All Posts
要了解自己就要認真咁睇清自己…
ロージーローザ リアルックミラー
made in Japan貨仔
反射率95％嘅銀鏡
呢種高反射率就可以將本身嘅肌膚顏色反映出嚟
咁樣就大大減低化妝嗰陣用錯色嘅機會
因為通常睇唔啱色嘅話
會搽得偏白又或者會上得太厚
無咩㗎，咪就係兩截色同樣衰囉！
唔想咁咪買佢再擘大對眼嚟睇清楚
望真啲自己先去搵啱自己嘅嘢～
「何不把悲哀感覺假設是來自你虛構？」
去四國係要買今治毛巾㗎啦！
日本 > 四國 > 松山 > 今治
富士山夠代表日本中嘅日本喇啩～
（等今晚發個「一富士二鷹三茄子」嘅夢先）
認住個標誌tag
毛巾嘅厚度輕薄
纖維極細所以吸水性強
摸落滑滑，易擰耐用又快乾
真係好好用呢！
支BUCKET係唔錯嘅
不過拎出街真係hola唔方便嘛…
ZTRAW: The world’s slimmest, foldable and reusable straw
個細細黑色套，同我個ONE PROMISE 口罩套好鬼襯！
支飲筒摺起咗係咁樣扁扁嘅
咁就可以勁容易將裡裡外外都洗得乾淨
都係香港design產品
13.5g 非常輕
無哂藉口唔自帶飲筒喇～～～
行水木しげるロード無理由唔買嘢嘅
妖怪がまぐち - ティッシュケース 唐草
反正平日要用紙巾都只係抹吓嘴 我就鍾意日本嗰啲薄薄紙巾
黑色 x 目玉おやじ x made in Japan 傳統好品質
完全諗唔到唔買嘅原因
裡面都係車得靚靚嘅類襯布
污糟咗就掉落洗衣機洗囉
加上地域限定同勁平
真係勁鍾意勁鍾意（大大心）
响円形劇場考慮咗一輪先買佢
コスパ - 目玉おやじ フルカラーパスケース
其實都想揀綾波レイ
不過最後都係因為爸爸個主色係黑色嘛
兩款都拎起500次掙扎咗好很耐
雖然只有小朋友先要做選擇
畢竟pass case呢家嘢真係一個就夠（節儉係美德）
永遠都係妹仔大過主人婆
個pass係有個窿冇條繩
好在之前有條用嚟繞响部相機嘅Bottega Veneta仲响度
繼續延長條繩嘅生命，唔錯唔錯
响咁冷凍嘅日子梗係匿向被竇最舒服…
Viewsonic M1 mini Plus Projector
所以冇咩事就唔落床
要睇片望螢幕就射上天花板睇
細細部咁拎走都好方便
以呢個畫色音質嚟講佢個C/P值都算高
反正係公司做夠10年(seafood hi) 拎獎金買嘅
一毫子都唔使出就唔需要自己托電話電腦
又唔會畀阿媽鬧「咁近睇mon就嚟盲喇你」嘛
…不過又會畀佢話我唔落床郁都唔郁呢，哈哈～
作為一頭文具控
見到啲咁靚嘅嘢無理由唔開心買走嘅～
別天神 masking tape
Made in Taiwan放心使用
黃底黑字「警告」式語句
記住Never forget Never forgive!
0609 1M‧0616 2M+1‧0721 YL‧0831 PE
貼車唔得咁唯有周圍周圍周圍貼啦～～～
口罩已經成為日常必需品
一日之內硬係有啲時間要將佢暫存
咁個口罩套都要成為時尚嘅一部分
要必備嘅黑色啦；摺起嚟夠細
同最緊要係個「品牌」夠型棍啦！
from 港產4人樂隊ONE PROMISE
走pop rock路線，易入耳嗰種
不過歌太少喇（敲碗）
呢個世界，最緊要係有個好秘書（撒花）
朵謝～～～
响ヱビスバー（YEBISU BAR）誠心「求」返嚟 XD
會好好供奉呢隻啤酒（哈）
仲要諗諗點還神…
-----------------------------------------------
延伸閱讀：神奈川衝撞旅（3D3N） Day1：三浦半島 → 川崎
Day2：川崎 → 横浜
Day3：鎌倉 → 川崎
响咁熱嘅日子下姨媽到…
連用張M巾都要有cool pad（哈）
摸落裡面真係涼浸浸
（講「好西涼」俗咗啲，叫「涼宮夏日」）
出動晒退熱貼冰爽噴霧blablabla
而家出門落銅鑼灣睇戲喇！
唔係睇《死因無可疑》喎…
爬咗785級樓梯去買嘅御守
究竟有咩咁特別先？
幸福の黄色いお守り
啊！係披住黃金聖衣嘅御守
仲繡咗個金色嘅「金」字
呢鑊真係好金
連個包裝紙袋都係金光閃閃
紙袋嘅壓紋加上金色嘅封口貼紙
响細節決定貴氣同土豪嘅分別
御守嘅背面用金線繡咗「金刀比羅宮」
用努力爬石級先得到嘅幸福
拎住都可能會「我全家都好幸福喎」咁！
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
Day4：香川（高松）→ 愛媛（松山）
Day5：愛媛（松山、宇和島）
Day6：愛媛（松山）→ 高知（高知）
Day7：高知（高知、中村、須崎）
抽水呢家嘢，都係交返比專業嘅好…
抽得之餘又夠靜
（指運作中，滿水個「咇」聲好L嘈）
改良版Grade 1係一級能源標籤
慳電真係好緊要㗎
畢竟地方潮濕絕大部分日子都要抽濕進行中
有得自行set濕度，環境一抽到個濕度就自己停
唔會乾到皮膚爆裂呼吸困難唔錯啊！
最重要係個外型靚仔
畢竟日日都要對住佢㗎嘛～
