2020 年 5 月 14 日

[麵] 三星台菜食堂 Tristar Kitchen - 噶瑪蘭威士忌三星麵

仲未有得去臺灣呀呀呀(淚)

唯有食添加臺灣威士忌kavalan嘅臺灣牛肉麵先(心)

有兜麵啦麥芽啦大兜蔥啦
當然仲有支kavalan(噶瑪蘭)啦!

上枱後先用火槍燒熟個牛肉面

燒一面㗎啫;另一面浸緊熱湯唔駛燒
牛肉太熟唔好食嘛…

再倒啲麥芽上去然後又燒一燒
呃… 好香呢~

最後,倒半支kavalan去個湯勺度燒
起晒藍色火,仲酒香四溢喔!

!好好火!

熄火之後加埋大量嘅蔥,噶瑪蘭威士忌三星麵就完成喇!
本身濃味嘅湯底加咗燒過嘅威士忌之後反而變得清爽柔和
麥芽味非常香,搞到風暴吸入湯底㖭(嘿)

半熟嘅嫩滑牛肉片

新鮮牛肚一咬就斷唔韌唔會攝牙罅

大大舊超~漿~口~牛筋
幸福滿滿嘅感覺(心)

鮮嫩無比嘅牛腩啊!
牛味香炆得腍個煮汁又夠入味so great

白麵煮得啱啱好唔會太腍好掛湯
成碗麵完成度高,每樣料都三大件好足料
其實兩個人都夠食…

紅燒三星麵
原味紅燒三星麵
三星係指牛腩牛筋牛肚
湯底比有kavalan嘅濃郁極多
但唔會有好強勁嘅藥材味

酒香鴨舌
呵呵呵,講酒嘛點可以冇花雕
花雕同藥膳(當歸杞子)味濃郁
鴨舌質地爽口好好味

第一鹽酥雞
好耐先到,仲以為漏單(but冇催過單)
不過只係因為佢即叫即炸熱辣辣
皮微微韌脆裡面嫰雞會爆雞汁,正!