All Posts

別天神 膠紙帶

作為一頭文具控 見到啲咁靚嘅嘢無理由唔開心買走嘅~ 別天神 masking tape Made in Taiwan放心使用 黃底黑字「警告」式語句 記住Never forget Never forgive! 0609 1M‧0616 2M+1‧0721 YL‧0831 PE 貼車唔得咁唯有周圍周圍周圍貼啦~~~ ----------------------------------------------- 延伸閱讀: Day1:KIX → 京都 Day2:京都嵐山

[丼] 申子居酒屋

次次晚餐都食唔到你… 有機會食,晏晝都照仆到去啦! Lunch @申子居酒屋 食lunch set可以揀飲香港手工啤 MiMi® Beer Sushi Wit 清新香甜入口微酸 同壽司醋飯好夾 加上微微礦物味就令魚生提鮮 完全專for配壽司而設呢~ 除咗手工啤仲可以揀日本清酒(合半) 鍾意較辛口,店員就斟咗呢支 初孫峰の雪渓 辛口本醸造 入口辣少少不過之後都幾香甜唔錯唔錯 極上塩燒牛舌芯 送酒就搵啲又香又好咬嘅嘢 yeah~ 豐富嘅set set嘅「配菜」一啲都唔馬虎 平日嘅求其刺身兩味

[潮] 標記樂園潮州粉麵菜館

去潮食bill gates樂園~~~ 食打冷點都要隊返枝啤 藍妹囉,唔想飲大陸啤嘛… 嗌到成檯都係就最高興 滷水鵝件 食鵝一定要有骨落地先夠香 唔會揀切薄片無得自己咬斷纖維嘅鵝片啦 鵝肉本身味香唔會太濃 滷水鹹鹹地又夠入味,正! 啊!唔好漏咗墊底嘅厚切豆腐喎 皮韌內厚實好味㗎~ 潮州煎蠔餅 睇個樣都feel到佢脆到爆 超脆炸漿裡面只係得蠔同蠔同蠔 完全無多餘嘢 擺明就係一堆鮮蠔直炸就係美味啦! 香煎墨魚餅 晌橙色墨魚同打膠再煎嘅墨魚之間 揀咗呢樣手工貨 外皮脆炸裡面超超超彈牙,咪就係好食囉 標記酥炸豬大腸 出得嚟食,乜嘢痛風膽固醇都死埋一邊 個豬腸衣炸得咁卜卜脆 腸又新鮮洗得乾淨無臊味

[cheers!] WOFT

無乜街好行又口口渴咁 坐底飲返杯先… 香港城釀 - 港女IPA | Tough Ladies IPA 我係港女我驕傲 呢枝擺明衝住我而來無理由唔飲佢 當然地更因為佢係我至愛嘅IPA 入口超重果香 味甘甜後續微苦好舒暢 WOFT x Mak’s - 花雕那媽Pale Ale 呢間舖同麥子嘅crossover 蘊含花雕味嘅啤酒 花雕嘅香甜加上啤酒嘅麥芽味 好sweet之餘又泡抹細緻 係任何一款汽水都比唔上嘅豐富層次

[歐] LAB EAT Restaurant & Bar

對於好耐冇見嘅friend子 真係要一齊食得開懷啲! LAB EAT 風乾火腿拼盤 (80g) 有人未到就已經嗌肚餓 所以就放棄食物早過人就會凍咗嘅lunch set 食呢個有4種唔同時間風乾熟成肉乾就擺幾耐都得 就咁睇顏色都知食咩先後啦 時間短就肉滑啲;長時間就濃郁啲 各有各喜好,「我全部都要」咁就最好~ 海鮮拼盤(半份) 未知有幾大食前就叫少啲試多啲 中間隻蝦可以揀紅蝦同龍蝦 我就麻麻龍蝦就揀紅蝦 隻蝦勁多膏蝦肉彈牙 但就食到對手紅晒有排抹 除咗蝦仲有鮑魚活蜆翡翠螺 樣樣都好新鮮,鮮甜好咬不在話下 只係有少少後悔唔嗌全份咁啫… 流緊嘅Raclette好吸睛(bling) 熱溶法國流心芝士配香草烤薯及意大利煙火腿 香軟芝士 x 柔軟有煙燻味嘅鮮火腿 x 熱辣辣新鮮蔬菜

[丼] 嵐橋丼飯專門店

終~ 於~ 捱到星期五喇(黑色嘅)~~~ 柚子兵衛 | 富士高砂梅酒 坐底就飲返杯先啦 呢隻柚子酒個味勁香喎 搵日搵吓佢嘅真身再飲過先 梅酒係唔會爆甜嗰種 微酸夾飄香梅子味唔錯唔錯呢! 喜之次丼 | 赤鯥丼 食丼食丼丼丼丼~ 雖然又想食鯛有想食鰻 但呢兩種好好味嘅魚難啲食到 無理由唔why not both嘅… 赤鯥丼 亦會畀人俗稱黑喉 之前食過燒嘅,味道同彈牙度簡直驚為天人 今次食刺身版本,魚味依然芳郁 除咗赤鯥仲有新鮮嘅牡丹蝦、油甘魚、三文魚子同三文魚

[包] 小茶角

終於去到遙遠嘅屯門搵到隻屯門牛… 小茶角 屯門牛、炸薯角 & 阿薩姆奶茶 滿滿元氣嘅セット 屯門牛 明明牛角包係裡裡外外都係油膩膩嘅嘢 但係呢隻牛由個面起已經唔油 唔油歸唔油,個包本身都係好多層好鬆軟 餡料係公司治咁嘅蛋呀蘑菇呀芝士煙肉同蕃茄 食落仲有爽脆嘅生菜 簡直係清新無邪惡感嘅組合 完全顛覆牛角包 = 肥咁,哈哈 薯角係鮮炸所以熱辣辣 齋鹽調味就好夠唔需要蘸茄汁都OK 硬係挑骨頭就可以話啲薯仔本身未吹得夠乾 入口啲薯會有少少濕 不過唔係好多地方好似金拱門咁 有咁很多位置畀到薯仔擺到乾身啊! 連burger king都做唔到啦何況舖仔咩 黑糖珍珠鮮奶 | 阿薩姆奶茶

[鰻] 雞蛋屋 - 蒲燒鰻魚飯

雞蛋與高牆之間,我揀鰻魚飯 蒲燒鰻魚飯 半條魚OK啊!其實個份量都好夠 然後魚底勁多煎蛋絲 好好食,擺明係心機貨 跟住就係個飯,極!大!兜! 食咗好L耐先食得晒 無計啦啲飯香得嚟飽飽滿咁 撈埋蒲燒汁堅好送飯嘛~ 和風牛肉湯烏冬 Mmm… 我真係去台式餐廳㗎 不過有難少少去咁真日式味 個湯底香到暈,不論係聞落同飲落 牛肉唔係全滑身因為唔係用肥肥肥牛 但勝在肉味會好香濃,正! 芝士厚玉子燒 well,再次強調呢間個定位係台式嘢 厚厚又勁鬆軟嘅蛋 上面層燒過嘅芝士簡直係畫龍點睛 兩樣加埋真係好食到痺 一口池魚仔 雞蛋屋唔係居酒屋,係台式料理餐廳(哈) 細細條新鮮直炸魚仔 好好味呀!

[意] Pom’s Kitchen & Deli

搖啊搖,搖到海鮮橋… 坐低就搵嘢飲先 呢度有英國手工啤啊! Fuller’s London Porter 濃厚朱古力同咖啡味嘅啤~ Fuller’s Honey Dew 蜜糖味重嘅Golden Ale(心) 德國腸拼盤小食 有酒飲都要搵嘢送吓酒 呢個香腸薯條盤係同兩支啤酒一set 絕對係happy hour恩物(呵呵) 是日餐湯係蘑菇湯,唔算好稀OK啦~ 煙三文魚意大利醋沙律 基本款,啲嘢新鮮就唔會難食 啲三文魚都叫有心思地砌咗朵花㗎! Handshake Seafood Platter 啊!唔駛自己搖

[麵] 麵.睦月 Mutsuki

闊麵唔係剩係得Lasagna嘅… 天婦羅鰹魚瀑布闊麵 日式嘅湯麵都可以好~ 闊~ 㗎! 個set有小菜3樣(枝豆、蘿蔔、海帶沙律); 炸蝦(嗱我就唔會叫呢隻係天婦羅嘅); 麵豉湯 & 同碗勁香鰹魚味嘅清湯麵 啲麵條闊到呢~ (仲好好咬,正!) 凍薑茶 好夠薑味唔會太甜好好飲啊! 湯底好濃郁嘅叉燒雜錦拉麵 also 介紹返,隻好好味嘅溏心蛋 食set都真係幾多嘢 又小菜又主食又麵豉湯仲有嘢飲… 貓貓裝潢 型得嚟好可愛(心)

[韓] Outdark 아웃닭

第一次去韓國食炸雞就係响釜山 今次就嚟香港食返次來自釜山嘅炸雞 Outdark 아웃닭 鐵絲網 x 情人鎖s 滿滿突顯韓式情侶嘅風味 抬頭望仲係星星月亮燈 浪漫到吖~ 막걸리 | Makgeolli | 原味米酒 雖然被荼毒炸雞要配啤酒 but sorry囉有막걸리呢啲咁香甜嘅嘢唔會唔飲囉 Originate Outdark Chicken | 炸雞 哇!駛唔L駛咁大盤呀? 超~ 脆~ 嘅炸漿

[泰] 農民泰菜

好耐冇去泰國,又好似好耐冇食泰國菜咁… 招牌青咖喱(牛)& 沙嗲串燒 快餐店模式嘅泰國菜 不過絕對唔係求其式嘅快餐質素 馬拉盞炒通菜 & 蒜蓉包(for 咖喱) 啲嘢熱辣辣又夠惹味 同平時泰式菜館裝修嗰啲餐廳一樣好味 醬汁都幾齊㗎! 鹹檸梳打 好啦,今日飲少少甜嘢啦~ 呢樣嘢好!緊!要!