All Posts

神奈川衝撞旅(3D3N)

又係一路飲啤酒同睇好多花 感覺上同去荷蘭比利時咁差唔多 XDDD Day1:三浦半島 → 川崎 羽田 → 三浦半島 三浦 城ヶ島 まるか まぐろ工房 清月 - マグレーヌ 小桜観音 城ヶ島灯台 城ヶ島ハイキングコース 城ヶ島大橋、みさき魚市場 山田屋酒店 廻転寿司 海鮮 三浦海岸 → 三崎口 → 川崎

[神奈川衝撞旅] Day3:川崎 → 羽田空港

吖~ 話說川崎呢度係叮噹ドラえもん嘅故鄉 所以周圍都有唔少佢嘅嘢 江戶風味 110 夠鐘喇… 拎埋行李就搭京急去機場(羽田空港) 好快有車又好快去到 咁就快閃咗三日三夜喇 搭凌晨機,五點落機返屋企沖個涼然後死返工!!! bye喇結弦(揮手) 今次鎌倉玩得未夠盡興又冇去到江ノ島 下次再嚟啦去川越都好喎… ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:白金魚 プラチナフィッシュ クラフトビアバル アトレ川崎店

返到川崎又飲過 白金魚 craft beer真係魅力沒法擋 黑膠樣嘅杯墊 鬼佬涼茶裝响涼茶杯咁 俺のSorachi TKBrewing ABV5.5% 神奈川県川崎市嘅酒廠 真正嘅地beer 蘊含獨特苦hop味嘅Sorachi Ace 但係入口甜甜地幾特別㗎 Cutie Blonde IPA 忽布古丹醸造 ABV 6.5% 睇落好清咁其實係入口滿果香後續苦嘅IPA啦(心) クリームチーズの醤油漬 個醬油漬cream cheese勁好送酒 嚟埋呢杯Hop Hideout就完喇

[神奈川衝撞旅] Day3:森永 ビスケットサンド ミルクキャラメル

啱先食咗幾串又飲咗少少落肚仲有甜品送 不過搭返JR嗰陣都係忍唔住要食佢 森永 ビスケットサンド ミルクキャラメル 無計啦焦糖牛奶糖實在太吸引 軟嘅餅乾包住勁厚身嘅焦糖牛奶雪糕磚 唔會太甜但好大舊會好飽囉(嗝) 上車走要byebye鎌倉喇~ (上野東京線:大船 → 川崎) ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:横浜天下鳥 大船店

嚟到大船駅仲係落緊大雨 就搵食先啦 @横浜天下鳥 氣氛好好㗎,飲第一杯係會全部staff一齊陪乾杯好嗨呀~ 佐酒小食係新鮮爽脆嘅麻油椰菜 鳥ささみのタタキ 叫得做「天下鳥」就梗係有雞食 タタキ只係雞皮位輕輕燒過 雞肉依然係呈半生狀態 冇咩脂肪好好咬 呢隻宮崎生雞比名古屋嗰隻個雞味再濃啲 (宮崎地頭鶏真係好好味㗎!) ねぎまの炭火焼 厚厚嘅炭燒雞肉 燒咗之後爽甜 銀杏 menu見到有就一定會嗌啦 さぎもの炭火焼き(レバー) 新鮮雞膶,毫無苦味非常好食呢! 生グレープフルーツサワー 以為好似lemon sour咁會有粒粒結冰提子 不過都好好飲啦無藥水味㗎 月見つくね 哇哇哇呢個好好好好味

[神奈川衝撞旅] Day3:湘南モノレール - 湘南江の島 → 大船

實在太大雨反正又睇唔到咩景 咁就秒決定skip咗江ノ島 直接上湘南モノレール走 佢係單軌吊車,即係出咗站會車底揈揈吓嗰隻 好可愛嘅海洋動物公仔車身 龜龜~ 凳pan,嗱嗱嗱真係吊車嚟㗎 沿途好多都係住宅區啦 站頭到站尾:湘南江の島駅 → 大船駅 哎吔吔又開始落大雨 咁去搵食先啦 GO~ ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:鎌倉高校前Slam Dunk平交道

越落越大雨,又反正冇得企响站影 個鎌倉高校前Slam Dunk平交道就係咁求其影咗 XDDD ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:タカナシ 酪農牛乳

浸完溫泉… タカナシ 酪農牛乳 梗係要飲牛奶(爽) 無脂乳固形分:8.3%以上 乳脂肪分3.5%以上 唔會過於肥漏漏嘅口味 出返溫泉館,啲雨越落越大 又搭返江ノ島電鉄繼續行程 ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:鎌倉 黄金の湯 稲村ヶ崎温泉

如果只係得少少時間 只可以揀睇鎌倉大仏定遊覽江ノ島嘅話… 鎌倉 黄金の湯 稲村ヶ崎温泉 咁就唯有skip晒佢哋 嚟稲村ヶ崎睇住個海浸溫泉(哈哈哈) 如果天氣好運氣好,就可以見到富士山同江ノ島 但係今日嘛… 叫做見到灰天灰海同江ノ島黑影咁囉 個泉水叫黄金の湯,啡中帶微金(?)咁 因為稲村ヶ崎嘅舊地名係「極楽寺字金山」 係一個金礦嘅遺跡 除咗啲應該無晒嘅金砂 其實仲有好多磁砂(磁能砂?) 再加埋具殺菌效果又帶氧嘅泉水 浸完好難唔消除疲勞同令皮膚滑滑呢~ ----------------------------------------------- 延伸閱讀: Day1:三浦半島 → 川崎 Day2:川崎 → 横浜

[神奈川衝撞旅] Day3:江ノ島電鉄 - 和田塚 → 稲村ヶ崎

個day pass包咗江ノ島電鉄線 順晒路又有景睇無理由唔搭㗎嘛 和田塚駅 單軌雙線行車 先見到反方向去鎌倉嘅500形電車 大方圓無稜角嘅車頭好可愛 唔係上呢班就可以慢慢影車身 呢架去藤沢駅方向嘅車先啱 係個線條瘦削啲個樣復古啲嘅20形電車 和田塚駅 → 稲村ヶ崎駅 再行出去相模湾 but唔係嚟吹海風啦~ ----------------------------------------------- 延伸閱讀: Day1:三浦半島 → 川崎 Day2:川崎 → 横浜 Day3:鎌倉 → 川崎

[神奈川衝撞旅] Day3:グリコ アイスの実 メロン | 飯田牧場 ice milk premium

臨離開材木座前食返少少雪糕 & ice グリコ アイスの実 今次係期間限定嘅メロン蜜瓜味 (みかん | 白いカフェオレ | マンごー | ぶどう&もも 隻隻都好食) 仲有飯田牧場 ice milk premium朱古力碎粒粒牛奶雪糕 係當地牧場,呢間籮神限定發售㗎! 唔係軟滑嗰種係沙沙牛奶冰咁嘅質地 奶味都幾香仲有粒粒幾好咬嘅碎朱古力 唔係好甜咁味道唔錯呢~ 食完又起行喇! ----------------------------------------------- 延伸閱讀: Day1:三浦半島 → 川崎

[神奈川衝撞旅] Day3:五所神社 - 乱材祭

向海岸線方向行 到材木座海岸 然後一直行到去材木座海水浴場 已經有人聚集喇 (頭先一直沿住海岸線都唔見到有人仲以為去錯呢) 因為嚟呢度唔係游水 係嚟睇今!日!限!定! 見到個「祭」字嘅衫應該冇嚟錯 開始有祭司行喇 (搵到好位置) the 轎 is coming 不過因為有條橋 個轎要放低再抬返高 介紹返 呢個係五所神社嘅例大祭:乱材祭 一共有三抬轎(神輿渡御) 先跳返part舞 跳完都唔係將啲神輿渡御擺响度