All Posts
呢位陪跑小朋友證實了這個消息。
平時跑4分1路程就已經好好瞓
今次跑到3分1都未瞓又見到有大大塊紅葉
就停一停望吓邊塊乾淨啲拎畀佢揸吓
細細隻手仔大大力拎住唔放
不過我就一直上氣唔接下氣叫佢唔好擺入口 XDDD
最後，响回程都係頂唔住瞓咗～ 都係嘅，un吓un吓個beat仲舒服過搭巴士
又點會唔想瞓呢？
又嚟孭B跑嘅日子…
但係落雨就冇得露天跑
然而真係要跑冇嘢可以阻到我！！！
搭電梯落樓下再「跑」上去～
响防火層就冇得直接衝
當休息吓又等𨋢再上
頂樓です。
無鎖匙冇得上天台透氣
又搭返𨋢返屋企個露台先大啖吸氣
因為孭B係孭响前面
為安全起見唔可以落樓梯
無所謂啦，上樓梯先練得多啲又無咁傷
繼續努力跑試吓跑呀跑跑快啲先（握拳）
…我唔係村上春樹 XDDD
只係個拎埋阿B「跑」嘅老母
一樣係平時條7公里路線
不過因為為免似拐帶BB
就唔再用BB車推住跑
係更強嘅孭！B！！跑！！！
實行負重帶氧一次過（哈）
點知呢隻無義氣嘅B
晌我跑咗四份一路程嗰陣就已經瞓着咗
仲要係瞓得好冧嗰隻
喂啊！睇吓個景都好吖
算啦… 好過你爆喊咁嘅
無咩我繼續跑先喇～～～
呢隻嘢，晌個世界呼吸咗一年空氣
帶住佢「跑」7公里
佢可以喊足5公里
究竟係我做帶氧定係佢做？
不過佢咁喊得至少個肺應該唔錯
畢竟陀住佢嘅後期我個屁屁都捱咗支強肺針
見佢武肺ed都仲咁好氣去喊就放心喇～
（我就冇佢咁好氣…）
白の色彩効果に魅せられて
MUJI サーキュレーター
低噪音、大風量嘅made in Japan循環扇
係大舊咗啲不過見阿B點玩都插唔到啲手指仔
加上就算用咗好耐啲白色膠亦唔變黃
白い家電嚟講佢係真全白，勁靚！
IKEA SMÅSTAD Wardrobe
無咩特別事就唔好買香港IKEA
呢個兒童衣櫃圓角又幾厚實
以前一直用開諗唔到咩理由突然唔用返啫
IKEA - TROMMA wall clock | KLOCKIS clock/ thermometer/ alarm/ timer
同個好鍾意好鍾意嘅男人配咗種
得出嚟件人仔就算想同唔想都變成佔據生活嘅大部份
由陀住完全無咩感覺
（因為無唔舒服肚又唔大係佢踢踢吓嗰陣幾過癮）
到醫生拎佢出嚟要觀察
新手阿媽連抱都唔識抱咩都知
無長老幫就同佢兩個响度日夜打大佬
出街唔會喊；响屋企就成日喊喊喊喊喊 TT
帶佢打針喊得一聲
之後check呢樣嗰樣又平安無事
叫佢識聽大聲可以嚇到佢
學識翻身周圍爬四圍擒高擒低
爬得快到睇漏眼都追唔切
邊個開門就笑住爬去邊個度
搞搞震手腳又快拎呢樣嗰樣仲咩都擺入口
等呀等，終於出到兩隻牙仔
會食固體但係姐姐餵嘅話會搞到由頭到腳都係
（等咗好多個月先終於再有人幫手 T-T）
去到而家會對住我叫「maa～」（抱緊）
仲惹到武肺發高燒終於試到第一次病咗辛苦辛苦陰功豬
因為係佢，明知條路難行都先試吓
亦因為係佢，隻小朋友先有機會嚟到呢個世界
而佢都照顧咗我好多好多
時間係公平嘅，每人一日都係只得廿四粒鐘…
然後呢隻嘢就六個月大喇！（撒花？）
作為一個本身好宅加上疫情下嘅fulltime mom
手機（再之前相機）啲相由以前有得飲飲食食嘅相
變晒做九成幾都係呢隻衰嘢嘅
平日最安慰嘅時刻變成同親愛嘅秘書圍爐
或者要越洋搵屋企人寵幸吓
（好似啲工人姐姐咁）
鍾意嘅嘢平日嘅習慣都差唔多放棄晒
連講句說話都唔可以用返自己嘅語氣同詞彙
我，再唔係我…
好耐都無開壞咁笑過
講唔上係抑鬱，但係唔見得有咩令我高興喺嚟咁 本身對生命都唔係充滿熱誠
而家… 是但啦，無咩特別事返過去抱B先～
食吓瞓吓，咁就一個月喇…
湊住隻B，坐月一啲都唔爽嘅（超～）
不過頭嗰兩個幾禮拜無得揍
又即係代表佢响醫院staycation緊喎
（唔健康嘅話咪仲死）
真係有又煩冇又煩咁囉
蘇花未有好強烈嘅喜悅感
遲啲可能會好啲啩
堅唔係識生就ready個心理
繼續見步行步囉唔係點啫都無得揀㗎啦…
細個就真係會出夜街去慶祝halloween
近年夜晚會想瞓多啲覺
又或者已經過咗好鍾意熱鬧嘅年紀啩…（老！）
不過今年係想出都出唔到啊啊啊！
公主嘛，响「蘋果咬一口」之後
就要乖乖瞓覺休息喇
早幾日已經要影定
因為貨已卸，而家要乖乖步入坐月嘅日子喇
雖然生出嚟嗰件唔會有公主命
不過都要好好教佢唔可以有公主病
公主留返畀我cosplay玩吓就夠喇哈哈～
Happy Halloween！
無咩嘢我繼續食埋個蘋果先
當上年嘅「週年誌慶」覺得自己做嗰份工都10年
第1次唔打算辭職之際
人生就會係咁：辭職兼byebye 852舉家英移
响交好文件、畀晒生物認證、飛過去在隔離、搵屋住settle down之後嘛…
就唔可以唔承認呢個2021係癲咗少少
「玩」大咗少少咁囉（哈哈哈）
so, 今日係少咗對之前份工嘅紀念
但照樣係我呢個天地嘅8週年日子
加上HIMHIM幾廿歲生日肉騰騰唔會唔記得
繼續係可喜可賀嘅日子
呢排係寫得慢啲又又又再懶咗啲
然而都仲會keep住1999咁寫落去嘅，就咁～
對上一次留長頭髮係10年前多少少 入嚟呢間公司無幾耐就一直以短頭髮示人
而家，頭髮又長返晒…
呢本紀念冊已經買咗好多年
平日有心愛嘅同事走就會畀佢哋填
今次，一次過打爆晒
好多謝大家都有乖乖親手寫嘅每一個字
諗咗送咩散水餅好
最後都係每樣親手包
咭仔逐張寫希望大家收到我嘅心意啦～
擒日嘅team lunch
多謝一直令我任性嘅上司
「阿姐，好人一生平安啊～」
最後一個lunch
一定係同最最最愛嘅同事食
有真係好好好愛錫全宇宙最索嗰個 傻傻咁而見到佢就會有快樂嘅自帶購物頻道嗰位
同比女人更清楚養和生仔有薑水嗰隻熊貓
啊啊啊啊啊！最親愛嘅秘書冇得嚟食 TT
我哋要再見呀～～～
然後再有明明好忙都突然有同經理嘅coffee break
原來好好傾㗎佢！
新年點都要搵啲意頭嘢
身體健康心想事成呢堆基本盤以外
成年人嘅世界裡步步高陞都算幾重要呀
無咩好得過最親愛嘅秘書屋企自家製蘿蔔糕
（學返你個句「朵謝～」先… 多謝埋你老母！）
本身已經好鍾意食呢樣嘢
呢家人煮嘅嘢仲要係無挑剔嗰隻
一向同佢傾開計
都覺得大家食嘅嘢口味好相似
人嘛… 就係鍾意同差唔多嘅人一齊
即係人以群分咁上下啦
尤其同事呢樣嘢每日返工時間都對得長
如果條氣唔順真係好難講埋欄
所以我有而家班同事我都真係好有福氣好好彩同好幸福
唔怪得我咁鍾意返工啦
放假都想返嗰隻，哈哈哈～
