得唞嘅時候
有咩正得過lunch break上山唞氣？
（冇計啦，唔食煙唔放煙break係咁上下）
雖然有啲霧霾咁
大啖呼吸唔算最最最清新嘅空氣
（清新空氣可以去近近地日本四国四万十川；再爽仲有葡萄牙Pinhão）
但係好好太陽
都算心情舒暢咗好多
又係時候死返工喇～
近近地就去到嘅世界地質公園
GO！
搭個小巴就入到三門仔，好方便呢～
行山前搵罐青島消消暑先
途經三門仔新村
有人住緊㗎行嘅時候唔好太嘈
打攪人哋嘅生活係NG啊！
好清晰嘅向上行標示（哈）
開始行山路喇
UP UP UP
沿路都見到船灣海
經過無盡山墳徑
高點會有個休息吓嘅涼亭
遠望八仙嶺
上完山再落山
半粒鐘多啲就嚟到喇
落到嚟連島沙洲，除咗個八仙嶺
仲有馬鞍山
水茫田
馬屎洲特別地區
個島嘅地形似篤馬屎因而命名
島面積61公頃，山頂最高點114米
唔駛聽歌開傳送門玩穿越
續上次嘅鴨洲…
隻船去到下一站
鄰近沙頭角邊境，香港最北嘅海島 - 吉澳
落船就先搵啲嘢食
都係客家茶粿加洛神花茶無懸念啦
（個皮凍咗硬身咗少少 TT）
處於大鵬灣西南水域嘅寧靜漁村
居民大概50個（全盛時期有六千人）
而島嘅地質主要由侏羅紀*嘅凝灰岩（火山岩嘅一種）構成
（*約1億6500萬至1億4000萬年前）
踏足呢片土地由高處望落嚟就最好不過
高地頂
行20分鐘就輕易嚟到
都算見得到西北端細面積褐紅色嘅角礫岩
而呢種岩石經過漫長嘅地質作用中膠結而成
屬於香港較為罕見嘅岩石種類啊
個山頭仲可以望到吉澳全景
再行，已經微微見到唔開胃嘅景…
所以都係返轉頭
望多兩眼就返落山
沿著吉澳大街行
去到冇得shopping嘅廣場：吉澳廣場
懶人hea島，去鹽田仔就最好
响西貢碼頭搭街渡，好方便㗎
有就咁買飛同加埋參觀鹽田+文物室揀
反正去得睇鹽田梗係join埋tour啦
驗明正身，唔好搣甩張貼紙就OK喇
買飛仲連埋張map同簡介
比用Google Map更詳細
十幾分鐘船程，吹吓海風好快就到
入村喇～
厚雲唔太曬都算唔錯
唔搭船可以自己爬艇
不過如果已經咁夠運動量嘅話
仲有冇氣力再响度輕鬆行山
然後再爬返隻艇返去呢？
海邊地方當然會曬鹹魚
鹽田繪 - 樟樹 Camphor Tree
鹽田仔係客家 x 天主教嘅村落
係香港絕少見到「冇天后廟得教堂」嘅島嶼
重陽先慾望登高？ Too Late～
中秋就要上山賞月喇！
港島人上太平山
九龍新界人梗係去獅子山
話晒都係叫「獅子山精神」not「太平山精神」嘛…
登頂冇咁易，要同睇演唱會咁一早霸位
所以行到幾多就幾多
反正都大把人同我齊上齊落
又有歌聽仲有激光匯演，好happy㗎
逼就逼啲，但係見到有咁多個缺一不可嘅香港人
就更突顯最應節嘅：
八月十五殺韃子 ！！！
襯博物館節咪唔去商場嘆冷氣囉…
菠蘿包
翻新前可能細個去過不過已經印象模糊
翻新完又未去過喎
講吓呢個宇宙嗰啲咁
有落手落腳玩呀試吓
又有big bang睇都嘅好玩嘅
上層講太空
當然都要啲有嘢玩
對太空人冇咩特別想法
不過窺探人哋嘅生活都幾有趣
同埋睇吓佢哋今晚食乜餸
食瞓屙同樣重要
屙出宇宙（誤）
well冇咩我都係返地球先！
科學館
咁多年都冇變過…
都仲有呢隻小飛機
想睇嘅「分子美食」冇得睇
唯有睇傳統食物紀錄片
地底有新啲嘅嘢睇
全球第一個3D print嘅鯨骨
好太陽咪出吓海吹海風囉…
第一站，先去鴨頭咁嘅鴨洲
佢係全香港有人居住中面積最細嘅離島
只得0.04平方公里大概五分之一個維園
全盛時期有過千人居住（哇…）
而家就得返三個人係長居
落船
就一支箭咁飆去睇地質
穿過貝殼灘
鴨頸 - 俾海水沖到爛（斷裂帶）
鴨眼 - 一個大嘅海蝕拱
鴨蛋（細細粒嘅島）
到最篤篤嘅海蝕平台
呢度嘅褐紅色嘅氧化鐵質角礫岩
係來自大概一億年前白堊紀
吹海風係好爽，不過好L曬…
返入漁村前又行吓上頂吓景
喔！登頂！
俯瞰鴨洲漁村
碼頭
左邊山後面係荔枝窩
香港地方細細，但都有唔少位置係列為世界地質公園
仲要係响近在咫尺搭程火車上個船就去到呢！
hea式街渡遊船河…
由馬料水開船
右手邊係馬鞍山
過一陣大埔嘅八仙嶺已經响左邊
仲有條好~~~ 長~~~ 嘅 **大尾篤水壩**
即係攔住個 **船灣淡水湖** 嘅堤壩
過埋船灣淡水湖副壩
就進入赤門海峽部分
黃竹角咀
係香港暫時搵到現藏最古老低層
源於盆地紀嘅沉積岩
（Devonian period：距離而家3.5億至4.05億年前）
灰白 x 鏽紅色嘅沉積岩主要係由砂岩、含礫砂岩同礫岩組成
垂直裂開好靚 (?)咁露出
Mmm… 如果唔係有個陪行嘅tour
我應該係唔會嚟呢個咁悶嘅離島
坪洲
係咪都搭船入架啦
通常啲人都會由中環去
不過其實由稔樹灣入會舒服啲
睇你點睇啦…
本身碼頭嘅指示唔會好清晰
但係船頭雞乸咁大隻字
咁都望錯梅窩船嘅話我都幫你唔到
啊！就係參加咗呢個冇嘢食嘅「日日為食坪洲團」
係香港同印度嘅藝術家交流活動咁啦
咁坪洲真係冇咩好講
係客家潮州蜑家三分天下嘅島
興盛時期係响好多年前做廠嗰陣
話說呢間好厲害嘅火柴廠
請二千幾人入嚟坪洲打工咁
而家當然冇晒啦
又會填海起堤壩起啲公共設施起吓樓咁
唔太現代又唔多舊嘢冇咩島特色
個tour guide話老島民介紹嘅舖頭涼茶
（然而佢自己係冇幫襯過）
飲咗銀菊露同手上呢支夏枯草
早唔到起身去搭船
風暴過後啲冧樹未清理得晒
落完雨又唔想行到成腳泥
但係終於有啲秋意
冇理由唔出去行吓嘅…
嚟到搭吓車就去到嘅赤柱
（啲花開得好茂盛）
避開行商場走去攤檔舖仔嘅赤柱市集
賣遊客嘢居多
所以就咁齋睇唔買都冇咩咁大不了
反正就係想穿過吓呢邊
然後沿路望吓山望吓海咁
有卜公碼頭同美利樓
堆舊建築配埋周圍50%以上外國人種完全毫無違和感
遛狗嘅入餐廳可以泊狗（我冇狗）
放空呢家嘢
坐响度吹吓海風咁過日晨咪幾好…
（不過啲穿雲嘅陽光有啲討厭）
