All Posts

[抱抱葡萄牙] Day11:Cintia

搭一粒鐘有找嘅火車去Sintra(Lisboa - Rossio → Sintra) 因為車程唔長所以移動完先食早餐 呢間距離火車同巴士站都好近 諗住咁方便遊客嘅café會又貴又整得求其 點知唔係喎!好好味喎啲嘢食 (左邊嗰舊叫h á travesseiros quentes係葡式糕點嚟㗎) 係一間絕對值得推薦嘅café(讚) 咖啡… 機撳嘅正正常常咁啦 個紙巾樽好得意呀~ 不過對我嚟講應該咖啡比呢啲甜嘢吸引啲 遊Sintra係搭一日無限搭嗰種巴士 揀啱去邊條路線睇清楚號碼先上車 因為路線唔同當然收費都係唔同 (講廢話嘅時候真係好廢㗎) 出發喇~~~ ----------------------------------------------- 延伸閱讀: Day1:Hello Lisbon

[抱抱葡萄牙] Day10:Príncipe do Calhariz

用五臟廟去尋找旅行的意義… 係呀!又係時候食癲喇~ 為避免空肚食晚餐 先隊返杯啤酒 睇到啦好清澈係咪 心靈同喉嚨都清淨晒可以開餐 清完之後食得濃味嘢 個蝦蝦湯,望個色都知道唔惹少 係強烈鮮甜嘅蝦膏味呀該煨 香到爆囉咪就係 去法國就食高檔嘅花瓜(鴨鵝膶) 呢度就有親民好多炸豬潤 薄薄一片咁炸,老老豆豆真係未試過 不嬲都係食濕膶 估佢唔到原來乾炸係咁好味 濃得嚟冇豬臊味同血腥味 唯一唔滿意係連埋薯條就份量太多 諗住試吓兜飯仔 點知黐線㗎個焗海鮮飯駛唔L駛咁大兜呀? 衰得佢仲要啲海鮮夠鮮 汁又教得香啲飯焗得粒粒分明 以為已經收手?未! 因為唔知呢度啲嘢係咁大碟 明明睇落其他人嗰啲都係正常size (其實係大部份人飲酒多)

[抱抱葡萄牙] Day10:Ascensor da Bica

呃遊客定俾相當價值去體驗人哋啲舊嘢只差一線… 嗱~ 我就覺得好把鬼㗎喇 只係條好普通嘅斜路同架電車仔嘅組合 仲落到唔係好落嘅下面 (正常嘅人類只會响路軌隔離行樓梯囉,see?) 車程好短而且要嘅收費項目 影咗當玩過直接skip都無損失啦~ ----------------------------------------------- 延伸閱讀: Day1:Hello Lisbon Day2:Lisboa → Porto Day3:Porto ↔ Vila Nova de Gaia Day4:Porto Day5:Porto ↔ Barcelos

[抱抱葡萄牙] Day10:A Vida Portuguesa

要知葡萄牙人嘅日用品有啲乜 嚟A Vida Portuguesa就最清楚 因為呢個字解作「葡萄牙生活」嘛! 賣嘅係舊包裝嘅葡國產物 再簡單啲講,係賣佢哋嘅集體回憶 由生活用品護理品食品 以至明信片等等都應有盡有 葡萄牙興盛嘅紡織業 就留低好多棉布碎 咁啲小村落嘅婦女就將佢哋織成地氈 所以每一張都係獨一無二㗎 工欲善其事必先利其器 買咗靚廚具一定可以煮到好餸(大誤) 酒啦調味料啦同埋林林總總嘅罐頭 相比起話佢係一個商店 睇落更似藝術品展覽廳呢~ 色彩繽紛嘅刺繡工藝 唔鍾意人哋整好嘅成品? 買返屋企自己織囉 一間屋嘅擺設當然緊要 葡萄牙餐桌常見嘅沙甸魚 游吓游吓游咗出客廳同書房 原址係間1900年建嘅瓷磚廠

[抱抱葡萄牙] Day10:Amorino Chiado

逛逛吓,又搵個地方坐低食吓雪糕飲吓咖啡先… 杯gelato只係揀個size 想要幾多款味都OK 所以一口氣揀五種味 完美地治療選擇困難症 (12點順時針) 朱古力:濃帶微苦,同杯濃味咖啡超配 passionfruit:又香又甜又好味 西西里橙:清甜再有少少微酸,好清新 開心果:食咗會好開心㗎~ 榛子:好香滑,即係冇咁甜同更濃榛子味嘅繽紛樂餡 舒舒服服坐多陣先再起行! ----------------------------------------------- 延伸閱讀: Day1:Hello Lisbon Day2:Lisboa → Porto Day3:Porto ↔ Vila Nova de Gaia

[抱抱葡萄牙] Day10:Manteigaria

放低完行裝又係周圍兜吓 之後當然係食嘢啦 去到一個隔條街都聞到香味 全Lisboa第二好食嘅葡撻店Manteigaria 食~ 葡~ 撻~~~ 全custard嘅正宗葡撻呀 超香又流心嘅內層呢 舖裡面嘅玻璃窗係睇到啲葡撻嘅making of 因為焗爐都係响度 所以由店內到街外都成陣葡撻味 自己任加嘅糖霜同肉桂 不過其實就咁食已經好夠味! ----------------------------------------------- 延伸閱讀: Day1:Hello Lisbon Day2:Lisboa → Porto Day3:Porto ↔ Vila Nova de Gaia

[抱抱葡萄牙] Day10:Elevador de Santa Justa

離開Porto,搭火車返Lisboa 再搭的士到R. Áurea 落車嘅左手邊就係嚟緊呢幾日住嘅apartment 而右手邊就係好L出名嘅Elevador de Santa Justa 設計者係葡萄牙工程師Raoul Mesnier du Ponsard 哇好多人都會排隊搭佢㗎… 不過咪傻啦我先唔會專登畀錢搭佢囉 隔離間H&M條電梯快個佢好多 仲唔駛排隊同埋費用全免呀 建築呢間嘢有時响外面影吓咪算罷啦! 响馬路中間影呢張相差啲俾車撞… x_x 我知錯㗎喇,咪post出嚟引以為誡囉 葡京~ 我 (再一次)返嚟喇!!! ----------------------------------------------- 延伸閱讀: Day1:Hello Lisbon

[抱抱葡萄牙] Day10:Muralhas do Olival (final round)

第三次亦係呢次旅程最後一次嚟Muralhas do Olival 因為真係好好食又多款揀同埋超近民宿 冇一次冇一件係重複嘅! (除咗杯咖啡啦) 今次追加多件厚多士嚟做總結 因為要食飽啲呀~ 帶埋包袱由Porto到Lisboa嘛… ----------------------------------------------- 延伸閱讀: Day1:Hello Lisbon Day2:Lisboa → Porto Day3:Porto ↔ Vila Nova de Gaia Day4:Porto Day5:Porto ↔ Barcelos

[抱抱葡萄牙] Day9:RAIZ

日落就當然會去食晚飯兼飲返杯啦 包盤裡面嘅包都有幾款 有硬有軟有腍有脆 佐以一般嘅橄欖油同陳醋之外 仲有自家製超香嘅橄欖醬 好好味呢~ 開心嘅一晚會飲令人歡悅嘅酒 sparkling wine sangria 香甜嘅生果加埋有氣嘅酒 聽到個組合已經夠興奮 送酒嘅好拍檔唔少得煙燻火腿嘅 呢隻仲配埋焦糖洋蔥 個味鹹香再俾甜美令鮮味提升 啲芝麻又推進多層香氣,實在太美味 上咗個好似童軍露營兜嘅餸 係番茄仔煮薄豬肉片 簡單純粹嘅味道 就係嗰啲材料夠新鮮所以好好食嘅嘢 Alheira,被譽為King of Portuguese sausage 切碌碌嘅煙燻腸拎去炸

[抱抱葡萄牙] Day9:Evening Porto

最後一晚响Porto,繼續周街走 Igreja do Terço 藍白瓷磚教堂呀 下次就要响Lisboa先見到喇 Teatro Nacional São João national theatre,唔啱時候冇入到去 日落 @R. de 31 de Janeiro 靚景 x 靚建築 就算離開,都依然會記得妳 去食癲先… ----------------------------------------------- 延伸閱讀: Day1:Hello Lisbon

[抱抱葡萄牙] Day9:Bus Route 500 - Oceano Atlântico

响Matosinhos冇嘢做到連行咗幾間超市 係就係唔需要plan幾悠閒都得 但係只係睇呢樣嗰樣開架嘢都會悶㗎 搭返巴士啦,metro睇唔到景呀嘛 嚟嗰陣睇住個靜靜嘅Rio Douro 返歸就隔窗望住怒海Oceano Atlântico 波濤洶湧嘅大西洋 加棵樹連埋條欄杆 就好似置身响渡假村咁 隔著個窗,就算個海有幾大浪 …都好似事不關己 睇住幅會郁嘅大海畫咁 呢個景,只有搭車先見到 如果要搭路程短啲又貴啲 仲有呢家古董Tram No.1㗎~ 返返嚟平靜嘅Rio Douro 擺返啲戰利品返民宿 先唞陣再周圍行… ----------------------------------------------- 延伸閱讀: Day1:Hello Lisbon

[抱抱葡萄牙] Day9:It's Fruit Time

街市未開啫,超市照常營業… 啲生果已經由下至上左至右順序排列好 睇落真係好治愈 咁買返啲補充下維他命C先 去旅行除咗坐餐廳慢慢食 都要食啲新鮮生果返民宿嘆吓嘅~ ----------------------------------------------- 延伸閱讀: Day1:Hello Lisbon Day2:Lisboa → Porto Day3:Porto ↔ Vila Nova de Gaia Day4:Porto Day5:Porto ↔ Barcelos Day6:Porto ↔ Guimarães