「白」で自分にもご褒美を♡
白の色彩効果に魅せられて
MUJI サーキュレーター
低噪音、大風量嘅made in Japan循環扇
係大舊咗啲不過見阿B點玩都插唔到啲手指仔
加上就算用咗好耐啲白色膠亦唔變黃
白い家電嚟講佢係真全白，勁靚！
IKEA SMÅSTAD Wardrobe
無咩特別事就唔好買香港IKEA
呢個兒童衣櫃圓角又幾厚實
以前一直用開諗唔到咩理由突然唔用返啫
IKEA - TROMMA wall clock | KLOCKIS clock/ thermometer/ alarm/ timer
再重申無咩唔好幫襯香港IKEA！
然而個超平價掛牆鐘跌極都跌唔爛
個四合一鐘、溫度計、鬧鐘、計時器
响見到DAISO嗰個之前已經入手
放响廚房又好鬼㩒用喎…
リス H＆H 棚下で使えるペダルダストボックス
垃圾桶都係有蓋嘅最好
呢個好踩易開連阿B都好鍾意走嚟廚房成日搞（污糟糟）
佢個攝垃圾袋位做得好好
made in Japan又要唔貴好難唔買佢
萬潔靈 輕鬆抹除塵紙拖把
係嘅，吸塵機同掃地機械人係好好用
不過硬係有啲窿窿罅罅位搞唔掂
加上呢碌嘢真係好㩒唔易爛唔會斷
同以前相比而家呢隻款個墊軟身啲仲有氣墊位
唔係單一條條係圓粒粒突突再「食」到多啲塵同毛髮
用到唔同牌子嘅除塵紙
成日抹抹抹都唔肉赤
DAISO ふわっとモップ
有啲人鍾意咩都淘
我就好L鍾情100円店（笑）
講開平面嘢櫃面地下咁就用紙拖把
但係好似抽氣扇嗰種細罅位
就用呢種雲朵朵掃更方便
黐到滿塵就掉得，乾手淨腳呢～
Oral-B Pulsonic Slim 2200
即係以前用開嗰支嘅全白版
話slim咋不過比以前嘅手柄肥少少
而啲刷頭都仲係compatable
好用都可以一直用落去
昔ながらの 白いタオル
咩啫，咁size唔大夠薄超吸水
同埋用好耐好耐都冇殘冇爛
想
Panasonic EH-NA46 nanoe® Hair Dryer
如果最想要嘅風筒嘛
一定係LOUVREDO 復元ドライヤーPro®︎
不過無偈啦要用變壓器先得
另一部有啲想買會係GHD HELIOS™
可惜呢部係MIC絕對唔會係首選
最後响屋企出現嘅係呢部嘢
嗰個唔需要吹頭嘅佢做咗reseach後
再揀間抵入手價舖頭買
呢支風筒係泰國做
反而再高階啲嘅款式係MIC㗎囉…
KAI 119 ツメキリ001 M(カーブ刃)
隻孖人牌放低咗响+44
咁平日都要剪趾甲㗎
買返隻C/P值高嘅made in Japan貨仔
而KAI嘅刀片不論平貴都係好好用
衰在買嗰陣得M size對於手指仔略嫌大咗啲
下次經開啲舖頭見到S size嘅再買過支先
DAISO プラハンガー用ピンチ
100円店made in Japan好貨仔
白雪雪嘅佢就算擺响露台受盡風吹雨打日曬雨淋
都依然keep住唔爛無生銹同啲膠變黃啊！
PONYKASEI ドアストッパー
又係100円店嘅made in Japan貨仔
因為露台↭浴室非常扯風
唔用呢個door stopper對浴室門就呯拎棚冷
一大一細都只係呢個價，好抵呢～
marna いろいろキャッチャー
雖然好鍾意100円店不過有時見啲靚嘢都會買貴少少嘅
呢兩粒catcher一早就拎咗Good Design Award
用嚟啜响瓷磚到勾吓橡筋啊起泡網啊嗰啲咁都幾好㗎
DAISO スライド式水切ラック
100円店嘅made in Japan可伸縮嘅晾碗架
放响鋅盤啱啱好㗎本來
不過佢嫌太細喎最後都買個掗掗拃拃大大舊嗰隻盤
（都係白色嗰種嘅…）
DAISO ちょこっとまな板
for主婦嚟開發嘅product
功能多多又方便所以聲稱櫻花主婦每人嘅廚房都有塊
100円，made in Japan啦都係
方便切豆腐倒開水切嘢嗰陣啲嘢唔會周圍碌
仲有抗菌塗層乾淨衛生
無偈～ 呢塊板真係廚房必備品です。
セリア 皮むきスイスイ
都話好鍾意100円店㗎啦
今次唔係DAISO係另一間都係「大牌子」SERIA
批皮順滑磨蓉快捷好好用
好難唔愛上呢啲made in Japan平價高品質嘅貨仔
イノマタ スクエアポット
亦係made in Japan嘅100円店貨仔
疊高方便擺個蓋勁易撳開仲已經自配埋5ml量羹
呢個調味盒簡直就係完美！
KOKUBO 小麦粉ふりふりストッカー
又一被櫻花主婦洗版買嘅好物
（100円店made in Japan嘢again）
粉類係平但滲多咗啲嘢會唔好食
呢個樽就啱啱好將啲粉平均薄薄咁滲上
勁好用啊呢個，正正正！
DAISO ごますり器
哈哈終於有樣係100円 x made in Japan嘅嘢唔好用喇！
平時見到拉麵店啲芝麻磨都唔錯
响100円店見到類似嘅咪買囉
呢個超雞肋，磨又磨唔碎仲飛到周圍係
揸到喊 TT
DAISO シール容器（ハンドル付）
唔係次次都買到盒裝麵豉醬
有時買到袋裝咪拎呢啲盒裝住囉
有手柄又可以疊高方便擺
都係100円店貨仔啦
but唔係MIJ喇今次係北漏洞拉越南嘢啊！
KOKUBO 粉もの専用スライド式計量スプーン
繼續係100円店搜索made in Japan貨仔
佢可調較四種唔同份量
然而相比粉狀嘅嘢要量液體嘅時間更多
（鹽糖粉嗰啲用調味盒裡面嗰支羹已經好夠用）
已經打咗入冷宮喇…
DAISO クリーンヘラミニ
比較少含矽膠嘅嘢係日本製
（不過製造地方啫，其實原料都心知係來自邊度）
支spatula用嚟攪拌嘅時間唔多
反而用嚟刮走碗碟啲醬
令到方便清洗嘅機會更多～
KOKUBO ピーラー式バターナイフ
唔好問我有幾鍾意100円店啲made in Japan嘢
削削條牛油刀好用啊！
係就算舊牛油啱啱响雪櫃拎出嚟都即削到
而且係一細一細條
唔需要一舊咁再慢慢等溶先搽
咁就唔怕啲牛油放得唔平均，正！
PAMIRE 토끼 스탠드 밥주걱
雖然100円店啲made in Japan嘢都有直立式飯勺
但係呢隻韓國造嘅有隻兔兔啊
而且係₩1,000店嘅，一樣㗎啫（哈）
イノマタ おうちでアイス
黑白mono超型格製冰條格
冇錯！100円店嘅made in Japan嘢啦梗係！！！
【貝印】アイスクリームメーカー
KAI除咗刀片靚
呢樣廚房產品都好正
頭先嗰樣整雪條呢部機就整雪糕，爽！
HOMEMATE迷你電壓力鍋
當年未興電子壓力煲嗰陣已經响泰國托返屋企
方便易用煮嘢又夠快
用咗好多年都無壞，真心正！
PHILIPS On tap water purifier
哎吔大廈成日洗水箱
唔需要太驚啲水太污糟
所以用呢種陽春嘅就已經夠用喇～
PHILIPS Water dispenser
以前就成日話「飛利浦無樣好」
點知都買吓買吓咁
咁相比係bruno啊récolte啊嗰啲cheap雞嘢
（係睇落平價咋；個標價係design嘢價格）
對飛利浦呢隻有信心啲
加上佢拎咗2021嘅iF Design Award
講靚係佢靚啲啊！
部機嘛，咪出水即熱囉～
（有幾個唔同溫度揀嘅）
同一般倒水嚟講佢係出水慢好多
但係唔好唔記得係即熱出水啊
連等煲嘅時間都慳番
Wedgwood Strawberry and Vine Teacup
非常靚而且耐用
完全無辦法捨棄嘅小奢華（呵呵）