2018 年 1 月 11 日

[閱讀瘦身法] 唞氣瘦:用呼吸去瘦身都不特止,仲要操埋肌真係好屈機!

身為人類,我每分每秒都响度呼吸緊
然而將化呼吸為瘦身
就係呢本書所謂嘅進階呼吸啩…
(進階呢兩個字係我自己作嘅)

「腹筋運動ではお腹は凹みません 呼吸と姿勢だけでみるみる凹む最強メソッド」
- 森拓郎

所謂嘅森氏四大呼吸法
分為呢四樣啦(唔通分為八樣咩廢話)

「身體站直:呼吸的第一步從站直開始!站得好,人自然就瘦。」
企好身體就平衡
基本上啲瘦身書都係講呢樣

「腹式呼吸 :腹部呼、吸得對,才能打造肚凹的第一步。」
簡單嚟講即係丹田式呼吸
細細個就唱開歌所以晨早就練好
又可能因為咁
我個肚一向都唔算好大
between,一路好多地方都話唱歌會令人燃燒脂肪㗎啦。

「胸式呼吸 :有效控制吸吸時左右肋骨的位置,除去惱人的胃凸。」
即係平時胸肺呼吸
只係比平時嘅更有意識去呼吸
咁有咩分別?
有意識嘅話會唞大啖啲氣
又會呼得盡吸入嘅氣

「軀幹式呼吸:透過有系統的呼吸循環,讓腹部馬甲曲線自然呼現。」
嗱~ 呢種先係打大佬
就係運用腹式同胸式呼吸嘅轉換 (先要企直for sure)
令到人體鍛煉唔同位置嘅肌肉
而所謂唔同位置只係指胃腩同肚腩位
講真,唔睇住個圖 or 背定個step就唔容易練
要成日打開本書
係絕對無呢個恆心嘅
因此只係分開有意識咁去用腹式同胸式呼吸都夠使
有日記得想練咪練呢種囉
無所謂嘅…

認真呼吸就瘦真係幾神奇
講緊係呼吸嚟練肌肉
呢家嘢真係完勝囉

… 係呀,呢個方法無令我喪瘦
但係個肚嘅肌肉係有firm到㗎!