2016 年 1 月 22 日

[臺東瘋食遊] Day4:kituru-比努拉稱安 pinuljacengan

食個排灣族山地飯做午餐

平日對於潮州粥呀水泡飯呢種半爛米粥無好感
(蠔仔粥同方魚肉碎粥除外)
但係呢兜嘢睇落似呢種
食落濕度似介乎risotto同paella之間
又唔同D喎,好香啦味道仲唔錯呢
就係簡單嘅白米啦小米啦野菜煮埋一兜
連鹽都唔駛落就已經好夠味好好味
味道唔算寡,再配埋三小碟配菜
煎鹹魚:係有鹽醃過但裡面無係乾身、肉身微彈牙嗰種
腐乳:台式微甜帶韌,超好送飯
薑炒肉片:深色嘅醬油令入口前一直以為D薑片係筍!
薑片微辣鹹中帶爽好好食
肉片煮的柔軟,同D薑成為perfect match嘅對比
成個set都好Q好食~~~

嗱~ 煮法都俾埋,鍾意咪試吓挑戰囉

唔好漏咗呢杯kituru特調茶
呢杯係熱嘅,茶香滑奶泡濃焦糖甜
非常之咁好飲,一定要試啊!

坐二樓矮梳化位
光線好又通風
係有一隻二隻飛吓飛吓囉,不過周圍都係樹
除左人類呢個世界仲有好多生物㗎嘛將就吓啦

間嘢個外型係咁樣
一樓有嘢賣,出面都有枱可以食嘢仲有狗狗 :D

-———————————————-

延伸閱讀:臺東瘋食遊(8D7N)