All Posts

[食道鉄道北海道] Day8: 札幌 → 新千歳空港

酒店响車站附近有咩好處? 就係可以响酒店打開隻窗就影到火車!!! (特急スーパーとかち、261系,即係去帯広嗰架) 仲要係札幌駅呀呢度 超多班次好頻密好多車呀 酒店用兩層隔音窗 所以唔係好似我咁開晒兩隻窗 就唔會聽到火車聲嘅 一朝早慢慢影 (影完又走去瞓又起身再影過) 影到夠咪落樓食酒店包嘅早餐囉 食完check out掉低行李 就响札幌駅周圍啲商場行吓 行夠喇就拎行李搭車喇 札幌 → 新千歳空港 (快速エアポート、721系) JR pass得7日今日唔包嘛 咁咪諗住不如搭空港バス啦 點知一來巴士站離酒店比JR站遠啲啦 價錢只係差二十円 同埋JR站有晒電梯上落其實好方便

[食道鉄道北海道] Day7: 札幌 ↔ 小樽

酒店包和/洋輕食set 食完飯仔,精神同腸胃都OK飽滿 就出發遠征去二条市場 兜兩兜就坐低食海鮮丼 @どんぶり茶屋 啲海鮮係市場直送嘅新鮮素材 冇唔好食嘅道理 結果係兩個鐘頭內食咗兩碗飯 都算係自己嘅一個壯舉! 食完再兜多次買少少嘢先 裡裡外外都行吓咁囉 唔多人唔迫咁都算幾好行嘅 然後行返嚟大通公園 今個月係有さっぽろオータムフェスト 成條公園橫跨八條街拎晒嚟做fair 慢慢行睇吓有咩食 大通公園7丁目BAR 仲有屋台!

[食道鉄道北海道] Day6: 稚內 → 札幌

都話瞓醒就有好天氣㗎啦 今朝又係比陽光曬醒 冇咩嘅咪又去浸溫泉囉 (擒晚只可以室內場今朝就有開埋露天嘅,更爽!) 去返擒日無可能影到嘅稚內駅先 條最北嘅鐵路係穿出個站㗎 啦啦啦~ 朝早就飲吓雪印 - ソフトカツゲン 當然因為係北海道限定嘅乳酸飲品 牛奶味重啲又冇咁甜嘅益力多 喂好好飲呀佢,北海道人真係好幸福呢 响稚內行吓 @宗谷湾 北防波堤ドーム 擒日如果嚟咗呢度我就應該返唔到嚟 而家都咁大風勁大浪 嗱嗱嗱~ 我承認响酒店嗰陣

[食道鉄道北海道] Day5: 旭川 → 稚內

哇哇哇!個台風18号打打打到嚟喇 今朝去到函館呀道南嗰邊 風呀大雨呀有啲水浸咁 旭川都密雲有雨 一朝早就落車站改車飛 由晏晝一點半改做朝早九點出發 咁就變成冇緣响旭川食旭川ラーメン喇 是但啦,籮神嘅早餐我一樣食得咁開心 同奈良一樣,買籮神一定要買炸雞 加份北海道限定嘅三文治 唔少得嘅當然有北海道日高嘅牛乳啦 旭川 → 稚內 (特急サロベツ、261系) 同去帯広嗰架同系 只係車身顏色有少少分別咁唔特別影喇~ 今程車嘅距離好遠要搭得耐啲 响車度除咗食早餐仲食小食 都係响帯広嗰陣買嘅柳月三六方 同好好食嘅**六花亭 **マルセイバターサンド、マルセイキャラメル 六花亭呢兩樣嘢好L好食 一定要再再再入手!!!

[食道鉄道北海道] Day4: 網走 → 旭川

今朝冇飛彈警報嘈醒 亦都冇海鷗叫醒 但係就俾日光照醒 冇計啦,落樓浸返個溫泉先… 浸完,又再瞓過 XD 呢個時候應該有個background music: Pet Shop Boys - Se A Vida E (That’s The Way Life Is)  原本嚟網走其中一個想去嘅地方 係每年七至九月限定嘅網走感動朝市 好可惜啱啱今年無咗

[食道鉄道北海道] Day3: 釧路 → 塘路 → 網走

擒日朝俾金仔嘈醒 今朝… 係俾海鷗叫醒 無計啦,又走落街食早餐啦 平日最討厭嘅濕笠笠街巿 而呢朝就特登嚟呢個和商市場(since 1954) 啲蟹係即叫即蒸即食嘅 不過今日唔係食呢樣 因為係食就梗係食又係釧路發祥嘅勝手丼啦! 所謂嘅勝手丼即係求其啦鍾意咩就咩啦丼 買完個飯見到咩海鮮想食嘅就叫店員擺入去 覺得夠喇(新鮮嘅海鮮係永遠都唔會夠)就計數 我呢碗有蝦有蟹有魚有海膽 係好好食同抵食嗰種 好滿足囉咪就係~(大大心) 有啲飯氣就出一出個市場周圍行吓 個市真心除咗食(同條日落橋)就冇嘢做冇嘢行 無聊到行JR站 先買駅弁,驚死係旅遊淡季嘅而家都會賣晒 逛到冇嘢逛連睇阿寒湖嘅大大球マリモ都可以駐足好耐

[食道鉄道北海道] Day2:帯広 → 釧路

朝鮮廢青金仔一朝早又撳飛彈 隻彈一飛冲天去咗太平洋橫越北海道again 所以晨早就俾個警號嘈醒咗(捽眼) 咁落街食早餐啦… あんパン @ますやパン 満寿屋本店 1950年响帯広創業 整個麵包裡裡外外都係用北海道原料製作 而就咁噏帯広可能唔易明白 其實呢度即係十勝地區 十勝產牛乳呀紅豆呀麥呀豚肉呀 係咪耳熟能詳得多呢? 食就梗係食呢間舖最古早味嘅紅豆包 麥味同紅豆味好出 個包唔會油淋淋 豆餡幼滑仲唔係好甜㗎咋,好好味~ 幸福駅 今朝就會離開帯広 行程就變成去唔到廢棄咗嘅幸福駅 無所謂啦呢度都有個「小幸福」 但係嚟呢度唔係為咗呢個站仔啦 係為咗嚟買張スイーツめぐり券 張嘢係由帶廣觀光協會推出 向帯広呢個甜品王國

[食道鉄道北海道] Day1:新千歳空港 → 帯広

清晨動身朝早起飛晏晝先到北海道 好順利咁過海關 然後買定嚟緊幾日嘅火車飛 YES!一!大!疊! 繼之前四国鉄道兜一圈 今次就嚟個北海道鉄道遊 又嚟個「買咗JR pass就玩到佢盡」嘅旅程 回正題,襯响空港仲有時間剩就食啲小食… 長期有人排所以我又排吓嘅Kinotoya 先要快快口食又厚又濃仲幾快溶嘅極上牛乳ソフト 再啪嗰空港限定嘅焼きたてチーズタルトブルーベリー 當然要買埋便當(空弁同駅弁咪又係お弁当) 一陣搭幾粒鐘車都要食吓嘢攝時間嘛 新千歳空港 → 南千歲 (快速エアポート、733系) 南千歲 → 帯広