2016 年 1 月 15 日

[臺東瘋食遊] Day3:穗科手打烏龍麵

朝早兜錯路嗰陣見到呢間日式得嚟又好新淨嘅建築物
响玻璃房望過去𥄫到個師傅搓緊麵
而個師傅仲要係後後生生偏瘦幾高樣貌中上(無圖)
一來間舖未開而來個肚仲飽飽哋
所有就一致決定今晚個晚餐係佢喇走唔甩!

主菜前當然要先食前菜
紅酒漬鮮茄
紅噹噹令立立成粒大寶石咁
番茄係牛茄,即係厚肉又多汁嘅品種
用紅酒醬醃過夜
上菜前再淋和風醬汁
清新嘅番茄混合甜同微酸味道中
散發住淡淡紅酒香氣
仲每啖都爆醬咁
真係好好食好鬼好食好鬼死好食!

白玉腐皮湯卷
有濃味亦有清淡D嘅味道
用黃牙白(白菜)包住腐皮(豆皮)
再用微鹹帶鮮嘅上湯浸飽佢
偏家常嘅味道加上少少七味粉吊起個味
所有嘢就係啱啱好
個菜煮到又腍又滑完全中和腐皮原本嘅油膩
而腐皮本身有豆香之餘吸飽微鹹湯汁
呀~ 簡單而好味!

好!主角嚟喇!自慢冷麵

配上原味上湯
1 set過,倒入去成為冷湯烏冬
聽講唔錯,因為呢兜嘢唔係我嘅

因為我比較鍾意食沾麵呀
穗科冷麵
呢間做嘅係幼切烏冬
新鮮打同打得好夠
D麵條煙韌好有𡁻頭(Q彈無誤)
粉味都幾出不過唔會好過份
所以輕輕沾左手面兜有わさび嘅麵汁就已經好夠味
當然D好香嘅芝麻同紫菜都好緊要
好味嘅嘢就係無需要好多樣調味去堆砌
好大兜,不過我係成兜清得晒
超!讚!

仲有配菜:芝麻牛蒡
簡單醬油炒嘅牛蒡絲
鹹中有微甜配上芝麻香
牛蒡好爽口,食得好愉快

。。。小菜呢仲有杏鮑菇呀龍鬚菜呀南瓜佃煮呀黑玉胡麻豆腐
其實樣樣都好鬼吸引真係想試晒 -u-
奈何肚子額會滿,唯有下次再有機會再食過。。。

梅子純麥汁、檸檬黑麥汁
第一次試有氣麥汁
我嗰杯係黑麥,雖然有檸檬base但都有少少偏甜
算OK啦幾新鮮嘅體驗

因為呢間嘢D嘢食實在真係非常汁咁好食
烏冬呢就無得拎走㗎喇
不過都仲有嘢食可以買走嘅
就係呢包盛岡手燒煎餅
嘻嘻

by the way,個樣子中上個師傅响邊度呢?
掛住食嘢唔記得搵tim…

-———————————————-

延伸閱讀:臺東瘋食遊(8D7N)