All Posts
响呢個世代仲會走去買一個環保袋好似有啲奇怪…
Nanobag 5.0 - Ultralight Bags (Swirls)
不過真係無計啊！
呢個袋堅係值得乖乖課金
摺起嚟只係7x5x3mm 細細個
而且唔使好似其他袋咁好好地摺好四四方方
係就咁求其塞入去就搞掂超方便
個袋拎出嚟可以裝到19L
30kg都裝到，但係袋嘅本身只有22g超輕
0.05mm尼龍以Ripstop(防破裂)做所以任裝擺唔嬲
打開個袋成33x38cm 上到膊嘅手抽位就有34cm
swirls花紋實物比上網睇圖靚
本身好想買3.0嘅moon樣式
可惜遲咗就係遲咗
搵勻全世界都搵唔翻喇（哭哭）
示範吓先：一個細個阿B腳仔嘅收納袋
打開嚟裝住佢走都仲綽綽有餘
孭帶位有雙重布料，拎得更輕鬆（呵呵～
支BUCKET係唔錯嘅
不過拎出街真係hola唔方便嘛…
ZTRAW: The world’s slimmest, foldable and reusable straw
個細細黑色套，同我個ONE PROMISE 口罩套好鬼襯！
支飲筒摺起咗係咁樣扁扁嘅
咁就可以勁容易將裡裡外外都洗得乾淨
都係香港design產品
13.5g 非常輕
無哂藉口唔自帶飲筒喇～～～
話說，支嘢已經用咗佢幾年…
醫療級手術刀用SUS316L鋼水
平日仔細清洗到都可以安心使用
（雖然用洗眼鏡嘅超聲波機先最好不過市面上無放得落飲管嘅size呢）
但係慣常好少飲凍飲使用率唔算好高
然而呢排戴住口罩就用多咗
以最小幅度拎開個罩
用盡一切方法減少同病毒接觸
how dare you唔係破壞環境而死係中咗病毒而死嘅話
Greta Thunberg會唔放過你啊（！）
所以保護自己保護人仲保護埋海龜減少垃圾啦都係…
係我衰！我係人渣！
之前嫌ECO Can plus漏水兼唔係黑色
好啦買咗個:chocoolate保溫杯都唔夠兩年
就覺得自己造成嘅風霜痕跡刮到佢一條條個面唔再黑
然後當然就會一堆藉口嫌棄佢
咁又俾我見到呢個ZUCCa嘛
ZUCCa話晒都係響啲嘅牌子吖
少少虛榮都唔過份啊！
黑色啦矽膠啦仲摺得埋喎
打開係放到355ml
個蓋好好咁cup實就唔會漏水！
（新入手總是美好的）
ELLE呢啲廣告雜誌真係會响呢啲時候先會買
（揭過fast read一次就掉就咗，墊煲底都怕本嘢熱到黐落枱）
然而杯呢家嘢一屋都有幾千個
捐極都仲會有嘛…
好唔生性囉我，所以我一定會好好哋用耐啲㗎喇… 應該……
紙巾呀抹手紙真係好方便
抽一抽抹一抹乾手淨腳
然後呢張紙咁嘅物體
佢嘅使命完成
伴隨著係生命完結
直接入堆！填！區！
e？乜佢唔係紙嚟㗎咩？
唔可以回收㗎？
係呀！紙巾係冇得回收再造
所以用過嘅紙巾只係件純垃圾
話說今日係無紙巾日
不過就算係咪呢啲日子
我都會帶住手巾
奢華感足帶啲虛榮感嘅Burberry
大大條正方形輕薄類型
多位抹易摺得細而且快乾
一用就用咗十幾年
平日都係掉去洗衣機度洗㗎咋
咁多年啲色呀線呀都冇點走
除咗抹嘢之外
有時會拎佢嚟包嘢
就咁包就用少好多細膠袋
唔知由幾時開始
就變成帶手巾嘅只係BB小朋友幼稚園生
其實從細細個唔係已經知道
因為唔係所有電器都係叉電嘅
所以都有時要買電芯㗎
但係買即棄型電芯真係好唔環保喎…
有咗呢隻充電電芯就完美解決問題
panasonic呀sanyo呀嗰啲都有啦
做咩買姨媽傢俬㗎呢？
（人哋個名叫宜家家居，不過就係講慣咗改唔到口）
平囉！
就係咁簡單（七折咁上下啦）
加上個叉電器細細個
用USB叉都得夠方便
唔係平嘢就俾啲流嘢㗎
個叉電器係MIC嘅
然而最緊要嘅電芯係made in japan㗎
覺得就算爛船都有三斤釘
日本製造嘅電器應該都唔會係渣嘢
（係㗎喇，我做人就係咁膚淺咁表面去睇嘢）
我一般用要入電芯嘅電器係低用量電
1000/500 mAh (AA/AAA)已經夠駛
佢呢個系列仲有高用量嘅2450/900 mAh
一向都會自備水樽出街
之不過本身用緊嗰隻ECO Can Plus
反轉用同就咁掉入袋fing fing吓會漏水
所以變成只可以乖乖地留响室內
咁都要搵返個代替品嘅
原本一路都鍾情於駱駝牌隻112壺
一來唔平二來要特登搵貨
跟住又俾我咁啱行過七仔睇到呢個壺
嗱～ 都係香港牌子啫
仲要係同雜誌crossover，就係平囉！
（話說萬世冇買過Cosmopolitan喇）
佢保溫程度好高
外面又唔會因為熱/凍水而熱/凍咗
最重要係：點倒轉呀拋呀搖呀都唔漏水，yeah～
同埋黑色真係好襯我平時袋裡面啲嘢
好啦，個112就遲啲先買啦。
出街當然是要自己帶備水樽啦
（還有shopping bag～）
玻璃樽很重；膠樽較輕
不過既不能放熱的也不能分解
鋁的可放熱的（不怕燙手的話）
很輕身，但很快會碰得一身傷痕
以前會用奶樽的我
有了這新樽後就貪新厭舊了（呵呵）
樣子跟膠真的差不多耶
印有西班牙畫家Eva Armisén的畫
是crossover的呢
瓶蓋以汽水罐的樣式
不是是裝飾，可以打開的
底部及貼紙說明這是0%膠
這種ECO樽是可100%被分解
對地球無負擔
可是，鍾情於黑色的我
為甚麼不是入手黑色那款呢？
因為這是member的禮物啦～
（這次終於不是因為甚麼限量版而入手了）
哈哈哈！
by the way，有沒有人知道這東西是哪裡製造的？（困惑）
喜歡煮食但討厭洗碗
因為用洗潔精好傷皮膚
亦不喜歡戴著那些臭膠味手套
可是有這塊布的出現
就輕鬆地解決了以上問題
竹纖維布就是可以不需用洗潔精就能去油
work呀！真的可以吸取同沖走油脂
(唯獨清洗silicone就麻麻)
如果氣味太濃烈的話
油是沒有了，不過會留下一點味道
洗完的煲煲碗碗同塊布都不會滑潺潺
因為之前買的白是色（來自澳洲的Verdee）
用久了感覺上好像有點髒似的
一天行南蓮園池那邊
看到小賣部（行公園都要鳩嗚！）有賣
二話不說就揀了條彩色乖乖付款
前後是兩隻色，好靚！
解決了不需用洗潔精這頭號煩惱
剩下的問題：我其實係懶得去洗碗（呵呵）
一般的即棄型膠羹膠叉木筷子
既不環保又沒有包裝上寫的那麼衛生
自備就最好，又可以選擇自己喜歡的顏色
（最愛黑色黑色yeah yeah yeah）
這套就齊備筷子、叉同羹
食中西餐都無問題
盒子扣住餐具
所以放進袋的時候
不會發出膠撞膠的聲音
而且又夠輕，攜帶不會有負擔
也算對地球先生延長生命出了一分棉力（微笑）
