All Posts

Happy Days!鹿児島宮崎!(10D9N)

٩(๑`^´๑)۶ 九州男児!!! day 1 霧島TAXI GO!!! さくらさくら温泉 到着する さくらさくら焼鍋 明治 - 牛乳、ブルガリアのむヨーグルト、コーヒー 失眠和菓子 day 2 さくらさくら温泉 & 朝食 霧島神宮(高千穗牧場牛奶 x 霧島綠茶軟雪糕、霧島茶) 霧島神宮駅、きりしま足美の湯 元祖にくまき本舗 日落中 @大淀川

[Happy Days!鹿児島宮崎!] Day 10: 鹿児島空港 - 天然温泉足湯 「おやっとさぁ」

臨走都要無料足湯! [有個假桜島噴出來嘅溫泉水 俾我再一次望住個桜島 [反正等過關條龍好長 一早排隊都冇意思 不如坐响度慢慢等啲人散咁啲先啦… 然後,就要同鹿児島宮崎講byebye喇~~~(揮手) -———————————————- 延伸閱讀:Happy Days!鹿児島宮崎! (10D9N)

[Happy Days!鹿児島宮崎!] Day 10: さつま揚げ - 月揚庵、揚立屋

薩摩炸魚餅魚肉香甜甜地彈彈牙 而且可塑性非常香高 配搭唔同食材就變化出好多種味道 當中以揚立屋同月揚庵名氣最響 先講即買即食嘅月揚庵 (左)さつま揚げ、(右)ぎょにぎり 魚握 魚肉彈牙,雜錦盒就咩都有得試 熱辣辣即食味道更香 ぎょにぎり 魚握 天文館限定嘅魚握 魚係鹿児島嘅特產きびなご 之前响熊襲亭食到爽滑刺身 呢隻熟嘅就肉實帶濃甜魚香味 波波形嘅魚飯糰已經含醬油 調味足鮮味濃好好食呀~ 而揚立屋我就買真空雜錦散裝嘅 比一般超市買嘅包裝更簡約 全部頭頭尾尾切粒嘅樣 同舖頭裡面包得靚靚嘅唔同 係特登走到舖頭最入面問店員先知有冇 如果唔係要包裝好有體面去送俾人 自己食嘅話呢種packing就最好 味道一樣咁好,平日煮麵打邊爐落啲嗰種

[Happy Days!鹿児島宮崎!] Day 10: すき家 - とろーりコクぷりん、朝食

都話天文館有早餐嘅舖只係得連鎖店開㗎啦 今日食返日式嘅:すき家 係嘅,食日式頹飯好似無咩咁特別 但係竟然搵到啲好正嘅嘢… とろーりコクぷりん 超~~~ 濃~ 郁~ 奶味嘅布甸 北海道生忌廉 x 馬達加斯加產嘅雲尼拿 濃厚嘅質地布甸滑滑 真係估唔到賣牛丼嘅連鎖店都有咁好味嘅甜品 話晒呢兜嘢係拎咗2016年monde selection金獎 嗱~ 唔係只係我覺得好食㗎 ベーコンアスパラたまごかけごはん朝食 個早餐無咩特別普普通通咁啦 不過普通還普通 雞蛋飯真係邊度食都係覺得好食(嘻) -———————————————- 延伸閱讀:Happy Days!鹿児島宮崎! (10D9N)

[Happy Days!鹿児島宮崎!] Day 9:白熊菓琲 - 白熊の冬ごもり

「無食過白熊唔好話去過鹿児島!」 不過最最最經典嘅白熊就唔係我杯茶 真係唔太鍾意啲罐頭樣雜果同染色車厘子 有諗過skip咗呢樣嘢唔食㗎 但係食完晚餐有想食吓甜品喎 可惜芒果base嘅黃熊間嘢已經收咗檔 無計啦都係死死地氣嚟返古早味呢間食啦 白熊の冬ごもり 係㗎喇,死都唔嗌經典白熊 加上呢款係期間限定 當然又唔放過啦~ 個冰base嘅煉奶味淋醬好好味 極濃嘅香味加上唔會好甜 配埋啲白朱古力波呀小枝咁脆脆口 熊仔餅乾呀莓呀白朱古力碎响個窿度 home sweet home 所以就算又凍又飽都剷~ 得~ 晒~ 好好味! ベビー宇治金時 3B嘅baby size綠茶紅豆刨冰

[Happy Days!鹿児島宮崎!] Day 9:和心創菜 味菜み - 溶岩焼き

食鹿児島嘅肉類除咗以しゃぶしゃぶ、蒸し、揚げ、炆、炊き烹調之外 仲有鹿児島桜島嘅火山岩石所造成嘅岩石板溶岩焼き! 較早前已經book座位嘅關係 未坐低啲小食就晌枱面 雖然個樣係ready to eat 但係都唔係就咁就擺入口食嘅 枱中間有個炭爐 嗱,我齋book位不過未order嘢食 明明係想食溶岩焼き點解嗌都未嗌就變咗炭燒呢? 因為呢間嘢嘅前菜唔係就咁一兜兜 係要自己一路燒一路飲吓酒嘅 俾炭燒過嘅蝦呀魷魚乾呀極之香 送酒堅一流!!! 今晚唔飲芋燒酎喇 嚟杯威士忌,呢杯係竹鶴 on rock無咁嗆喉 隻酒香到爆炸,難怪咁多人鍾意飲佢 本日の(特)お刺身盛り合わせ 好似咁多日都冇乜食過刺身咁 嗌個set啦! 就算3品都唔會有我唔鍾意食但係好常見嘅三文魚 太好喇實在~

[Happy Days!鹿児島宮崎!] Day 9:薩摩蒸氣屋 - 焼どうなつ、かすたどん

話說今日同3B係各自各精彩@天文館 行行吓收到佢嘅message話呢間嘢個冬甩好好食 反正餓餓地又行得攰攰地 加上其實之前都shortlist咗要去食 入去坐低慢慢歎啦 焼どうなつ 啱啱焗起熱辣辣香噴噴(lucky) 味道香又唔會好甜 係焗嘅所以一啲都唔油膩 呢件嘢極!度!好!食!萬勿錯過!!! かすたどん 呢舊嘢係呢間菓子屋嘅名物 圓碌碌淡黃色好鬼得意 (咬~~~) 裡面係唔太甜嘅custard 餡同個「蛋糕」一樣係好light嘅 唔甜歸唔甜,佢有好香嘅甜蛋黃味 即係明明食完pat cream都係冇罪惡感一樣 呢件就唔駛趁熱食 不過既然坐低食梗係開晒嚟食 靜靜地享受個美妙嘅tea啦~ -———————————————- 延伸閱讀:Happy Days!鹿児島宮崎! (10D9N)

[Happy Days!鹿児島宮崎!] Day 9:うなぎの末よし

鹿児島鰻魚嘅養殖量係日本第一 但原來要食又要就腳係唔易搵 所以都係去返就近嘅天文館裡面 有80年以上嘅老店:うなぎの末よし うな重(梅)、うな丼(小) 啲鰻魚全部細細塊咁無得食好可憐? 非也!其實特登叫最最最細嘅 一來brunch時間唔太肚餓 二來係諗住試少少嘢然後出去再食其他嘢 食多兩樣嘢梗係好過一嘢塞爆個肚啦 鰻魚香滑肉腍身 新鮮、肥漏漏、醬汁香甜 飯軟糯重米味 「重」就啲飯裡面冇汁 啱我因為我唔鍾意汁呀湯呀同飯一齊食 「丼」就係丼,上面餸下面飯with汁咁 湯係白味噌,都幾濃吓~ 另外點咗碌肝串焼 鰻魚就好容易食到嘅 但佢係鰻魚膶喎 濃縮咗鰻魚味嘅鰻魚膶喎 同鰻魚飯同款嘅醬汁醃過再炭燒 濃濃鰻魚味加上膶獨有嘅味道再配埋甜美嘅醬汁仲有陣炭烤味 好好食!真係好好食! ~滿足~

[Happy Days!鹿児島宮崎!] Day 8:ステーキハウス和牛門

前兩日食完個普普通通嘅燴鹿児島黒毛和牛 不如都再比多次機會佢 試吓其他做法會唔會特別啲同好食啲啦 而能夠食得出靚牛味 以鉄板焼加熱係其中一種最好嘅方法 最高級黒毛和牛サーロインステーキ 但係,認真嘅再講一次 有可能係因為香港都好易食到鹿児島牛 所以我絕對有理由相信我覺得唔特別唔驚艷係正常嘅 佢唔係唔好食,仲好新鮮㖭 只係可以解釋為香港都可以成日食到呢隻牛嘅味 結論就係:「好食嘅,但好普通囉。」 前菜生ハムサラダ 成碟嘢都係凍嘅 片肉硬崩崩好似仲有啲未溶雪咁喎 肉味係有嘅不過見到都見到啲雪味啦係咪 伊勢海老 (ハーフ) 唔知點解枱枱都有嘅龍蝦 我以為係嚟錯咗 用牛油煎過係唔錯嘅 龍蝦都有佢陣獨有嘅味道 雖然我本身係唔鍾意食龍蝦 不過呢一隻,我唔討厭佢 可能因為新鮮啦牛油啦同陣臭龍蝦味唔太出

[Happy Days!鹿児島宮崎!] Day 8:すすむ屋茶店、一番街商店街

憤怒嘅感覺中帶著悲傷嘅心情 所以要飲綠茶去冷靜 再食返啲甜嘢去cheer up吓先得 アイスのせ ぜんざい(緑茶付) 雲尼拿雪糕配甜死無命賠嘅紅豆蓉 就算有呢杯香濃帶微苦嘅緑茶 都阻擋唔到隻爆甜紅豆味 杯茶真係好好飲,同今朝嘅知覽茶唔同味 無得比較,兩種都好飲 左下嘅和菓子有綠色嘅よもぎもち 同白色有豆豆嘅塩豆大福 兩隻連餡都唔係好甜 餅皮唔會超厚,夠韌身唔錯呀 草餅嘅味好清新,帶微微草香 而塩豆鹹鹹哋更為滋味 食甜嘢中帶鹹味雖然可以輕輕令個甜無咁滯 可惜同時又會令個甜味更甜 係呀,個甜味又係源自於嗰碗紅豆(無限輪迴) ぜんざい(緑茶付) 有凍嘅雪糕set 都有傳統日式紅豆湯年糕set 個即席緑茶係一樣嘅,好好飲 碗紅豆湯無因為比紅豆蓉加多啲水而減少個甜度

[Happy Days!鹿児島宮崎!] Day 8:特急「指宿のたまて箱」、指宿温泉サイダー

點解行程要急到要棄景點? 因為我要準時搭今日最後嘅呢架車 ↓↓↓ 指宿のたまて箱 個「たまて箱」(玉手箱) 就係好出名嘅薩摩半島故事竜宮伝説裡面 阿浦島太郎去完竜宮返上水面 人哋叫佢唔好開 但係佢死係要打開嗰個箱 個箱一開仲要出煙 然後佢就變咗做個阿伯 架車嘅logo,同平時聖誕啲禮物盒差唔多 1号車 客室 由後面影返轉頭嘅車廂內部 啲燈啲木色呀凳呀個感覺好懷舊咁 2号車 客室 右手邊啲凳係回転椅子 有埋枱嘅 門簾都係有logo 仲有啲古怪海洋生物嘅公仔 2号車 本棚のあるソファコーナー 訂唔到轉轉凳

[Happy Days!鹿児島宮崎!] Day 8:砂むし会館 砂楽、指宿駅(w/駅前足湯)

鹿児島梗係要玩指宿砂浴啦~ 砂むし会館 砂楽 備受遊客同旅遊書歡迎 裡面有最緊要嘅砂溫泉之外 仲有好普通公眾浴池式嘅溫泉 換好件浴衣就可以落去玩砂 沿海邊嘅砂都係出哂煙㗎 佢係因為呢帶地底嘅溫泉水熱埋啲砂 而人呢就「浸」响啲熱砂度 同浸溫泉一樣都會出晒汗 熱啦總之就係 熱砂之外,一大個海景真係好靚 仲要係咁好嘅天氣 然後入去呢間茅屋 成日响啲poster上面見到露天先有嘅遮仔冇得上場 ~呢條hihi就係咁被活埋喇~ 工作人員一路炒砂 唔係要炒熱啲砂 相反係要令到啲砂同空氣接觸多啲 等佢地降吓溫 越深嘅砂就越熱所以佢哋一直响度炒炒炒 當然啦活埋你哋呢班契弟都係好重要嘅工作(!) 如果唔係老細做乜要開舖做生意呀 瞓咗大概廿分鐘先起身