All Posts

taitung8d7n

臺東瘋食遊（8D7N）

食得瘋狂！ 浸得瘋狂！ hea都要hea得夠瘋狂！！！ ROAR！！！！！！ day 1 健康同唔健康之間 day 2 日安臺東 Oia Cafe B&B（伊亞咖啡民宿） Oia - welcome drink 田園米膳坊－麻油雞火鍋、宮保杏鮑菇set 井村屋 やわもちアイス つぶあんミルクカップ、抹茶つぶあん最中 day 3 藍蜻蜓炸雞 杉原陳家麻糬

2016 年 3 月 3 日
taitung8c

[臺東瘋食遊] Day8：宮原眼科 醉月樓

係呀！又係臨走食宮原眼科呀！ 無計啦，由呢度搭巴士去機場最方便（笑） 今次食輕食就夠喇 下午茶，最重要係杯茶 薄荷紫米茶 濃郁而甜美嘅味道中帶D清新薄荷味 配菜但都好重要嘅甜品們 花生糖 x 南瓜籽糖；cheesecake；鳳梨酥 三樣都係呢度出名好食嘅嘢 好食呀，係好食呀 好sweet咁就結束咗今次嘅旅程喇，bye喇～（揮手） -———————————————- 延伸閱讀：臺東瘋食遊（8D7N）

2016 年 3 月 2 日
taitung8b

[臺東瘋食遊] Day8：臺鐵便當 排骨便當

火車便當呀～ 終於俾我恨到喇（撒花） 雖然唔係火車站買金屬盒 但係呢種紙盒裝都好vintage吖 ～開～ 哇！有一・大・塊・排・骨 仲要係又香又腍唔會乾嚡柴㗎 青菜仲係好青；泡菜都好爽脆 冬菇炆得好香耶～ 火腿唔係我杯茶 至於全熟嘅滷蛋嘛… 我唔太好囉 飯呀飯呀！臺灣米真係好好食呀呀呀！ 所以嘛… 搭火車一定要食火車便當！！！ -———————————————- 延伸閱讀：臺東瘋食遊（8D7N）

2016 年 3 月 1 日
taitung8a

[臺東瘋食遊] Day8：bye bye太平洋@臺鐵

終於要由臺東 (知本)返臺中喇… 架火車一直沿住個太平洋 從車窗望出去嘅無敵海景啊 個天幾靚；個海幾鬼靚 呀～ 已經唔捨得走喇 TT -———————————————- 延伸閱讀：臺東瘋食遊（8D7N）

2016 年 3 月 1 日
taitung7h

[臺東瘋食遊] Day7：煮溫泉蛋

係飽嘅係好飽嘅 所以唔浸得溫泉住 不過可以浸溫泉蛋呀！ 好一個煮蛋區@酒店 D水係好熱嘅 因為唔係即刻食 所以今次整我唔鍾意嘅全熟蛋 最後隻蛋响臺中機場一嘢啪咗 幾香蛋味嘅，加少少鹽就已經唔錯 但係佢都係一隻全熟蛋，輕微扣返分啦～ -———————————————- 延伸閱讀：臺東瘋食遊（8D7N）

2016 年 2 月 29 日
taitung7g

[臺東瘋食遊] Day7：番鬼荔枝

响天巴洛出面個生果檔口買 … 反正等緊巴士 好熟・超腍・爆甜 簡直好食到暈低（無誇張） 唔係個皮食落會澀我係想連皮都食落肚囉！ 遇到一定一定一定要試呀！！！ -———————————————- 延伸閱讀：臺東瘋食遊（8D7N）

2016 年 2 月 29 日
taitung7f

[臺東瘋食遊] Day7：天巴洛

今晚唔知食乜好， 求其搵間咋… 天巴洛原住民音樂風味餐廳 又唱晒歌跳晒舞咁 仲有一車車D中國旅行團咁 食個樣食裝修呱… 金針排骨湯 臺東D金針靚呀 爽口又夠香，可惜個湯底好油呀 真係團餐feel嗰種油水湯咁囉 不過D金針同排骨本身唔錯就係啦 阿拜 即係稯，有餡嘅糯米稯 個味道幾好，係普通D囉得個名特別dd 咁話晒都係用原住民嘅稱呼 唔知點解嚟咗碟無叫嘅炒豆腐 店家堅持唔收返又唔收錢 幾夠鑊氣味道都幾好 係加埋呢碟嘢變成成餐飯太多嘢食唔晒囉 白飯係用臺東米呀，勁！好！食！ 山豬肉 從個樣到食落口都同泰式豬頸肉好似 個味都OK，但係真係好似平時D豬頸肉 食唔出有咩分別（汗） 蔥爆鹿肉

2016 年 2 月 26 日
taitung7e

[臺東瘋食遊] Day7：小饞無糖優格

睇完瀑布落返山 梗係返附近酒店浸返個靚溫泉 飲吓茶食吓煎餅唞返陣 經過好甜嘅麥茶一役 今日個tea都係要零糖嘅好 少少酸重奶味嘅yogurt就啱晒喇 呢隻稀D，就咁飲就OK幾方便 不過都係鍾意「食」乳酪多D :) -———————————————- 延伸閱讀：臺東瘋食遊（8D7N）

2016 年 2 月 26 日
taitung7d

[臺東瘋食遊] Day7：白玉瀑布

食飽又返到住嘅地方 不過唔係返去浸吓瞓吓覺咁 係又～ 向山上行 行上D上D先又瀑布睇 响酒店附近，好方便 都幾澎湃吖係咪？ （唔係咩都要比較嘅：壺口瀑布） 先行完一條人車共享嘅山路 然後就沿住呢條樓梯路一直上就到 係呀係又樓梯呀 一路行都見到隔離一直有流水 行一陣就到㗎喇好易行！ 但係要影張好D嘅相就一D都唔容易 見唔見到左下角個位？ 呢個位就影到下向上最有氣勢嘅瀑布 而左下角呢位仁兄呢就好毒咁坐响度好Q耐 等・咗・幾・個・字・都・仲・係・玩・電・話 連・影・相・都・唔・係・嗰・種・得・响・度 而排我之前仲有人等緊打坐啦 又有情侶等影相啦 攪度忍唔住影咗呢張《瀑布與毒男》嘅相 -_-||| 好有意境係咪？ 我明白呢度又涼又舒服

2016 年 2 月 25 日
taitung7c

[臺東瘋食遊] Day7：7-11 經典茶飲 麥茶

隊完碗麵，湯底唔覺得有味精唔覺口乾 但係有D辣味仲响個口度 加上又有路要行，買嘢飲係絕對有必要 諗住安安分分飲枝麥茶啦 仲要寫到咁經典 就唔記得買任何嘢飲嘢食都要反轉後面睇食物標籤 原來有糖，飲落仲覺得應該加咗唔少 好L甜！甜到飲唔出麥茶味 TT 好似我咁鍾意飲清茶嘅千祈唔好試 伏中之伏！！！呢獲真夠經典喇！ （媽呀我錯喇以後唔敢唔睇標籤喇…） -———————————————- 延伸閱讀：臺東瘋食遊（8D7N）

2016 年 2 月 25 日
taitung7b

[臺東瘋食遊] Day7：湘琪牛肉麵

如果嚟知本食羊要去黑松 食牛呢就一定要嚟湘琪喇 唔食必定後悔！！！ 作為一個文明旅客 可以嘅話係唔會十個人只嗌一碟嘢 然後再坐佢幾粒鐘咁樣嘅 原本我同3B數得晒一行兩個人 咁食牛肉麵呢家嘢 一人一碗好基本啦係咪 點知嗌兩碗居然俾老闆娘截停 要我哋兩條友分一碗就夠 吖～ 其實我哋兩個係矮D啫 但係食喺上嚟都可以好恐怖㗎嘛 任憑我哋話我哋其實好大食 老闆娘堅持話要一碗先 讓步喇，就話真係唔夠先再加D或者叫多碗 好啦我都唔想攪大件事 一碗兩份分就分啦 真・係・一・碗・就・夠 碗麵仲大過我塊面 牛肉大大舊，每舊都差唔多半個拳頭咁大 不過大還大D肉腍過鬼 腍還腍，有筋位又好有𡁻頭 牛肉味重又唔臊，好明顯係好新鮮

2016 年 2 月 24 日
taitung7a

[臺東瘋食遊] Day7：知本・早晨

擒晚响房舒舒服服浸溫泉 雖然之後唔算好早瞓 不過一早就已經精神奕奕 尤其睇吓，個天咁鬼靚 真係早起D望多兩眼都好吖 （左邊舊雲好似隻馬！） 酒店有包自助早餐（筍lover！） 食少少晾吓個肚（無聊到呢D嘢都影…） 因為又要出發去食個brunch，哈～ -———————————————- 延伸閱讀：臺東瘋食遊（8D7N）

2016 年 2 月 24 日